ᐃᓱᓕᕕᒃᓴᖓ

ᓇᒡᒐᔭ ᒪᐃ 21, 2018

ᑮᓇᐅᔭᒃᓴᖅ ᖃᑦᓯᑖᓚᐅᓂᖓ

ᑎᑭᓪᓗᒍ $10,000

ᑐᑭᒥᒋᐊᑲᓐᓂᕈᓐᓇᖅᑐᑎᑦ ᐊᒻᒪᓗ ᐊᐱᕆᔪᓐᓇᖅᑐᑎᑦ

ᐅᖃᖃᑎᒋᓗᒍ ᑲᒥᐅ ᐊᔅᓱ
647.498.7717
kama@inuitartfoundation.org

ᒫᓐᓇ ᐆᒃᑐᕈᓐᓇᖅᑐᑎᑦ

ᑎᑎᖃᒃᑯᕕᒃ 
ᐆᒃᑑᑎᑦ ᐊᐅᓪᓚᖅᑎᓯᒪᓗᒍ ᑎᑎᖃᒃᑯᕕᒃᑯᒃ ᑎᑭᐅᑎᓚᐅᓐᖏᓂᖓᓂ
ᒪᐃ 21, 2018
ᐊᓕᓴ ᐳᓗᓯᑕ
ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓ / Inuit Art Foundation
215 Spadina Avenue #400
Toronto, ON   M5T 2C7

ᖃᕆᓴᐅᔭᒃᑯᑦ
kama@inuitartfoundation.org

ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓ ᒫᓐᓇ ᐱᔪᒪᕗᑦ ᓂᕈᐊᖑᔪᓐᓇᖅᑐᓂᒃ ᐊᔪᖏᑦᑎᐊᖅᑐᓂᒃ ᐃᓄᖕᓂᒃ ᓴᓇᖕᖑᐊᖅᑎᓂᒃ ᑖᑉᓱᒥᖓ 2018 ᕿᓐᓄᐊᔪᐊ ᐋᓯᕙᒃ ᐃᖃᐅᒪᔾᔪᑎᖓᓂᑦ ᓵᓚᖃᐅᓯᐊᒃᓴᒧᑦ. 

ᓴᕿᑕᐅᓚᐅᖅᓯᒪᔪᖅ 2014 ᐱᔾᔪᑎᒋᓪᓗᒍ ᐃᓅᓯᕆᓚᐅᖅᑕᖓ ᐊᒻᒪᓗ ᓴᓇᖃᑦᑕᓚᐅᕐᓂᖓ ᐃᓅᔪᓃᖅᓯᒪᔪᖅ ᕿᓐᓄᐊᔪᐊ ᐋᓯᕙᒃ, CC, ON, RCA (1927¬–2013), ᐅᓇ ᓵᓚᖃᐅᓯᐊᒃᓴᖅ ᒪᕐᕈᐃᖅᑕᐅᕙᒃᑐᖅ ᐊᕐᕌᒍᒥ, ᐃᑲᔪᕈᑕᐅᔪᖅ ᑖᒃᑯᓄᖓ ᓴᕿᑕᐅᓯᒪᔪᖅ ᐃᓄᖕᓄᑦ ᓴᓇᖕᖑᐊᖅᑎᓄᑦ ᐃᓕᓐᓂᐊᖅᑐᓄᑦ ᐅᒡᕙᓘᓐᓃᑦ ᐃᒻᒥᖕᓂᒃ ᐃᖏᕐᕋᓯᑎᑦᑎᓯᒪᔪᓄᑦ ᐱᓕᕆᐊᖏᓐᓂᒃ ᐊᓯᒥ ᖃᐅᔨᒪᔪᕐᔪᐊᒥᑦ ᓴᓇᖕᖑᐊᖅᑎᒥᒃ, ᐃᓕᓐᓂᐊᕐᕕᑦ ᐅᒡᕙᓘᓐᓃᑦ ᐊᐅᓚᑦᓯᔩᑦ ᐃᓗᐊᓂ ᑲᓇᑕ. ᐅᑯᐊ ᐊᔪᖏᑦᑎᐊᖅᑐᑦ ᐱᑎᑕᐅᔪᓐᓇᖅᑐᑦ ᓵᓚᖃᐅᓯᐊᖅᑎᑕᐅᓗᑎᒃ ᑎᑭᐅᑎᓯᒪᔪᖅ $10,000 ᐊᑐᖅᑕᐅᔪᓐᓇᖅᑐᖅ ᓴᓇᖕᖑᐊᖅᑎᒧᑦ ᐱᕈᕈᑎᒃᓴᐅᓗᑎᒃ.

ᐅᑯᐊ ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓ ᖃᐃᖁᔨᕗᖅ ᓂᕈᐊᒐᒃᓴᓂᒃ ᑖᒃᑯᓇᖓᑦ ᖃᐅᔨᒪᔪᕐᔪᐊᓂᑦ ᖃᐅᔨᒪᔭᑦᓯᓂᑦ ᑕᒪᒃᑯᐊ ᑕᑯᔭᒐᖃᕐᕕᖕᒥ ᑲᒪᔨᑦ, ᑕᑯᔭᒐᖃᕐᕕᖕᒥ ᐋᕿᒃᓱᐃᔨᑦ, ᑎᑎᕋᖅᑎ, ᓴᓇᖑᐊᖃᑎᒋᕙᒃᑕᑎᑦ ᐊᒻᒪᓗ ᐊᓯᖏᑦ ᐃᑲᔪᖅᑐᑦ ᓴᕿᑕᐅᖁᓪᓗᒋᑦ ᐃᓄᐃᑦ ᓴᓇᖕᖑᐊᖅᑎᑦ. ᐃᓄᒃ ᐊᑕᐅᓯᖅ ᓴᓇᖕᖑᐊᖅᑎ ᐃᒻᒥᓂᒃ ᓂᕈᐊᒐᒃᓴᖑᖅᑎᑦᑐᓐᓇᕐᒥᔪᖅ ᑕᐃᒪᓐᓇᐅᔪᒪᒍᑎᒃ. ᑕᒪᕐᒥᒃ ᕿᓐᓄᐊᔪᐊ ᐋᓯᕙᒃ ᐃᖃᐅᒪᔾᔪᑎᖓᓂᑦ ᓵᓚᖃᐅᓯᐊᒃᓴᒧᑦ ᐆᒃᑑᑎᑦ ᖃᐅᔨᓴᖅᑕᐅᑦᑎᐊᕐᓂᐊᖅᑐᑦ ᓯᓚᑎᒥᖕᓂᑦ ᐱᔭᐅᔪᑦ ᓴᓇᖕᖑᐊᖅᑎᓂᑦ ᖃᐅᔨᒪᔪᕐᔪᐊᓂᑦ.  

ᐊᔪᖏᑦᑎᐊᖅᑐᑦ ᐊᑕᓂᐊᓐᖏᑦᑐᑦ ᐊᖕᖏᖅᑕᐅᓇᓱᓚᐅᖅᑐᓄᑦ ᑕᒪᑐᒧᖓ ᐃᓕᓐᓂᐊᖅᑐᓄᑦ ᐱᓕᕆᑎᑦᑎᔾᔪᑕᐅᔪᖅ. ᐅᑯᐊᓕ ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓ ᓄᐊᑦᑎᓯᒪᔪᖅ ᐊᑎᕐᓂᒃ ᐃᓕᓐᓂᐊᖅᑐᓂᒃ ᓂᕈᐊᖅᑕᐅᒐᔭᖅᑐᓂᒃ, ᑭᓯᐊᓂᓕ ᐆᒃᑐᖅᑐᖅ ᐊᓯᖏᑦᑕᐅᖅ ᐱᒋᐊᕈᓐᓇᖅᑐᑦ ᑐᒃᓯᕋᐅᑎᒍᑦ ᓇᖕᒥᓂᖅ ᐱᓕᕆᐊᕆᔭᒥᖕᓄᑦ ᐊᒻᒪᓗ ᐱᓇᓱᐊᖃᑎᒌᒍᑎᒋᔭᒥᖕᓄᑦ. ᐆᒃᑑᑎᖏᑦ ᓇᓗᓇᐃᖅᓯᒪᑦᑎᐊᕐᓗᒋᑦ ᐱᒋᐊᕈᑖᓂᒃ ᐱᓕᕆᔭᑦᓯᓂᒃ ᐊᒻᒪᓗ ᐃᓂᒋᔪᒪᔭᑦᓯᓂ, ᐃᑲᔫᑎᒋᔪᓐᓇᖅᑐᑦ ᐊᒻᒪᓗ ᓇᓪᓕᐊᖕᓂ ᐃᓕᓐᓂᐊᕐᕕᒋᔭᐃᑦ/ᐊᐅᓚᑦᓯᔨ/ᓴᓇᖕᖑᐊᖅᑎ ᐱᓕᕆᐊᒃᓴᕕᑦ ᐱᔭᕇᕐᕕᒃᓴᖓᓂᒃ ᐊᒻᒪᓗ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐊᒻᒪᓗ ᐊᒃᑐᐃᓂᐊᕐᓂᖓ ᐱᓕᕆᐊᕆᔭᕐᓂᑦ.

ᐅᑭᐅᓄᑦ 30-ᓄᑦ, ᐅᑯᐊ ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓ ᐊᑑᑎᖃᖅᑐᒥᒃ ᐃᑲᔪᖅᑎᐅᖃᑦᑕᖅᑐᑦ ᑕᒪᐃᓐᓄᑦ ᐃᓄᖕᓄᑦ ᓴᓇᖕᖑᐊᖅᑎᓄᑦ ᐊᒻᒪᓗ ᑖᒃᑯᓄᖓ ᓇᓪᓕᐅᓂᖅᓯᐅᕈᑎᓕᐅᕈᓐᓇᖅᑐᑦ ᐊᒻᒪᓗ ᐃᑲᔪᖅᑐᑦ ᓴᓇᔭᖏᓐᓂᒃ. ᐅᓇ ᑕᒪᐃᓐᓄᑦ ᑎᓕᔭᐅᓯᒪᔾᔪᑎᖏᑦ ᐱᓕᕆᓂᐊᖅᑕᖏᑦ ᐊᒻᒪᓗ ᐃᑲᔪᕈᑎᒋᓗᒋᑦ ᐃᓄᖕᓄᑦ ᓴᓇᖕᖑᐊᖅᑎᓄᑦ ᓇᓂᑐᐃᓐᓇᖅ ᐃᓄᐃᑦ ᓄᓇᖓᓂ ᐊᒻᒪᓗ ᑲᓪᓗᓈᑦ ᓄᓇᖓᓂ ᑲᓇᑕᒥ ᑕᒪᐅᓐᓇ ᖃᓄᑐᐃᓐᓇᖅ ᐱᓕᕆᑎᑦᑎᔾᔪᑎᖃᖅᖢᑎᒃ, ᐃᓚᒋᔭᐅᕗᖅ ᓴᕿᑕᐅᓵᓚᐆᖅᑐᖅ ᕿᓐᓄᐊᔪᐊ ᐋᓯᕙᒃ ᐃᖃᐅᒪᔾᔪᑎᖓᓂᑦ ᓵᓚᖃᐅᓯᐊᒃᓴᖅ. ᑕᒪᒃᑯᑎᒍᑦ ᐃᖏᕐᕋᓯᑎᑕᐅᓯᒪᔪᑦ, ᐅᑯᐊ ᐃᓄᐃᑦ ᓴᓇᖕᖑᐊᖅᑏᑦ ᑐᓐᖓᕕᖓᑦ ᕿᓂᖅᑐᑦ ᓴᖕᖏᓂᖅᑖᕐᑎᑐᒪᓪᓗᒋᑦ ᐊᒻᒪᓗ ᐃᑲᔪᕈᒪᓪᓗᒋᑦ ᐃᓄᐃᑦ ᓴᓇᖕᖑᐊᖅᑎᑦ ᐃᒻᒥᖕᓂᖔᖅᑐᓂᑦ ᐊᒻᒪᓗ ᓇᖕᒥᓂ-ᐊᒃᓱᕈᐊᕆᔭᒥᖕᓂᑦ ᐃᓄᓕᒫᓂᓪᓗ ᐱᔭᐅᔪᒪᓕᕐᑎᑦᑎᔾᔪᑎᒃᓴᓂᒃ ᐊᒻᒪᓗ ᖃᐅᔨᒪᔭᐅᓕᑦᑎᐊᕐᓂᐊᕐᒪᑕ ᓴᓇᖑᐊᒐᖏᑦ.