Kenojuak Ashevakmut Iqqaumajaqarnirmut Tunniqusiaq

AhsevakJenojuakPreeningOwl
Kenojuak Ashevak ukpikjuaq salummaqsaqtuq (1995) titiraujaqsimajuq Arnaqu Ashevak ujaqamut titiraujaqtaulluni Dorset sanaugalirijikkunnit pijaujuq titiraujaqtimmarik

Inuit Sanaugalirijikkut pijumaliqput 2021-mit Kenojuak Ashvakmut Iqqaumajaqarnirmut Tunniqusianik pinasungniaqtunik. Taana tunniqusiaksaq matuinganiaqpuq sanaugaliuqpallialiqtunut ammalu sanagaliqtimmariujunut Inungnut sanavaktunik sanaugammariujunik ammalu pinnguaqtiujunut.

Taanna Tunniqqusiaksaq saqitaulauqsimajuq 2014-mit upirillugu sanaugaliuqtimariujumik Kenojuak Ashevakmit, CC,ON, RCA (1927-2013), taanna tunniqqusiaksaq  arraagu atausiq marruiqpakLugu ikajurutanasukLuni Inungnut sanaugaliuqtinut. Saalaksaqtuq pijunnarniaqtuq $10,000-nik. Nutaat sanaugaliuqpallialiqtut 2021-mit atingit taijauniaqtut pingasuulutik, taakua taijaut atingit pitaarniaqtut $3,000-nik. Saalaksaqtut amma sanaugaliulisaaqtut atingit uqausiuniaqtut September-mit 2021-mit.

Inuit Sanaugalirijikkut pijumaniaqput sanaugaliuqtinik pinasugumammariktunik, ammaluttauq sanaugaliuqtimmariujunik ukaluttauq pijumajauniarmijut takujagaqarvingmit kamajiujunik, takujagaqaviklirijiit, titiraqtiit, titiraqtiujunik pijjutiqaqLutik isumagijanginni tamakkuninga titiraqtiujunik, sanaugaliuqtiujunik, pinnguaqtiujuniglu, sanaugaliuqtimmariujuniglu ammalu tamakkuninga ilgijaujunik piliriaqasuunik, ikajuqtuijumallutik Inuit sanaugaliuqtinik. Sanaugaliuqtiujut nangminiq pinasuqujaummarikput pijumagutik. Kenojuak Ashevakmut iqqaumajaqarnirmut tunniqqusiamut pinasungniaqtut qaujisatauniaqput tamakkununga qaujisaqtiuniaqtunik sanaugaliuqtinik.

Isulivviksanga: Ullutuinnaq, June 25, 2021 unnuanguqpat kanangnaup siqinngujanga maliglugu

Tunniqsiaksaq akinga: $10,000 saalaksaqtumut; $3,000 atuni pingasunut sanaugaliuqpallialisaaqtunut.

Pinasugut qarisaujatigut

Angirniarivugut pinasuktunik ukutiguunaq pijunik:

Sukkajukkut – 647-498-6995

Qarisaujakkut – [email protected]

Titiqqakkuviktigut – uvunga aulaqtillugu:
Inuit Art Foundation
Attn: KAMA
1655 Dupont Street 
Box 11
Toronto, ON
M6P 3T1
*Qaujimaniaqputit-titiqqakkuviktigut aullaqtittiniaruvit niruaqtaujutiginasuktarnik ukutiguunaq Canada Post uvvaluunniit courier services piqujigaluaqpugut pinasukautigilusi June 25 isulivvia tikilauqtinnagu, titiqqakkuviit sukkaitummarialuulirmata tamanna nuvagjuarnialuk 19 pijjutaulluni. Tamarmik tittiqqakkuvikkut aullaqtitaujut ilaqariaqarput titiraujaqsimajunik uvvaluunniit ilijausimajunik USB-kut. Titiqqakkuvikkut aulaqtitaujut utiqtitaujunnajjaangittut.

Uqausikkut pinasuktut – amisunguqpaliatinasukLugit niruaqtuanasuktut tunniqqusiamit angirutiqarunnarniaqpugut nipiliuqtaujuvinirnik pinasuktunik. Uqausikkut pinasuktut titiraqtauqattarniaqput Inuit Sanaugalirijikkunit. Niruagaksaujut titiraqtausimajut angirutauqattarniaqput Qallunaatitut, ammalu Inuktitut. Tamarmik qallunaatituuliqtitauqattarniaqtut taakunangat Inuit Sanaugalirijikkunginit.

 

Titirarviksaq pinasugutimut

Niruaqtaunasugunnarniaqtut

  • Inuujariaqaqtut Kanatamiillutiglu Kanatamiutaulutik Nalunaikkutaqaqlutik, nunaqammariklutiglu uvvaluunniit Kanatami nunaqarniqmik nalunaikkutaqarlutik
  • Ukiuqariaqtut 18-nik
  • Pilimmaksarnikuulutik sanaugaliurnirmut (nalunaikkutaqariaqangitut ilinniarvigjuarmit)
  • Ilitarijausimagiaqaqtut sanaugaliuqtiuqatiminik sanaugaliuqtimmariuninginnik (suurlu sanaugaliuqqattarninginik immitut) ukiunut marruunut pingasunigluunnit
  • Sanaugaliangit ilitarijausimagiaqaqtut sanaugaliuqtimmariuninginnik, (suurlu, takujagaqarvingmit, uqalimaagalirvingmit, qarisaujatikulluunnit asinginniglu)
  • Kajusiinnarumgiaqaqtut sanaugaliurnirmik ajurunniiqpallianasuglutik

Niruaqtaunasugunnarniaqtut

  • Qaujimagiaqaqtut niruaqtaunasuktumik sanaugaliuqtimik ajungittiarninginnik
  • Sanaugaliuqtummariuluni sanavakLuni Kanatami silattuqsarvigjuanganik
  • Sanaugaliuqtiuluni takujagaqarvingmit kamjiuluni, titiraqtiuluni/titiraqtiuluni pijjutiqaqLutik isumagijanginnik tamakkuninga titiraqtiujunik sanaugaliuqtiujunik, pinnguaqtiujuniglu
  • Kanatamiutammariuluni sanaugaliuqsimajunik niuviqtiujumik
  • Sanaugaliuqtimut ilagijaujumik sananguaqatigivakluniuk. Taanna uqausiusimattiariaqaqtuq pinasugutajukku niruagaksaujukku.

Ninruaqtaunasugutajut ilaqariaqaqput ukuninga:

  1. Niruaqtaunsuktuup titiraqtanga (titirarviksakkut atausirmit aturlutik)
  2. Sanaugaliuqtiup unikkausirijangit (250-nik titiraqsimagiaqaqtut)
  3. Sanaugaliuqtiup inuusirijanganik unikkaqsimajut (250-nik titiraqsimagiaqaqtut)
  4. Niruagaksaliuqtiup inuusirijanganik unikkaaqsimajut (250-nik titraqsimagiaqaqtut)
  5. Sanaugaliuqtiup iqqanaijaaqtaarutiksanganik titiraqsimajut (titirarviksat pingasuugiaqaqtut)
  6. Takuksaujukkut ikajurutiksar (15-nik ajjiliuqsimajunik ammalu/uvvaluunnit 5-ngujunik aulajukkut ajjiliuqsimajunik; nalunaijaqsimattiarlutik pingasunik ajjiliuqsimajunik aulajukkut tamakkua takujaujunnarniarmata taakkununga Inuit Sanaugalirijikkunnit ikajurutanasuklutik Kenojuak Ashevakmut Iqqaumaniqarnirmut tunniqqusiarmik)
  7. Pianittiarlugit atiliursiniglu atiliurlutit tamakkutiguunaq niruaqtaujutiksatigut ammalu ikajurutinik ajjiliuqsimajunik. 

Niruaqsittiarniaqpusi takuksaujunik ajjiliuqsimajunik, taakkua niruarniaqtut pivviksaqaluangimmata niruarniaqtillugit niruaqtaunasuktunik. Tamakku ajjiliuqsimajut naasausiqsimattiariaqarniaqtut ammalu sanaugaliuqtinganik titiraqsimalutik (suurlu imanna, 01_atinga. Jpg, 02_atinga. Jpg, etc) Assiagungaaq pijumagussi, qarisaujatigut ilisijunnarmijusi. Titiqqakkuvikkuuqtitiniarusi uvvaluunnit sukajukkuuqtittiniarusi tamkkuninga niruarutaunasuktunik, titirarunnaqpusi ikajuqturutaujunik ammalu ililugit USB-kut. Ikajuqturutajukkut titirarlusi ilaqariaqaqLuni sanaugaliaqpit taijaujjutinganik, ullungalu sanajautillugu titirariaqaqtat, akunniqsuqtutigullu,, ammallu angininganik.

Aulajukkut ajjiliuqsimajut ilijausimagiaqarniaqtut qarisaujatigut YouTube-kutigut uvvaluunnit Vimeo-kutigut ammalu ilijausimalutik pinasuarutitigut. Pinasungniaruvit titiqakkuviktigut, ajjiliurlugit qarisaujatigut (mp4 uvvaluunniit mov). Tamakkua ajjiliuqsimajut ilijatit takujauqujatit iruarniaqtunut qanuq akuniutigininginnik titirariaqarniaqtasi.

Qaujimaniaqpusi atausirmut sanaugaliuqtimut kisiani niruaqtaujunnarniaqtuq.

Qausijaqtauningit
Qaujisaqtiuniaqtut kiggaqtuijut tamakkuninga sanaugaliuqtinik Kemojuak Ashevakmut Iqqaumajaqarnirmut tunniqqusiamut pinasuktunik niruatuinnarniaqtut. Taakkua niruaqsiniaqtut qaujisattiaqattarniaqtut tamakkuninga pinirluksimangikkaluarmangaata sanaugaliaminik, ammaluttauq tamakkua tunniqqusiangujut niruaqtaujunut pititauniarmijut.

Taaksijarutiit
Kiinajat tunijaujut taakutiguunaq Kenojuak Ashevakmut Iqqaumanirmut tunniqqusianik taaksiijarutinik pijausimaniarmijut. Taimana Inuit Sanaugalirijikkunnit piqujausimangmata, taimali tamakkuninga taaksiijarutikkut T4-kut tunijauqattarniarmijut tunniqqusiaqtaaqtunut tamakkuninga Kenojuak Ashevakmut Iqqaumanirmut tunniqqusianik. Qaujikkannirumaguvit tammakkuninga taaksijarutinik, ukununga qaujinasugunnaqputit Canadian Revenue Agency uvvaluunnit nunassini taimaittunik titirarviqaqtunik.


Qaujigiakkannirumaguvit, apiqqutiksaqaruvilluunniit ammalu ikajuqtaujumaguvit uvunga pijunnaqputit
Heather Campbell
Strategic Initiatives Director
647.498.7717 ext. 106
hcampbell [at] inuitartfoundation [dot] org

Jon Lockyer
Artist Services Manager
647.498.7717 ext. 107
jlockyer [at] inuitartfoundation [dot] org


Apiqsurumaguvik Inuktitut uvunga qajigiarunaqputit
Blandina Makkik
Igloo Tag Co-ordinator
647.498.7717 ext. 109
bmakkik [at] inuitartfoundation [dot] org