ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᖓᓄᑦ ᑐᓐᓂᖅᑯᓯᐊᖅ

 

ᒫᓐᓇ ᓂᕈᐊᒐᒃᓴᙳᖅᑎᑕᐅᔪᓂᒃ ᐱᑎᑕᐅᔪᓐᓇᖅᓯᕗᑦ 2023−ᒥ ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᖓᓄᑦ ᑐᓐᓂᖅᑯᓯᐊᕐᓂᐊᖅᑐᓄᑦ. 

Kenojuak Ashevak Preening Owl (1995)

ᕿᓐᓄᐊᔪᐊᖅ ᐋᓯᕙᒃ ᐅᒃᐱᒡᔪᐊᙳᐊᖅ 1995 - ᑎᑎᖅᑐᒐᖅᑎ ᐊᕐᓇᖅᑯᖅ ᐋᓯᕙᒃ 49.5 x 73.7 cm

ᓴᓇᔭᐅᒃᑲᓐᓂᖅᑐᖅ ᐊᖏᖅᑕᐅᓯᒪᓪᓗᑎᒃ ᑭᙵᐃᑦ ᓴᓇᐅᒐᓕᐅᕐᕕᖓᓐᓂᑦ © ᓴᓇᙳᐊᖅᑎ

 

ᑐᓐᓂᖅᑯᓯᐊᑉ ᒥᒃᓵᓄᑦ

ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᕐᒧᑦ ᑐᓐᓂᖅᑯᓯᐊᖅ (KAMA) ᐊᕐᕌᒍᓄᑦ ᒪᕐᕉᒃ ᐊᓂᒍᕌᖓᑎᒃ ᓵᓚᒃᓴᐅᓯᐊᖑᓲᖅ ᐃᑲᔪᖅᓱᐃᓪᓗᓂ ᐊᔪᕈᓐᓃᖅᓴᐅᑎᓂᒃ ᐃᓄᖕᓂᒃ ᓴᓇᙳᐊᖅᑎᓂᒃ ᐱᓕᕆᑎᑦᑎᓂᒃᑯᑦ ᐱᕕᒃᓴᓂᒃ ᓴᓇᙳᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᐃᖅᑲᓇᐃᔮᓂᒃ ᐱᕈᖅᐸᓪᓕᐊᑎᑦᑎᓂᕐᒥᒃ. ᓴᖅᑭᑕᐅᓚᐅᖅᓯᒪᔪᖅ 2014−ᒥ ᐃᓄᐃᑦ ᓴᓇᙳᐊᖅᑎᖏᓐᓂᑦ, ᑖᓐᓇ ᑐᓐᓂᖅᑯᓯᐊᖅ ᐃᓕᓴᖅᓯᕗᖅ ᐃᓅᓯᕆᓚᐅᖅᑕᖓᓐᓂᒃ ᕿᓐᓄᐊᔪᐊᖅ ᐋᓯᕙᐅᑉ, ᐃᑲᔪᑦᑎᐊᓚᐅᖕᓂᖓᓗ ᐃᓕᖅᑯᓯᕐᒧᑦ ᓴᓇᐅᒐᓄᓪᓗ ᐃᓄᐃᑦ ᓄᓇᖓᓐᓂ ᐊᓯᖏᓐᓂᓪᓗ. 

ᑎᑎᖅᑐᒐᖅᑎᑦᑎᐊᕙᐅᔪᖅ, ᓯᕗᓕᖅᑎᐅᓪᓗᓂ, ᐃᔾᔪᐊᒐᒃᓴᑦᑎᐊᕙᐅᔪᖅ ᐱᓕᕆᐊᖏᑦ, ᐋᓯᕙᒃ ᐅᖃᐅᓯᖃᕋᔪᓚᐅᖅᐳᖅ ᐱᒻᒪᕆᐅᓂᖓᓂᒃ ᑎᓕᐅᕆᓂᕐᒥᒃ ᑭᖑᕚᒃᓴᑦᑎᓐᓂ ᐃᓄᐃᑦ ᓴᓇᙳᐊᖅᑎᖏᓐᓂᒃ. ᐱᒃᑯᒋᔪᒪᓪᓗᒍ ᑕᒪᓐᓇ ᐱᔪᒪᓂᕆᔭᐅᔪᖅ, ᑐᓐᓂᖅᑯᓯᐊᖅᓯᔪᑦ ᐱᑎᑦᑎᕙᒃᐳᑦ ᑮᓇᐅᔭᕐᓂᒃ ᓴᓇᙳᐊᖅᑎᓄᑦ ᐊᖏᒡᓕᒋᐊᖅᑎᑦᑎᔪᒪᓪᓗᑎᒃ ᐃᖅᑲᓇᐃᔮᕆᔭᒥᓂᒃ ᑐᓴᐅᒪᔭᐅᓕᒃᑲᓐᓂᕐᓗᑎᒡᓗ.

 
 

ᑐᓐᓂᖅᑯᓯᐊᑦ

ᐱᓕᕆᖃᑎᖃᕐᓂᒃᑯᑦ ᐅᐃᓂᐹᒡᒥ ᓴᓈᓄᑦ ᑕᑯᔭᒐᖃᕐᕕᖕᒥ−ᖃᐅᒪᔪᕐᒥᒃ, ᐅᖃᐅᓯᐅᓚᐅᖅᑐᖅ 2021-ᒥ, ᓵᓚᖃᖅᑐᖅ ᒫᓐᓇ ᐱᑎᑕᐅᖃᑦᑕᓕᖅᐳᖅ ᐱᕕᒃᓴᓂᒃ ᖃᐅᔨᓴᕐᓂᐊᕐᓗᓂ, ᓴᖅᑭᑎᑦᑎᓂᐊᕐᓗᓂ ᑕᑯᒃᓴᐅᑎᑦᑎᓂᐊᕐᓗᓂᓗ ᑕᑯᔭᒐᖃᕐᕕᖕᒥ. 2023−ᒥ ᐱᒋᐊᖅᖢᓂ, ᖁᔭᓐᓇᒦᒃ ᐃᑲᔪᖅᑐᐃᑦᑎᐊᓚᐅᕐᓂᖏᓐᓄᑦ ᕈᐃᐅᓪ ᐹᒃᑯᑦ ᓴᖅᑭᑉᐸᓪᓕᐊᔪᓄᑦ ᓴᓇᙳᐊᖅᑎᓄᑦ, ᑖᓐᓇ ᑐᓐᓂᖅᑯᓯᐊᖅ ᐃᓚᖃᓕᖅᐳᖅ ᐱᕕᒃᓴᒃᑲᓐᓂᕐᓂᒃ ᖁᓕᓄᑦ ᓴᓇᙳᐊᖅᑎᓄᑦ ᐱᕚᓪᓕᒃᑲᓐᓂᕈᒪᔪᓄᑦ. 

ᖁᓕᑦ ᓴᓇᙳᐊᖅᑎᑦ ᑐᓐᓂᖅᑯᓯᐊᕐᓂᐊᖅᑐᑦ:

  • ᓄᑖᖅ: ᑮᓇᐅᔭᓂᒃ ᓵᓚᒃᓴᐅᓯᐊᖅ $2,500-ᓂᒃ ᐊᑐᓂ; ᐊᒻᒪᓗ

  • ᓄᑖᖅ: ᓴᖅᑭᔮᖅᑎᑕᐅᓗᓂ ᑎᑭᓵᒃᓴᒥ, ᑐᓐᓂᖅᓴᖅᑕᐅᓂᐊᖅᑐᖅ ᐃᓄᐃᑦ ᓴᓇᐅᒐᖏᓐᓄᑦ ᐅᖃᓕᒫᒐᖓᓐᓂ

ᑕᓪᓕᒪᑦ ᓴᓇᙳᐊᖅᑎᑦ ᑐᓐᓂᖅᑯᓯᐊᕐᓂᐊᖅᑐᑦ:

  • ᓄᑖᖅ: ᑮᓇᐅᔭᓂᒃ ᓵᓚᒃᓴᐅᓯᐊᖅ $5,000-ᓂᒃ ᐊᑐᓂ; ᐊᒻᒪᓗ

  • ᓄᑖᖅ: ᑲᑎᙵᔪᓂᒃ ᑕᑯᒃᓴᐅᑎᑕᐅᓗᑎᒃ ᐅᐃᓂᐹᒡᒥ ᖃᐅᒪᔪᕐᒥ 2023−ᒥ.

ᓵᓚᒃᓴᖅᑐᖅ ᑐᓐᓂᖅᑯᓯᐊᕐᓂᐊᖅᑐᖅ:

  • ᐃᓚᒋᐊᖅᑕᐅᔪᖅ: ᑮᓇᐅᔭᑦ ᑐᓐᓂᖅᑯᓯᐊᑦ $20,000 

  • ᑮᓇᐅᔭᖃᖅᑎᑕᐅᑦᑎᐊᕐᓗᓂ ᐃᓂᖃᖅᑎᑕᐅᓗᓂ ᐅᐃᓂᐸᐃᒡᒥ ᑕᑯᔭᒐᖃᕐᕕᖕᒥ ᖃᐅᒪᔪᕐᒥ 2024−ᒥ; ᐊᒻᒪᓗ

  • ᐃᓄᑑᓗᑎᒃ ᑕᑯᒃᓴᐅᑎᑦᑎᔪᑦ ᑎᑭᓵᒃᓴᖃᕐᓗᑎᒃ ᐊᒻᒪ ᓂᐅᕕᐊᖑᔪᓂᒃ ᐱᓕᕆᖃᑎᖃᖅᖢᑎᒃ ᐅᐃᓂᐸᐃᒃ ᑕᑯᔭᒐᖃᕐᕕᖓᓂ ᖃᐅᒪᔪᕐᒥ ᐅᑭᐊᒃᓵᒃᑯᑦ 2025−ᒥ

 
 

ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᖓᓄᑦ ᑐᓐᓂᖅᑯᓯᐊᖅ 2023

 

ᖃᓄᖅ ᐱᓇᔪᒍᓐᓇᕐᒪᖔᖅᐱᑦ


ᓂᕈᐊᒐᒃᓴᙳᖅᑎᑦᑎᔾᔪᑏᑦ ᐱᔭᐅᖃᑦᑕᕐᓂᐊᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑎᒃᑯᑦ, ᑎᑎᖅᑲᑎᒍᑦ ᐊᒻᒪ ᐅᖃᐅᓯᒃᑯᑦ ᑐᓂᓯᓗᑎᒃ ᖃᓪᓗᓈᑐᑦ ᐊᒻᒪ ᐃᓄᒃᑐᑦ. ᑐᑭᓕᐅᖅᑕᐅᔭᕆᐊᖃᖅᑐᓕᒫᑦ ᐊᑐᐃᓐᓇᕈᖅᑎᑕᐅᓂᐊᖅᐳᑦ ᐃᓄᐃᑦ ᓴᓇᙳᐊᒐᓕᕆᔨᒃᑯᖏᓐᓄᑦ. ᑕᑯᓗᒍ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑎᑎᕋᕆᐊᓕᒃ ᓇᓗᓇᐃᔭᖅᓯᒪᒃᑲᓐᓂᖅᑐᓂᒃ ᑕᑯᔪᒪᒍᕕᑦ.

ᖃᐅᔨᒪᒋᑦ ᐊᑕᐅᓯᐊᕐᓗᑎᒃ ᓴᓇᙳᐊᖅᑎᓂᒃ ᓂᕈᐊᒐᒃᓴᙳᖅᑎᑦᑎᔪᖃᕈᓐᓇᕐᓂᐊᖅᑐᑦ

 



 

ᐃᓄᐃᑦ ᓴᓇᙳᐊᒐᓕᕆᔨᒃᑯᑦ ᑎᓕᐅᕆᒻᒪᕆᒃᖢᑎᒃ ᓂᕈᐊᒐᒃᓴᙳᖅᑎᑦᑎᖁᔨᕗᑦ ᐱᓕᕆᔨᓪᓚᕆᖕᓂᒃ ᐃᓚᐅᓪᓗᑎᒃ ᑕᑯᔭᒐᖃᕐᕕᓕᕆᔨᓂᒃ, ᓴᓇᙳᐊᒐᓕᕆᔨᓂᒃ, ᑎᑎᕋᖅᑎᓂᒃ, ᕿᒥᕐᕈᔨᓂᒃ, ᓴᓇᙳᐊᖅᑎᐅᖃᑎᓂᒃ ᐊᓯᖏᓐᓂᒡᓗ ᐊᒃᑐᐊᓂᖃᖅᑐᓂᒃ, ᐃᑲᔪᖅᓱᐃᔪᓂᒃ ᐃᓄᖕᓂᒃ ᓴᓇᙳᐊᖅᑎᓂᒃ. ᐊᑐᓂ ᓴᓇᙳᐊᖅᑎᑦ ᑐᙵᓱᒃᑎᑕᐅᔪᑦ ᓇᖕᒥᓂᖅ ᓂᕈᐊᒐᒃᓴᙳᖅᑎᑦᑐᒪᒃᐸᑕ. ᑕᒪᕐᒥᒃ ᑐᓐᓂᖅᑯᓯᐊᕐᒧᑦ ᐱᓇᔫᑎᒋᔭᐅᔪᑦ ᖃᐅᔨᓴᖅᑕᐅᓂᐊᖅᐳᑦ ᓯᓚᑖᓂᙶᖅᑐᓂᒃ ᑲᑎᒪᔨᕋᓛᓂᒃ ᐃᓄᐃᑦ ᓴᓇᙳᐊᕐᓂᕐᒧᑦ ᐱᓕᕆᔨᓪᓚᕆᖕᓂᒃ.

 
 
 

ᐱᔪᓐᓇᖅᑎᑕᐅᔪᑦ

ᑖᓐᓇ ᑐᓐᓂᖅᑯᓯᐊᖅ ᒪᒃᐲᖓᔪᖅ ᐃᓄᖕᓄᑦ ᓴᓇᙳᐊᖅᑎᓄᑦ ᑲᓇᑕᒥ ᐱᓕᕆᐊᖃᒻᒪᕆᒃᑐᓄᑦ. ᓂᕈᐊᒐᒃᓴᙳᖅᑎᑦᑎᔪᓐᓇᖅᑐᑦ ᓴᓇᙳᐊᖅᑎᒧᑦ ᐊᓯᐊᓄᓪᓘᓐᓃᑦ ᓴᓇᙳᐊᖅᑎᒻᒪᕆᖕᒧᑦ. ᑕᑯᓗᒍ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑎᑎᕋᕆᐊᓕᒃ ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ.

ᖃᐅᔨᓴᕐᓂᖅ

ᓯᓚᑖᓂᑦ, ᐃᓄᐃᓐᓇᕐᓂᒃ ᖃᐅᔨᓴᖅᑎᑦ ᑲᑎᒪᔨᕋᓛᑦ (PAC) ᐃᓚᒋᔭᐅᔪᑦ ᑭᒡᒐᖅᑐᐃᔪᑦ ᐊᔾᔨᒌᖏᑦᑐᓂᒃ ᐱᓕᕆᐊᓂᒃ ᐊᒻᒪᓗ ᐊᑐᖅᑕᐅᖃᑦᑕᖅᑐᓂᒃ ᐊᖏᓂᖅᓴᒃᑯᑦ ᐃᓄᐃᑦ ᓴᓇᙳᐊᕈᓯᖏᓐᓂᒃ ᖃᐅᔨᓴᐃᓂᐊᖅᑐᑦ ᑐᓐᓂᖅᑯᓯᐊᕐᒧᑦ ᐆᒃᑐᖅᑐᓂᒃ. ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᓇᓗᙱᑦᑎᐊᖃᑦᑕᕐᓂᐊᖅᐳᖅ ᐃᓚᒋᔭᐅᔪᓂᒃ ᐊᒃᑐᐊᓂᖃᖅᑐᖃᙱᓐᓂᖓᓂᒃ ᕿᒥᕐᕈᑎᓪᓗᒋᑦ ᐱᓇᔪᒃᑐᓂᒃ. ᐱᒻᒪᕆᐅᕗᖅ ᐱᕙᒌᔭᕐᓗᒋᑦ ᓂᕈᐊᒐᒃᓴᙳᖅᑎᑕᐅᔪᑦ ᑕᑯᒃᓴᐅᑎᑦᑎᑦᑎᐊᕐᓂᐊᕐᓗᓂ ᓴᓇᙳᐊᖅᑎᐅᑉ ᐱᓕᕆᐊᖏᓐᓂᒃ ᐊᒻᒪᓗ ᐊᒃᑐᐃᔾᔪᑕᐅᑐᐃᓐᓇᕆᐊᖃᖅᑐᓂᒃ ᐃᖅᑲᓇᐃᔮᖓᓄᑦ.


ᐱᔪᒪᓂᖃᖅᑮᑦ ᖃᐅᔨᓴᖅᑎᙳᕐᓂᕐᒧᑦ ᓴᓇᙳᐊᕐᓂᓕᕆᓂᕐᒧᑦ ᐱᓕᕆᐊᒃᓴᓄᑦ? ᐱᓇᔪᒋᑦ ᐅᓪᓗᒥ!

 
 

ᐊᐱᖅᑯᑎᒃᓴᖃᖅᐱᑦ? ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐃᑲᔪᖅᑕᐅᔪᒪᒍᕕᓪᓗ ᖃᐅᔨᒋᐊᕐᕕᒋᔪᓐᓇᖅᑕᑦ:

 

ᖃᓪᓗᓈᑎᑐᑦ ᑐᑭᓯᒋᐊᕈᒪᒍᕕᑦ:

ᑲᐃᐅᓪ ᐊᓕᑯᒃ
ᐱᓕᕆᐊᒃᓴᓕᕆᔨ
647.498.7717 ᓇᕿᒃᑲᓐᓂᕐᓗᒍ 115
kaleekuk[at]inuitartfoundation[dot]org

ᐃᓄᒃᑐᑦ ᑐᑭᓯᒋᐊᕈᒪᒍᕕᑦ: 

ᐸᓛᓐᑏᓇ ᒪᒃᑭᒃ
ᐃᒡᓗ ᓂᕕᖓᑖᓄᑦ ᑐᑭᒧᐊᑦᑎᑦᓯᔨ
647.498.7717 ᓇᕿᒃᑲᓐᓂᕐᓗᒍ 109
bmakkik[at]inuitartfoundation[dot]org

 
 


ᐃᓕᓐᓂᐊᖅᓯᓐᓈᑦ ᑲᑎᒪᓂᖅ: ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᖓᓄᑦ ᑐᓐᓂᖅᑯᓯᐊᖅ 2023

 

ᐃᓕᓴᖅᓯᓂᖅ: ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᖓᓄᑦ ᑐᓐᓂᖅᑯᓯᐊᕐᒧᑦ ᐱᓇᔫᑎᑦ
ᐊᐃᑉᐹ ᓄᕕᐱᕆ 15 2-ᒥᑦ 3:30-ᒧᑦ ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᖓᑎᒍᑦ

ᓂᕈᐊᒐᒃᓴᙳᕈᒪᕕᑦ ᓂᕈᐊᒐᒃᓴᙳᖅᑎᑦᑎᔪᒪᕕᓪᓘᓐᓃᑦ ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᕐᒧᑦ ᑐᓐᓂᖅᑯᓯᐊᒧᑦ? 

ᐅᖃᖃᑎᒋᓗᒍ ᐊᕐᕌᓂ ᓂᕈᐊᒐᒃᓴᙳᖅᑎᑕᐅᖃᑕᐅᓚᐅᖅᑐᒧᑦ, ᐃᐅᓪᑦ ᐋᓚᓐ! 

 ᐊᑎᓕᐅᕐᓗᑎᑦ ᐅᕙᓂ:

ᐋᓚᓐ ᑐᓴᖅᑎᑦᑎᓂᐊᖅᑐᖅ ᐊᑐᖅᓯᒪᔭᒥᓂᒃ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐅᖃᖃᑎᖃᕐᓗᓂ ᕼᐃᐊᑐ ᐃᒡᓗᓕᐅᖅᑎᒥᒃ, ᓴᓇᙳᐊᒐᓕᕆᔨᒃᑯᑦ ᑲᑎᒪᔨᖏᓐᓄᑦ ᐊᖓᔪᖅᑳᖅ ᐊᒻᒪ ᑐᑭᒧᐊᒃᑎᑦᑎᔨ ᐃᓄᐃᑦ ᓯᕗᓂᒃᓴᖏᓐᓄᑦ. ᐊᑕᐅᑦᑎᒃᑯᑦ, ᖃᐅᔨᒪᔭᕆᐊᖃᖅᑕᓕᒫᕐᓂᒃ ᑐᓂᓯᓂᐊᕐᓗᑎᒃ ᐊᑕᖐᔪᒥᒃ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑲᑎᖅᓱᖅᓯᒪᔭᕆᐊᖃᖅᑐᓂᒃ. ᐅᑯᓂᖓ ᐃᓚᖃᖅᑐᑦ:

- ᑭᓇ ᓂᕈᐊᒐᒃᓴᙳᖅᑎᑦᑎᔪᓐᓇᖅᐸ ᓂᕈᐊᒐᒃᓴᙳᖅᑎᑕᐅᔪᓐᓇᖅᐸᓗ
- ᓇᓖᕋᖅᑕᐅᔪᓐᓇᖅᑐᑦ ᐊᔾᔨᒌᙱᑦᑐᓄᑦ ᐱᔭᐅᔭᕆᐊᖃᖅᑐᓄᑦ
- ᐃᓱᓕᕝᕕᒃᓴᕆᑎᑕᐅᔪᑦ
- ᐊᑐᖅᑕᐅᔪᓐᓇᖅᑐᑦ ᓂᕈᐊᒐᒃᓴᓕᐅᕐᓂᕐᒧᑦ ᑎᑎᕋᕆᐊᖃᖅᑐᓂ
- ᖃᓄᐃᑦᑐᓂᒃ ᐃᑲᔪᖅᑐᐃᔾᔪᑎᓂᒃ ᐱᔭᕆᐊᖃᖅᐸᑦ
- ᓂᕈᐊᕐᓂᕐᒧᑦ ᒪᓕᒃᑕᐅᔪᒃᓴᑦ

ᐱᒻᒪᕆᐅᓂᖅᐹᖅ, ᐅᖃᖃᑎᒌᒍᓐᓇᕐᓂᐊᖅᑐᓯ ᐊᐱᕆᔪᓐᓇᕐᓂᐊᕋᕕᑦ ᐊᐱᖅᑯᑎᒃᓴᖃᕈᕕᑦ!

ᐃᐅᓪᑐᕆᑦ ᐋᓚᓐ ᐊᔾᔨᓕᐅᕆᔨᐅᔪᖅ ᕆᒍᓚᑦᒥ, ᓄᓇᑦᓯᐊᕗᑦ, ᓂᐅᕙᓐᓛᓐᒥ, ᐊᑐᖃᑦᑕᖅᑐᖅ ᑎᒍᒥᐊᒐᓂᒃ ᐊᔾᔨᓕᐅᕈᑎᓂᒃ, ᖃᖓᑕᔪᓂᒃ ᐊᒻᒪᓗ 3D-ᓂᒃ ᐆᑦᑑᑎᓂᒃ. ᑎᑎᕋᕈᒪᓂᖅ ᓄᓇᒥᓂᒃ ᖃᓂᒋᔭᒥᓃᑦᑐᓂᒃ ᐋᓚᓐ ᓴᓇᙳᐊᕈᓯᕆᓪᓗᐊᑕᖅᐸᖓ. ᑕᐃᒪᓐᓇ, ᐊᑐᖃᑦᑕᖅᑐᖅ ᐊᔾᔨᖁᑎᓂᒃ ᓄᓇᓂᑦ ᖁᓕᖏᓐᓂᓪᓗ ᐊᔾᔨᓕᐅᖅᑕᐅᔪᓂᒃ ᑕᑯᒃᓴᐅᑎᑦᑎᓪᓗᓂ ᐊᔾᔨᒌᙱᑦᑐᓂᒃ ᓄᓇᓂᒃ. ᐃᓚᒋᔭᐅᔪᖅ ᖃᔅᓰᓐᓇᕐᓄᑦ ᐃᓄᓐᓄᑦ ᓴᓇᙳᐊᖅᑎᓄᑦ ᑕᐃᒫᒃ ᐃᖅᑲᓇᐃᔭᖅᑐᓂᒃ.

 

ᑐᓐᓂᖅᑯᓯᐊᖅᑎᑦᑎᖃᑦᑕᖅᑎᓪᓗᒋᑦ, ᖃᐅᔨᒃᑲᓐᓂᕆᑦ ᐱᓇᔫᑎᑦ ᐱᓕᕆᔾᔪᓯᖏᓐᓂᒃ
 
ᑖᒃᑯᓇᓂ ᑎᑎᕋᖅᓯᒪᔪᓂᒃ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ 2021−ᒥ, ᕼᐃᐊᑐ ᑳᒻᐳᓪ, ᖃᓄᖅᑑᕈᑎᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᑐᑭᒧᐊᒃᑎᑦᑎᔨ, ᐊᒻᒪ ᓴᓇᙳᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᓕᓐᓂᐊᖅᑎᑦᑎᓲᖑᕗᑦ ᐱᓇᔪᒍᒪᔪᓂᒃ 2021−ᒥ ᕿᓐᓄᐊᔪᐊᖅ ᐋᓯᕙᒃ ᐃᖅᑲᐅᒪᔭᐅᓂᕐᒧᑦ ᑐᓐᓂᖅᑯᓯᐊᒧᑦ ᐱᓇᔫᑎᒥᒃ ᑐᓴᖅᑎᑦᑎᓯᓐᓈᖅᖢᑎᒃ ᐃᑲᔫᑎᒃᓴᓂᒃ ᐊᒻᒪ ᐱᓕᕆᕈᓘᔭᕈᑎᒃᓴᓂᒃ ᐱᓇᔪᖕᓂᐊᕐᓗᓂ ᐊᓯᖏᓐᓄᑦ ᓴᓇᙳᐊᖅᑕᐅᕙᒃᑐᓄᑦ ᑐᓐᓂᖅᑯᓯᐊᓂᒃ.