ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᔭᖃᕐᓂᕐᒧᒃ ᑐᓐᓂᖁᓯᐊᖅ

AhsevakJenojuakPreeningOwl
ᑭᓄᔪᐊᒃ ᐋᓯᕙᒃ ᐅᒃᐱᒃᔪᐊᖅ ᓴᓗᒻᒪᖅᓴᖅᑐᖅ (1995) ᑎᑎᕋᐅᔭᖅᓯᒪᔪᖅ ᐊᕐᓇᖁ ᐋᓯᕙᒃ ᐅᔭᖅᑲᒧᑦ ᑎᑎᕋᐅᔭᖅᑕᐅᓪᓗᓂ ᑐᐊᓯᑦ ᓴᓇᐅᒐᓕᕆᔨᒃᑯᓐᓂᑦ ᐱᔭᐅᔪᖅ ᑎᑎᕋᐅᔭᖅᑎᒻᒪᕆᒃ

ᐃᓄᐃᑦ ᓴᓇᐅᒐᓕᕆᔨᒃᑯᑦ ᐱᔪᒪᓕᖅᐳᑦ 2021−ᒥᑦ ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᔭᖃᕐᓂᕐᒧᑦ ᑐᓐᓂᖁᓯᐊᓂᒃ ᐱᓇᓱᖕᓂᐊᖅᑐᓂᒃ. ᑖᓐᓇ ᑐᓐᓂᖅᑯᓯᐊᒃᓴᖅ ᒪᑐᐃᖓᓂᐊᖅᐳᖅ ᓴᓇᐅᒐᓕᐅᖅᐸᓪᓕᐊᓕᖅᑐᓄᑦ ᐊᒻᒪᓗ ᓴᓇᐅᒐᓕᐅᖅᑎᒻᒪᕆᐅᔪᓄᑦ ᐃᓄᖕᓄᑦ ᓴᓇᕙᒃᑐᓂᒃ ᓴᓇᐅᒐᒻᒪᕆᐅᔪᓂᒃ ᐊᒻᒪᓗ ᐱᙳᐊᖅᑎᐅᔪᓄᑦ.

ᑖᓐᓇ ᑐᓐᓂᖁᓯᐊᒃᓴᖅ ᓴᖅᑭᑕᐅᓚᐅᖅᓯᒪᔪᖅ 2014−ᒥᑦ ᐅᐱᒋᓪᓗᒍ ᓴᓇᐅᒐᓕᐅᖅᑎᒻᒪᕆᐅᔪᒥᒃ ᑭᓄᔪᐊᒃ ᐋᓯᕙᒃᒥᑦ, CC, ON, RCA (1927-2013), ᑖᓐ ᑐᓐᓂᖅᑯᓯᐊᒃᓴᖅ ᐊᕐᕌᒍ ᐊᑕᐅᓯᖅ ᒪᕐᕈᐃᖅᐸᒃᖢᒍ ᐃᑲᔪᕈᑕᐅᓇᓱᒃᖢᓂ ᐃᓄᖕᓄᑦ ᓴᓇᐅᒐᓕᐅᖅᑎᓄᑦ. ᓵᓚᒃᓴᖅᑐᖅ ᐱᔪᓐᓇᕐᓂᐊᖅᑐᖅ $10,000−ᓂᒃ. ᓄᑖᑦ ᓴᓇᐅᒐᓕᐅᖅᐸᓪᓕᐊᓕᖅᑐᑦ 2021−ᒥᑦ ᐊᑎᖏᑦ ᑕᐃᔭᐅᓂᐊᖅᑐᑦ ᐱᖓᓱᓗᑎᒃ, ᑖᒃᑯᐊ ᑕᐃᔭᐅᔪᑦ ᐊᑎᖏᑦ ᐱᑖᕐᓂᐊᖅᑐᑦ $3,000−ᓂᒃ. ᓵᓚᒃᓴᖅᑐᖅ ᐊᒻᒪ ᓴᓇᐅᒐᓕᐅᓕᓵᖅᑐᑦ ᐊᑎᖏᑦ ᐅᖃᐅᓯᐅᓂᐊᖅᑐᑦ ᓯᑎᐱᕆ −ᒥᑦ 2021-ᒥᑦ. 

ᐃᓄᐃᑦ ᓴᓇᐅᒐᓕᕆᔨᒃᑯᑦ ᐱᔪᒪᓂᐊᖅᐳᑦ ᓴᓇᐅᒐᓕᐅᖅᑎᓂᒃ ᐱᓇᓱᒍᒪᒻᒪᕆᒃᑐᓂᒃ, ᐊᒻᒪᓗᑦᑕᐅᖅ ᓴᓇᐅᒐᓕᐅᖅᑎᒻᒪᕆᐅᔪᓂᒃ ᐅᑯᐊᓗᑦᑕᐅᖅ ᐱᔪᒪᔭᐅᓂᐊᕐᒥᔪᑦ ᑕᑯᔭᒐᖃᕐᕕᖕᒥ ᑲᒪᔨᐅᔪᓂᒃ, ᑕᑯᔭᒐᖃᕐᕕᓕᕆᔩᑦ, ᑎᑎᕋᖅᑏᑦ, ᑎᑎᕋᖅᑎᐅᔪᓂᒃ ᐱᔾᔪᑎᖃᖅᖢᑎᒃ ᐃᓱᒪᒋᔭᖏᓐᓂ ᑕᒪᑯᓂᖓ ᑎᑎᕋᖅᑎᐅᔪᓂᒃ, ᓴᓇᐅᒐᓕᐅᖅᑎᐅᔪᓂᒃ, ᐱᖑᐊᖅᑎᐅᔪᓂᒡᓗ, ᓴᓇᐅᒐᓕᐅᖅᑎᒻᒪᕆᐅᔪᓂᒡᓗ ᐊᒻᒪᓗ ᑕᒪᒃᑯᓂᖓ ᐃᓚᒋᔭᐅᔪᓂᒃ ᐱᓕᕆᐊᖃᓱᓂᒃ, ᐃᑲᔪᖅᑐᐃᔪᒪᓪᓗᑎᒃ ᐃᓄᐃᑦ ᓴᓇᐅᒐᓕᐅᖅᑎᓂᒃ. ᓴᓇᐅᒐᓕᐅᖅᑎᐅᔪᑦ ᓇᖕᒥᓂᖅ ᐱᓇᓱᖁᔭᐅᒻᒪᕆᒃᐳᑦ ᐱᔪᒪᒍᑎᒃ. ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᔭᖃᕐᓂᕐᒧᑦ ᑐᓐᓂᖅᑯᓯᐊᕐᒧᑦ ᐱᓇᓱᖕᓂᐊᖅᑐᑦ ᖃᐅᔨᓴᖅᑕᐅᓂᐊᖅᐳ ᑕᒪᒃᑯᓄᖓ ᖃᐅᔨᓴᖅᑎᐅᓂᐊᖅᑐᓂᒃ ᓴᓇᐅᒐᓕᐅᖅᑎᓂᒃ.

ᐃᓱᓕᕝᕕᒃᓴᖓ:ᐅᓪᓗᑐᐃᓐᓇᖅ, ᔫᓐ 25, 2021 ᐅᓐᓄᐊᖑᖅᐸᑦ ᑲᓇᖕᓇᐅᑉ ᓯᖅᑭᖑᔭᖓ ᒪᓕᒡᓗᒍ

ᑐᓐᓂᖁᓯᐊᒃᓴᖅ ᐊᑭᖓ: $10,000 ᓵᓚᒃᓴᖅᑐᒧᑦ; $3,000 ᐊᑐᓂ ᐱᖓᓱᓄᑦ ᓴᓇᐅᒐᓕᐅᖅᐸᓪᓕᐊᓕᓵᖅᑐᓄᑦ.

 

ᑭᓄᔪᐊᑦ ᐋᓯᕙᒃᒧ ᐃᖅᑲᐅᒪᔭᖃᕐᓂᕐᒧᑦ ᑐᓐᓂᖁᓯᐊᖅ − ᖃᓄᖅ ᐱᓇᓱᖃᑕᐅᔪᓐᓇᕐᓂᕐᒧᑦ ᐱᖓᔪᐊᑦ ᒪᐃ 19, 2021
2:00 - 3:30 ᐅᓐᓄᒃᓴᒃᑯᑦ
Zoom
Meeting ID: 970 2041 4804
Passcode: 310593

ᑕᐃᒃᑯᓄᖓ ᐱᔪᒪᔪᓄᑦ ᓂᕈᐊᖅᑕᐅᓇᓱᒍᒪᓂᕐᒧᑦ, ᑖᒃᑯᐊ ᐃᓄᐃᑦ ᓴᓇᐅᒐᓕᕆᔨᒃᑯᑦ ᐃᓕᓐᓂᐊᖅᑎᑦᑎᓂᐊᖅᐳᑦ ᑲᑎᒪᓗᑎᒃ ᐱᖓᔪᐊᓂᑦ ᒪᐃ 19, 2021-ᒥᑦ. ᐊᑏ ᐃᓚᐅᓇᓱᒡᓗᑎᑦ ᑖᒃᑯᓇᓂ ᓴᓇᐅᒐᓕᕆᔨᒃᑯᓐᓂᑦ ᐱᓱᒃᑎᓪᓗᒋᑦ ᑕᒪᐅᓇ ᐱᓇᓱᒍᑕᐅᓇᓱᒃᑐᒃᑯᑦ ᑖᒃᑯᑎᒎᓇᖅ ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᔭᖃᕐᓂᕐᒧᑦ ᑐᓐᓂᖅᑯᓯᐊᒥᑦ, ᐊᒻᒪᓗ ᑭᐅᖃᑦᑕᕐᓂᐊᖅᐳᓯ ᐊᐱᖅᑯᑕᐅᔪᓂᒃ ᐱᔪᓐᓇᕌᖓᔅᓯ.

ᑖᓐᓇ ᐃᓕᓐᓂᐊᖅᑎᑦᑎᓂᐅᔪᖅ ᑲᑎᒪᓂᒃᑯᑦ ᖃᓪᓗᓈᑎᑑᕐᓂᐊᖅᑐᖅ ᐊᒻᒪᓗ ᐃᓄᒃᑎᑐᑦ ᑐᓵᔨᖃᕐᓗᑎᒃ. ᑕᕐᕆᔭᐅᑎᑎᒍᑦ ᐊᒻᒪᓗ ᓂᐱᓕᐅᕈᑎᒃᑯᑦ ᐱᔭᐅᓂᐊᖅᑐᑦ, ᐊᒻᒪᓗᑦᑕᐅᖅ ᑎᑎᕋᖅᑕᐅᕙᓪᓕᐊᓗᑎᒃ ᐅᖃᐅᓯᐅᔪᑦ ᐃᓕᓐᓂᐊᖅᑎᑦᑎᑎᓪᓗᒋᑦ ᐱᔭᐅᔪᓐᓇᕐᓂᐊᖅᑐᑦ ᐃᓕᓐᓂᐊᖅᑎᑎᓪᓗᒋᑦ ᑲᑎᒪᓂᒃᑯᑦ ᐱᐊᓂᒃᐸᑦ.

ᑕᐃᒪᓕ ᐱᖁᔨᒻᒪᕆᒃᑲᓗᐊᖅᐳᒍ ᐊᐱᖅᑯᑎᒃᓴᓂᒃ ᑖᒃᑯᓄᖓ ᓴᓇᐅᒐᓕᕆᔨᒃᑯᓐᓄᑦ ᓱᓕ ᐃᓕᓐᓂᐊᖅᑎᑦᑎᓚᐅᖏᓐᓂᖏᓐᓂᒃ ᑲᑎᒪᓂᒃᑯᒃ. ᐊᐱᖅᑯᑎᒃᓴᓂᒃ ᑐᓂᓯᔪᒪᒍᕕᑦ, ᐅᕗᖓ ᓇᒃᓯᐅᑎᓗᒋᑦ: kama [at] inuitartfoundation [dot] org.

ᑖᓐᓇ ᐃᓕᓐᓂᐊᖅᑎᑦᑎᓂᖅ ᑲᑎᒪᓂᒃᑯᑦ ᐊᑭᖃᖏᑦᑐᖅ ᐊᒻᒪᓗ ᑕᒪᔅᓯᓕᒫᖅ ᑐᙵᓱᒃᑎᑕᐅᕗᓯ!

 

ᐱᓇᓱᒍᑎ ᖃᕆᓴᐅᔭᑎᒍᑦ

ᐊᖏᕐᓂᐊᕆᕗᒍᑦ ᐱᓇᓱᒃᑐᓂᒃ ᐅᑯᑎᒎᓇᖅ ᐱᔪᓂᒃ:

ᓱᒃᑲᔪᒃᑯᑦ − 647-498-6995

ᖃᕆᓴᐅᔭᒃᑯᑦ − [email protected]

ᑎᑎᖅᑲᒃᑯᕕᒃᑎᒍᑦ − ᐅᕗᖓ ᐊᐅᓚᖅᑎᓪᓗᒍ:
Inuit Art Foundation
Attn: KAMA
1655 Dupont Street
Box 11
Toronto, ON
M6P 3T1

*ᖃᐅᔨᒪᓂᐊᖅᐳᑎᑦ−ᑎᑎᖅᑲᒃᑯᕕᒃᑎᒍᑦ ᐊᐅᓪᓚᖅᑎᑦᑎᓂᐊᕈᕕᑦ ᓂᕈᐊᖅᑕᐅᓇᓱᒍᑎᒋᔭᕐᓂᒃ ᐅᑯᑎᒎ Canada Post ᐅᕝᕙᓘᓐᓃᑦ courier services ᐱᖁᔨᒐᓗᐊᖅᐳᒍᑦ ᐱᓇᓱᑲᐅᑎᒋᓗᓯ ᔪᓐ 25 ᐃᓱᓕᕝᕕᐊ ᑎᑭᓚᐅᖅᑎᓐᓇᒍ, ᑎᑎᖅᑲᒃᑯᕕ ᓱᒃᑲᐃᑦᑐᒻᒪᕆᐊᓘᓕᕐᒪᑕ ᑕᒪᓐᓇ ᓄᕙᒡᔪᐊᕐᓂᐊᓗ 19 ᐱᔾᔪᑕᐅᓪᓗᓂ. ᑕᒪᕐᒥ ᑎᑎᖅᑲᒃᑯᕕᒃᑯᑦ ᐊᐅᓪᓚᖅᑎᑕᐅᔪᑦ ᐃᓚᖃᕆᐊᖃᖅᐳᑦ ᑎᑎᕋᐅᔭᖅᓯᒪᔪᓂᒃ ᐅᕝᕙᓘᓐᓃᑦ ᐃᓕᔭᐅᓯᒪᔪᓂᒃ USB-ᑯᑎᒍᑦ. ᑎᑎᖅᑲᒃᑯᕕᒃᑯᑦ ᐊᐅᓪᓚᖅᑎᑕᐅᔪᑦ ᐅᑎᖅᑎᑕᐅᔪᓐᓇᔾᔮᖏᑦᑐᑦ.

ᐅᖃᐅᓯᒃᑯᑦ ᐱᓇᓱᒃᑐᑦ − ᐊᒥᓱᖑᖅᐸᓪᓕᐊᑎᓐᓇᓱᒃᖢᒋᑦ ᓂᕈᐊᖅᑕᐅᓇᓱᒃᑐᑦ ᑐᓐᓂᖅᑯᓯᐊᒥᓂᒃ ᐊᖏᕈᑎᖃᕈᓐᓇᕐᓂᐊᖅᐳᒍᑦ ᓂᐱᓕᐅᖅᑕᐅᔪᕕᓂᕐᓂᒃ ᐱᓇᓱᒃᑐᓂᒃ. ᐅᖃᐅᓯᒃᑯᑦ ᐱᓇᓱᒃᑐᑦ ᑎᑎᕋᖅᑕᐅᖃᑦᑕᕐᓂᐊᖅᐳᑦ ᐃᓄᐃᑦ ᓴᓇᐅᒐᓕᕆᔨᒃᑯᓐᓂᑦ. ᓂᕈᐊᒐᒃᓴᐅᔪᑦ ᑎᑎᕋᖅᑕᐅᓯᒪᔪᑦ ᐊᖏᕈᑕᐅᖃᑦᑕᕐᓂᐊᖅᐳᑦ ᖃᓪᓗᓈᑎᑐᑦ, ᐊᒻᒪᓗ ᐃᓄᒃᑎᑐᑦ. ᑕᒪᕐᒥᒃ ᖃᓪᓗᓈᑎᑑᓕᖅᑎᑕᐅᖃᑦᑕᕐᓂᐊᖅᑐᑦ ᑖᒃᑯᓇᖓᑦ ᐃᓄᐃᑦ ᓴᓇᐅᒐᓕᕆᔨᒃᑯᖏᓐᓂᑦ.

ᑎᑎᕋᕐᕕᒃᓴᖅ ᐱᓇᓱᒍᑎᒧᑦ

ᓂᕈᐊᖅᑕᐅᓇᓱᖕᓂᐊᖅᑐᑦ

  • ᐃᓅᔭᕆᐊᖃᖅᑐᑦ ᑲᓇᑕᒦᓪᓗᑎᒡᓗ ᑲᓇᑕᒥᐅᑕᐅᓗᑎᒃ ᓇᓗᓇᐃᒃᑯᑕᖃᖅᓗᑎᒃ, ᓄᓇᖃᒻᒪᕆᒡᓗᑎᒡᓗ ᐅᕝᕙᓘᓐᓃᑦ ᑲᓇᑕᒥ ᓄᓇᖃᕐᓂᕐᒥᓂᒃ ᓇᓗᓇᐃᒃᑯᑕᖃᕐᓗᑎᒃ
  • ᐅᑭᐅᖃᕆᖃᖅᑐᑦ 18-ᓂᒃ
  • ᐱᓕᒻᒪᒃᓴᕐᓂᑰᓗᑎᒃ ᓴᓇᐅᒐᓕᐅᕐᓂᕐᒧᑦ (ᓇᓗᓇᐃᒃᑯᑕᖃᕆᐊᖃᖏᑦᑐᑦ ᐃᓕᓐᓂᐊᕐᕕᒡᔪᐊᕐᒥᑦ)
  • ᐃᓕᑕᕆᔭᐅᓯᒪᒋᐊᖃᖅᑐᑦ ᓴᓇᐅᒐᓕᐅᖅᑎᐅᖃᑎᒥᓂᒃ ᓴᓇᐅᒐᓕᐅᖅᑎᒻᒪᕆᐅᓂᖏᓐᓂᒃ (ᓲᕐᓗ ᓴᓇᐅᒐᓕᐅᖅᑲᑦᑕᕐᓂᖏᓐᓂ ᐃᒻᒥᑎᑐᑦ) ᐅᑭᐅᓄᑦ ᒪᕐᕉᓐᓄᑦ ᐱᖓᓱᓂᒡᓘᓐᓃᑦ
  • ᓴᓇᐅᒐᓕᐊᖏᑦ ᐃᓕᑕᕆᔭᐅᓯᒪᒋᐊᖃᖅᑐᑦ ᓴᓇᐅᒐᓕᐅᖅᑎᒻᒪᕆᐅᓂᖏᓐᓂᒃ, (ᓲᓗ ᑕᑯᔭᒐᖃᕐᕕᖕᒥᑦ, ᐅᖃᓕᒫᓕᒐᓕᐅᕐᕕᖕᒥᑦ, ᖃᕆᓴᐅᔭᑎᒍᓪᓘᓐᓃᑦ ᐊᓯᖏᓐᓂᓗ)
  • ᑲᔪᓰᓐᓇᕈᒪᒋᐊᖃᖅᑐᑦ ᓴᓇᐅᒐᓕᐅᕐᓂᕐᒥᒃ ᐊᔪᕈᓐᓃᖅᐸᓪᓕᐊᓇᓱᒡᓗᑎᒃ 

ᓂᕈᐊᖅᑕᐅᓇᓱᖕᓂᐊᖅᑐᑦ

  • ᖃᐅᔨᒪᒋᐊᖃᖅᑐᑦ ᓂᕈᐊᑕᐅᓇᓱᒃᑐᒥᒃ ᓴᓇᐅᒐᓕᐅᖅᑎᒥᒃ ᐊᔪᖏᑦᑎᐊᕐᓂᖏᓐᓂᒃ
  • ᓴᓇᐅᒐᓕᐅᖅᑎᒻᒪᕆᐅᓗᓂ ᓴᓇᕙᒃᖢᓂ ᑲᓇᑕᒥ ᓯᓚᑦᑐᖅᓴᕐᕕᒡᔪᐊᖓᓂᒃ
  • ᓴᓇᐅᒐᓕᐅᖅᑎᐅᓗᓂ, ᑕᑯᔭᒐᖃᕐᕕᖕᒥ ᑲᒪᔨᐅᓗᓂ, ᑎᑎᕋᖅᑎᐅᓗᓂ/ᑎᑎᕋᖅᑎᐅᓗᓂ ᐱᔾᔪᑎᖃᕐᓗᑎᒃ ᐃᓱᒪᒋᔭᖏᓐᓂᒃ ᑕᒪᒃᑯᓂᖓ ᑎᑎᕋᕐᕕᐅᔪᓂᒃ, ᓴᓇᐅᒐᓕᐅᖅᑎᐅᔪᓂᒃ, ᐱᙳᐊᓯᑎᐅᔪᓂᒡᓗ
  • ᑲᓇᑕᒥᐅᑕᒻᒪᕆᐅᓗᓂ ᓴᓇᐅᒐᓕᐅᖅᓯᒪᔪᓂᒃ ᓂᐅᕕᖅᑎᐅᔪᒥᒃ
  • ᓴᓇᐅᒐᓕᐅᖅᑎᒧᑦ ᐃᓚᒋᔭᐅᔪᒥᒃ ᓴᓇᖑᐊᖃᑎᒋᕙᒃᖢᓂᐅᒃ. ᑖᓐᓇ ᐅᖃᐅᓯᐅᓯᒪᑦᑎᐊᕆᐊᖃᖅᑐᖅ ᐱᓇᓱᒍᑕᐅᔪᒃᑯᑦ ᓂᖁᐊᒐᒃᓴᐅᔪᒃᑯᑦ

ᐱᓇᓱᒍᖑᑕᐅᔪ ᐃᓚᖃᕆᐊᖃᖅᐳᑦ ᐅᑯᓂᖓ: ᑎᑎᕋᖅᑕᐅᓯᒪᒋᐊᖃᖅᐳᑦ (ᑎᑎᕋᕐᕕᒃᓴᒃᑯᑦ ᐊᑕᐅᓯᕐᒥᒃ ᐊᑐᕐᓗᑎᒃ)

  1. ᓂᕈᐊᖅᑕᐅᓇᓱᒃᑐᒧᑦ ᑎᑎᕋᖅᑕᐅᓯᒪᔪᖅ (ᑎᑎᕋᕐᕕᒃᓴᒃᑯᑦ ᐊᑕᐅᓯᕐᒥᒃ ᐊᑐᕐᓗᑎᒃ)
  2. ᓴᓇᐅᒐᓕᐅᖅᑎᐅᑉ ᐅᓂᒃᑲᐅᓯᕆᔭᖏᑦ (250-ᓂᒃ ᑎᑎᕋᖅᓯᒪᒋᐊᖃᖅᑐᖅ)
  3. ᓴᓇᐅᒐᓕᐅᖅᑎᐅᑉ ᐃᓅᓯᕆᔭᖓᓂᒃ ᐅᓂᒃᑳᖅᓯᒪᔪᑦ (250-ᓂᒃ ᑎᑎᕋᖅᓯᒪᒋᐊᖃᖅᑐᖅ)
  4. ᓂᕈᐊᒐᒃᓴᓕᐅᖅᑎ ᐃᓅᓯᕆᔭᖓᓂᒃ ᐅᓂᒃᑳᖅᓯᒪᔪᑦ (250−ᓂᒃ ᑎᑎᕋᖅᓯᒪᒋᐊᖃᖅᑐᖅ)
  5. ᓴᓇᐅᒐᓕᐅᖅᑎᐅᑉ ᐃᖅᑲᓇᐃᔮᖅᑖᕈᑎᒃᓴᖓᓂᒃ ᑎᑎᕋᓯᒪᔪᑦ (ᑎᑎᕋᕐᕕᒃᓴᑦ ᐱᖓᓲᒋᐊᖃᖅᑐᑦ)
  6. ᑕᑯᒃᓴᐅᔪᒃᑯᑦ ᐃᑲᔪᕈᑎᒃᓴᑦ (15−ᓂᒃ ᐊᔾᔨᓕᐅᖅᓯᒪᔪᓂᒃ ᐊᒻᒪᓗ/ᐅᕝᕙᓘᓐᓃᑦ 5−ᖑᔪᓂᒃ ᐊᐅᓚᔪᒃᑯᑦ ᐊᔾᔨᓕᐅᖅᓯᒪᔪᓂᒃ; ᓇᓗᓇᐃᔭᖅᓯᒪᑦᑎᐊᕐᓗᑎᒃ ᐱᖓᓱᓂᒃ ᐊᔾᔨᓕᐅᖅᓯᒪᔪᓂᒃ ᐊᐅᓚᔪᒃᑯᓪᓗ ᑕᒪᒃᑯᐊ ᑕᑯᔭᐅᔪᓐᓇᕐᓂᐊᕐᑕᒪ ᑖᒃᑯᓄᖓ ᐃᓄᐃᑦ ᓴᓇᐅᒐᓕᕆᔨᒃᑯᓐᓂᑦ ᐃᑲᔪᕈᑕᐅᓇᓱᒡᓗᑎᒃ ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᓂᖃᕐᓂᕐᒧᑦ ᑐᓐᓂᖅᑯᓯᐊᕐᒥᒃ)
  7. ᐱᐊᓂᑦᑎᐊᕐᓗᒋᑦ ᐊᑎᓕᐅᕈᓯᕐᓂᒡᓗ ᐊᑎᓕᐅᕐᓗᑎᑦ ᑕᒪᒃᑯᑎᒎᓇᖅ ᐱᓇᓱᐊᕈᑎᓂᒃ ᐊᒻᒪᓗ ᐃᑲᔪᕈᑎᓂᒃ ᐊᔾᔨᓕᐅᖅᓯᒪᔪᓂᒃ

ᓂᕈᐊᖅᓯᑦᑎᐊᕐᓂᐊᖅᐳᓯ ᑕᑯᒃᓴᐅᔪᓂᒃ ᐊᔾᔨᓕᐅᖅᓯᒪᔪᓂᒃ, ᑖᒃᑯᐊ ᓂᕈᐊᕐᓂᐊᖅᑐᑦ ᐱᕝᕕᒃᓴᖃᓗᐊᖏᒻᒪᑕ ᓂᕈᐊᕐᓂᐊᖅᑎᓪᓗᒋᑦ ᓂᕈᐊᒐᒃᓴᐅᓇᓱᒃᑐᓂᒃ. ᑕᒪᒃᑯᐊ ᐊᔾᔨᓕᐅᖅᓯᒪᔪᑦ ᓈᓴᐅᓯᖅᓯᒪᑦᑎᐊᕆᐊᖃᕐᓂᐊᖅᑐᑦ ᐊᒻᒪᓗ ᓴᓇᐅᒐᓕᐅᖅᑎᖓᓂᒃ ᑎᑎᕋᖅᓯᒪᓗᑎᒃ (ᓲᕐᓗ ᐃᒪᓐᓇ, 01_ᐊᑎᖓ. jpg, 02_ᐊᑎᖓ. jpg, etc.). ᐊᓯᐊᒍᒑᖅ ᐱᔪᒪᒍᔅᓯ, ᖃᕆᓴᐅᔭᑎᒍᑦ ᐃᓕᓯᔪᓐᓇᕐᒥᔪᓯ. ᑎᑎᖅᑲᒃᑯᕕᒃᑎᒎᖅᑎᑦᑎᓂᐊᕈᓯ ᐅᕝᕙᓘᓐᓃᑦ ᓱᒃᑲᔪᒃᑰᖅᑎᑦᑎᓂᐊᕈᓯ ᑕᒪᒃᑯᓂᖓ ᓂᕈᐊᒐᒃᓴᐅᓇᓱᒃᑐᓂᒃ, ᑎᑎᕋᕈᓐᓇᖅᐳᓯ ᐃᑲᔪᖅᑐᕈᑕᐅᔪᓂᒃ ᐊᒻᒪᓗ ᐃᓕᓗᒋᑦ USB-ᑯᑦ. ᐃᑲᔪᖅᑐᕈᑕᐅᔪᒃᑯᑦ ᑎᑎᕋᕐᓗᓯ ᐃᓚᖃᕆᐊᖃᖅᖢᓂ ᓴᓇᐅᒐᓕᐊᖅᐱᑦ ᑕᐃᔭᐅᔾᔪᑎᖓᓂᒃ, ᐅᓪᓗᖓᓗ ᓴᓇᔭᐅᑎᓪᓗᒍ ᑎᑎᕋᕆᐊᖃᖅᑕᑦ, ᐊᑯᓐᓂᖅᓱᖅᑐᑎᒍᓪᓗ, ᐊᒻᒪᓗ ᐊᖏᓂᖓᓂᒃ.

ᐊᐅᓚᔪᒃᑯᑦ ᐊᔾᔨᓕᐅᖅᓯᒪᔪᑦ ᐃᓕᔭᐅᓯᒪᒋᐊᖃᕐᓂᐊᖅᑐᑦ ᖃᕆᓴᐅᔭᑎᒍᑦ YouTube−ᑯᑎᒍᑦ ᐅᕝᕙᓘᓐᓃᑦ Vimeo−ᑯᑎᒍᑦ ᐊᒻᒪᓗ ᐃᓕᔭᐅᓯᒪᓗᑎᒃ ᐱᓇᓱᐊᖅᕈᑎᑎᒍᑦ. ᐱᓇᓱᖕᓂᐊᕈᕕᑦ ᑎᑎᖅᑲᒃᑯᕕᒃᑎᒍᑦ, ᐊᔾᔨᓕᐅᕐᓗᖏᑦ ᖃᕆᓴᐅᔭᑎᒍᑦ (mp4 ᐅᕝᕙᓘᓐᓃᑦ mov). ᑕᒪᒃᑯᐊ ᐊᔾᔨᓕᐅᖅᓯᒪᔪᑦ ᐃᓕᔭᑎᑦ ᑕᑯᔭᐅᖁᔭᑎᑦ ᓂᕈᐊᕐᓂᐊᖅᑐᓄᑦ ᖃᓄᖅ ᐊᑯᓂᐅᑎᒋᓂᖏᓐᓂᒃ ᑎᑎᕋᕆᐊᖃᕐᓂᐊᖅᑕᓯ.

ᖃᐅᔨᒪᓂᐊᖅᐳᓯ ᐊᑕᐅᓯᕐᒥᒃ ᓴᓇᐅᒐᓕᐅᖅᑎᒧᑦ ᑭᓯᐊᓂ ᓂᕈᐊᖅᑕᐅᔪᓐᓇᕐᓂᐊᖅᑐᖅ

ᖃᐅᔨᓴᖅᑕᐅᓂᖏᑦ
ᖃᐅᔨᓴᖅᑎᐅᓂᐊᖅᑐᑦ ᑭᒡᒐᖅᑐᐃᔪᑦ ᑕᒪᒃᑯᓂᖓ ᓴᓇᐅᒐᓕᐅᖅᑎᓂᒃ  ᑭᓄᔪᐊᒃ ᐋᓯᕙᒧᑦ ᐃᖅᑲᐅᒪᔭᖃᕐᓂᕐᒧᑦ ᑐᓐᓂᖅᑯᓯᐊᕐᒧᑦ ᐱᓇᓱᒃᑐᓂᒃ ᓂᕈᐊᑐᐃᓐᓇᕐᓂᐊᖅᑐᑦ. ᑖᒃᑯᐊ ᓂᕈᐊᖅᓯᓂᐊᖅᑐᑦ ᖃᐅᔨᓴᑦᑎᐊᖃᑦᑕᕐᓂᐊᖅᑐᑦ ᑕᒪᒃᑯᓂᖓ ᐱᓂᕐᓗᒃᓯᒪᖏᒃᑲᓗᐊᕐᒪᒑᑕ ᓴᓇᐅᒐᓕᐊᕐᒥᓂᒃ, ᐊᒻᒪᓗᑦᑕᐅᖅ ᑕᒪᒃᑯᐊ ᑐᓐᓂᖅᑯᓯᐊᖑᔪᑦ ᑖᒃᑯᓄᖓᑐᐊᖅ ᓂᕈᐊᖅᑕᐅᔪᓄᑦ ᐱᑎᑕᐅᑦᑎᐊᕐᓂᐊᕐᒥᔪᑦ

ᑖᒃᓰᔭᕈᑏᑦ
ᑮᓇᐅᔭᑦ ᑐᓂᔭᐅᔪᑦ ᑖᒃᑯᑎᒎᓇᖅ ᑭᓄᔪᐊᒃ ᐋᓯᕙᒧᑦ ᐃᖅᑲᐅᒪᓂᕐᒧᑦ ᑐᓐᓂᖅᑯᓯᐊᓂᒃ ᑖᒃᓰᔭᕈᑎᓂᒃ ᐱᔭᐅᓯᒪᓂᐊᕐᒥᔪᑦ. ᑕᐃᒪᓐᓇ ᐃᓄᐃᑦ ᓴᓇᐅᒐᓕᕆᔨᒃᑯᓐᓂᑦ ᐱᖁᔭᐅᓯᒪᖕᒪᑕ, ᑕᐃᒪᓕ ᑕᒪᒃᑯᓂᖓ ᑖᒃᓯᔭᕈᑎᒃᑯᑦ T4-ᑯᑦ ᑐᓂᔭᐅᖃᑦᑕᕐᓂᐊᕐᒥᔪᑦ ᑐᓐᓂᖅᑯᓯᐊᖅᑖᖅᑐᓄᑦ ᑕᒪᒃᑯᓂᖓ ᑭᓄᔪᐊᒃ ᐋᓯᕙᒃᒧᑦ ᐃᖅᑲᐅᒪᓂᕐᒧᑦ ᑐᓐᓂᖅᑯᓯᐊᓂᒃ. ᖃᐅᔨᒃᑲᓐᓂᕈᒪᒍᕕᑦ ᑕᒪᒃᑯᓂᖓ ᑖᒃᓯᔭᕈᑎᓂᒃ, ᐅᑯᓄᖓ ᖃᐅᔨᓇᓱᒍᓐᓇᖅᐳᑎᑦ Canadian Revenue Agency ᐅᕝᕙᓘᓐᓃᑦ ᓄᓇᓯᓐᓂ ᑕᐃᒪᐃᑦᑐᓂᒃ ᑎᑎᕋᕐᕕᖃᖅᑐᓂᒃ

ᖃᐅᔨᒋᐊᒃᑲᓐᓂᕈᒪᒍᕕᑦ, ᐊᐱᖅᑯᑎᒃᓴᖃᕈᕕᓪᓘᓐᓃᑦ ᐊᒻᒪᓗ ᐃᑲᔪᖅᑕᐅᔪᒪᒍᕕᑦ ᐅᕗᖓ ᐱᔪᓐᓇᖅᐳᑎᑦ
Heather Campbell
Strategic Initiatives Director
647.498.7717 ext. 106
hcampbell [at] inuitartfoundation [dot] org

Jon Lockyer
Artist Services Manager
647.498.7717 ext. 107
jlockyer [at] inuitartfoundation [dot] org


ᐊᐱᖅᓱᕈᕕᑦ ᐃᓄᒃᑎᑐᑦ ᐅᕗᖓ ᖃᐅᔨᒋᐊᕈᓐᓇᖅᐳᑎᑦ

Blandina Makkik
Igloo Tag Co-ordinator
647.498.7717 ext. 109
bmakkik [at] inuitartfoundation [dot] org