ᓴᖅᑭᑕᖅ ᐆᒃᑑᒪᔭᒍᑕᐅᔪᖅ ᐱᓕᕆᐊᖃᖃᑎᒌᒍᑕᐅᔪᖅ ᐃᑲᔪᖅᓱᐃᔾᔪᑎᒃᓴᑦ ᐃᓄᖕᓂᒃ ᓴᓇᙳᐊᖅᑎᖏᓐᓂᒃ

ᐃᓄᐃᑦ  ᓴᓇᙳᐊᖅᑐᓕᕆᔨᒃᑯᑦ ᑐᙵᕕᖓᑦ ᑐᙵᕕᖓᑦ ᐊᒻᒪ ᑲᓇᑕᒥ ᑲᑎᒪᔨᑦ ᓴᓇᙳᐊᕐᓂᕐᒧᑦ ᖁᕕᐊᑉᐳᑦ ᑐᓴᖅᑎᑦᑎᔭᕆᐊᒃᓴᖅ ᓄᑖᕐᒥᒃ ᑲᓇᑕᒥ ᐃᓄᖕᓄᑦ ᑐᕌᖓᔪᓂᒃ ᑮᓇᐅᔭᓂᒃ ᐆᖅᑑᒪᔭᒃᑕᐅᔪᒥᒃ ᐊᑐᐃᓐᓇᐅᑎᑦᑎᔪᓐᓇᕐᓂᐊᕐᒪᑕ ᐃᒃᐱᒋᓪᓗᒍ ᓇᖕᒥᓂᖅᓱᕐᓂᖅ. ᑲᑎᒪᔩᑦ ᐃᑲᔪᖅᓱᐃᕗᑦ ᐃᓄᐃᑦ ᓴᓇᙳᐊᖅᑎᑦ ᑐᙵᕕᒃᑯᓐᓂᒃ ᐱᓕᕆᖃᑎᖃᖁᓪᓗᒋᑦ ᐃᓄᐃᑦ ᓄᓇᖏᓐᓂᒃ ᐃᓄᐃᑦ ᓄᓇᖓᓐᓂ ᐊᒻᒪ ᖃᓪᓗᓈᓂ ᐱᕙᓪᓕᐊᑎᑦᑎᖃᑎᖃᕐᓗᑎᒃ ᐊᔾᔨᒌᙱᑦᑐᓂᒃ ᑮᓇᐅᔭᖅᑖᕐᕕᒃᓴᓂᒃ ᐆᒃᑑᒪᔭᒃᑕᐅᔪᒥᒃ ᐱᒋᐊᖅᑎᑕᐅᓛᖅᑐᖅ ᐅᑭᐅᖑᓂᐊᖅᑐᒥ $100,000 ᐅᖓᑖᓃᑦᑐᓂᒃ ᑮᓇᐅᔭᖅᑖᕈᑎᒃᓴᓂᒃ ᓯᕗᓪᓕᖅᐹᒥ ᐊᕐᕌᒍᒥ.

35.2_ArtistsCorner_QManumie_LuckyMan_DFA
ᐱᓕᕆᖃᑎᖃᖅᖢᑎᒃ ᐱᓪᓗᐊᑦᑎᐊᖅᑐᖅ (2013) ᓴᓇᐅᒐᖅ ᒥᖑᐊᖅᓯᒪᔪᖅ 41 × 62 cm ᓴᓇᔭᐅᒃᑲᓐᓂᖅᑐᖅ ᐊᖏᖅᑕᐅᓯᒪᓪᓗᑎᒃ ᑭᙵᐃᑦ ᓴᓇᐅᒐᓕᐅᕐᕕᖓᓐᓂᑦ © ᓴᓇᙳᐊᖅᑎ

ᑖᓐᓇ ᑲᑐᔾᔨᖃᑎᒌᖕᓂᖅ ᐱᕈᖅᐸᓪᓕᐊᑎᑦᑎᕗᖅ ᑕᒪᐃᓐᓂᒃ ᑲᑐᔾᔨᖃᑎᒌᒡᕕᖕᓂ ᐃᑲᔪᖅᓱᐃᔪᒪᓯᒪᓂᖏᓐᓂᒃ ᐃᓄᖕᓂᒃ ᓴᓇᙳᐊᖅᑎᖏᓐᓂᒃ ᐃᖅᑲᓇᐃᔮᖏᓐᓄᑦ. ᑲᓇᑕᒥ ᑲᑎᒪᔩᑦ ᓴᓇᙳᐊᖅᑎᓄᑦ ᑲᓇᑕᒥ ᐃᓄᖕᓄᑦ ᓴᓇᙳᐊᖅᑎᓄᑦ ᑮᓇᐅᔭᖃᖅᑎᑦᑎᔨᐅᕗᑦ, ᐱᓕᕆᐊᒃᓴᖃᖅᑎᑕᐅᓪᓗᑎᒃ ᑲᔪᓯᑎᑦᑎᔭᕆᐊᖃᖅᖢᑎᒃ ᐊᒻᒪ ᐅᔾᔨᕆᔭᐅᓕᖅᑎᑦᑎᔭᐊᖃᖅᖢᑎᒃ ᖃᐅᔨᓴᖅᑕᐅᔪᓂᒃ ᐊᒻᒪ ᖁᕕᐊᒋᔭᐅᔪᓂᒃ, ᐊᒻᒪ ᓴᓇᐅᒐᕐᓂᒃ ᓴᖅᑭᑦᑎᕙᒡᓗᑎᒃ, ᓴᓇᐅᒐᕐᓂᒃ. ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᑦ ᐱᔪᓐᓇᕐᓂᖃᓕᖅᑎᑦᑎᔪᒪᕗᑦ ᐃᓄᖕᓂᒃ ᓴᓇᙳᐊᖅᑎᓂᒃ ᐃᒻᒥᖕᓂᙶᖅᑐᓂᒃ ᓴᖅᑭᑦᑎᔪᓐᓇᖁᓪᓗᒋᑦ ᓇᖕᒥᓂᖅᓱᓕᕐᓗᑎᒡᓗ ᐱᓕᕆᐊᖑᔪᓕᒫᓂ, ᐱᔭᕐᓂᕐᓂᖅᓴᐅᓕᖅᑎᓪᓗᒋᑦ ᑐᓴᐅᒪᔭᐅᓂᖅᓴᐅᓕᖅᑎᓪᓗᒋᓪᓗ ᓴᓇᙳᐊᖅᑕᐅᕙᒃᑐᑦ.

ᑐᙵᕕᖃᖅᖢᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᑖᓐᓇ ᐆᒃᑑᒪᔭᒍᑕᐅᓪᓗᓂ ᐱᓕᕆᐊᖑᔪᖅ ᐋᖅᑭᒃᓱᖅᑕᐅᓂᐊᖅᐳᖅ ᓄᓇᓕᖕᓂ ᐅᖃᐅᓯᐅᓯᒪᔪᓄᑦ ᐃᓄᐃᑦ ᓄᓇᖓᓐᓂ ᖃᓪᓗᓈᓂᓗ ᑲᓇᑕᒥ ᓴᓇᙳᐊᖅᑎᑦ ᐊᑐᒐᒃᓴᒥᖕᓂᒃ ᐱᖃᑦᑎᐊᖅᑎᑕᐅᓇᓱᒃᖢᑎᒃ ᒫᓐᓇᐅᔪᖅ. ᐃᑲᔪᖅᑐᕈᒪᓪᓗᒋᑦ ᐃᓄᐃᑦ ᓯᕗᓕᖅᑎᐅᓂᖏᑦ ᓇᐅᒃᑯᓕᒫᖅ ᓴᓇᙳᐊᕐᓂᒃᑯᑦ, ᐆᒃᑑᒪᔭᒍᑕᐅᔪᖅ ᐱᓕᕆᐊᒃᓴᖅ ᐱᑎᑦᑎᓂᐊᕆᕗᖅ ᐊᔪᙱᓐᓂᕆᔭᐅᔪᓂᒃ ᐋᖅᑭᒃᓱᐃᕙᓪᓕᐊᓂᕐᒧᑦ ᐱᕕᒃᓴᓂᒃ ᐃᓄᖕᓄᑦ ᐱᓕᕆᐊᒃᓴᓄᑦ ᐱᓕᕆᔨᒋᔭᐅᓗᑎᒃ ᖃᐅᔨᓴᖅᓯᓂᕐᒧᓪᓗ ᓈᓚᒃᑎᒋᔭᐅᓂᐊᖅᑐᓂᒃ.

ᐊᑐᐃᓐᓇᖃᕐᓂᖅ ᐃᓄᖕᓅᖓᔪᓂᒃ ᐊᐃᑦᑑᑎᓂᒃ ᐱᕕᒃᓴᖃᖅᑎᑦᑎᓂᐊᖅᑐᖅ ᐃᓄᖕᓂᒃ ᓴᓇᙳᐊᖅᑎᓂᒃ ᓇᖕᒥᓂᖃᖅᑐᓄᑦ ᐃᓄᓕᒫᓄᓪᓗ ᓴᓇᙳᐊᕐᓂᓕᕆᕙᒃᑐᓄᑦ. ᓂᐅᕐᕈᑎᖃᐅᓐᓇᕋᓱᒋᐊᖃᕈᓐᓃᕐᓗᑎᒃ, ᓴᓇᙳᐊᖅᑎᑦ ᕿᒥᕐᕈᔪᓐᓇᓕᕐᓗᑎᒃ ᓴᓇᙳᐊᕈᓐᓇᖅᑕᒥᖕᓂᒃ ᓂᐅᕐᕈᑎᖃᕋᓱᐊᕐᓂᕐᒧᑐᐊᖑᔪᓐᓃᕐᓗᓂ.

ᐃᓕᑦᑎᒃᑲᓐᓂᕈᒪᒍᕕᑦ ᐱᓕᕆᐊᖑᔪᒥᒃ ᐃᑲᔪᕐᓗᑎᓪᓗ ᓯᕗᓂᒃᓴᕆᓂᐊᖅᑕᖓᓂᒃ, ᐅᐸᒡᓗᒍ inuitartfoundation.org/IAFxCCA ᐊᑎᓕᐅᕐᓗᑎᓪᓗ ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᑦᑕ ᐱᕙᓪᓕᐊᔪᖏᓐᓄᑦ. ᑐᑭᓯᒋᐊᒐᒃᓴᑦ ᐊᑐᐃᓐᓇᐅᓂᐊᕐᒥᔪᑦ ᓴᓇᙳᐊᖅᑎᓄᑦ ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᑦ ᐱᕙᓪᓕᐊᑎᑦᑎᑎᓪᓗᒋᑦ ᖃᓄᖅᑑᕐᓂᕐᒥᒃ: ᐃᓄᐃᑦ ᓴᓇᙳᐊᖅᑎᑦ ᑐᓚᒃᑕᕐᕕᖓ, ᐅᑭᐊᒃᓵᖅ ᓴᖅᑭᑕᐅᓂᐊᖅᑐᖅ.

 
8cb451b2-0732-1d0b-e0f7-cb5fd2effaa6

"ᐊᕐᕌᒍᓂ ᖃᔅᓯᐊᕐᔪᖕᓂ ᐊᓂᒍᖅᑐᓂᒃ ᐱᓕᕆᕐᔪᐊᖅᓯᒪᕗᒍᑦ ᑭᒡᒐᖅᑐᐃᓪᓗᑕ ᐃᓄᖕᓂᒃ ᓴᓇᙳᐊᖅᑕᐅᕙᒃᑐᓂᒃ ᐊᐅᓚᑦᑎᔪᓂᒃ, ᑭᓯᐊᓂ ᐃᓄᐃᑦ ᓴᓇᐅᒐᖏᓐᓂᒃ ᑐᙵᕕᓖᑦ ᐃᓚᒋᔭᐅᖁᓪᓗᒋᑦ ᑖᒃᑯᓄᖓ ᑮᓇᐅᔭᓄᑦ ᐱᓕᕆᔾᔪᓯᕐᒧᑦ ᐱᕐᔪᐊᖑᓪᓗᓂ ᐃᓄᖕᓄᑦ ᓇᖕᒥᓂᖅᓱᕈᓐᓇᕐᓂᕐᒧᑦ. ᓴᓇᙳᐊᖅᑎᑦ ᐃᓱᒪᖅᓱᕐᓂᐊᖅᑐᑦ ᓴᖅᑭᑦᑐᒪᔭᕐᒥᓂᒃ ᓂᐅᕐᕈᑎᒃᓴᖃᕋᓱᐊᕐᓃᑦ ᐊᒃᓱᕈᕐᓇᙱᓐᓂᖅᓴᐅᓗᑎᒃ ᐊᒻᒪ ᖁᕕᐊᓱᑦᑎᐊᖅᐳᖓ ᑕᑯᔭᕆᐊᒃᓴᖅ ᖃᓄᖅ ᑕᒪᓐᓇ ᐃᓄᐃᑦ ᓴᓇᐅᒐᖏᑦ ᐊᓯᔾᔨᖅᐸᓪᓕᐊᓂᖏᓐᓂᒃ."


ᕼᐃᐊᑐ ᑳᒻᐳᓪ

ᖃᓄᖅᑑᕈᑎᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᑐᑭᒧᐊᒃᑎᑦᑎᔨ, ᐃᓄᐃᑦ ᓴᓇᐅᒐᖏᓐᓄᑦ ᑐᙵᕕᖓ

35.2_ArtistsCorner_SimonBrault_by_TonyFouhse copy

"ᐊᓕᐊᓇᐃᒍᓱᑦᑎᐊᖅᐳᖓ ᑖᒃᑯᐊ ᑲᑐᔾᔨᖃᑎᒌᑦ ᐊᒃᑐᐊᖃᑎᒌᖕᓃᓪᓗ ᐱᕙᓪᓕᐊᓂᖏᓐᓂᒃ, 2022−ᒥ ᐅᑭᐅᖅᑕᖅᑐᕐᒥ ᓴᓇᐅᒐᓕᕆᓂᕐᒧᑦ ᑲᑎᒪᓂᒃᑯᑦ, ᓴᖅᑭᑦᑎᔾᔪᑕᐅᓯᒪᖕᒪᑦ ᑲᓇᑕᓕᒫᒧᑦ ᐆᒃᑑᒪᔭᒃᑕᐅᓪᓗᓂ ᐃᓄᖕᓄᑦ ᑮᓇᐅᔭᖅᑖᕈᑕᐅᔪᓐᓇᕐᓂᐊᖅᑐᓂᒃ. ᐱᓕᕆᖃᑎᖃᕐᓂᒃᑯᑦ ᐊᒻᒪ ᐃᑲᔪᖅᑎᒌᖕᓂᒃᑯᑦ ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᑦ ᐃᑲᔪᖅᑐᐃᔾᔪᑎᖃᓕᕐᓗᑎᒃ ᐃᓄᖕᓂᒃ ᓴᓇᙳᐊᖅᑎᓂᒃ, ᑲᔪᓯᑎᑦᑎᔪᓐᓇᕈᒪᕗᒍᑦ ᐃᖅᑲᓇᐃᔮᒃᓴᓂᒃ ᓴᓇᙳᐊᕐᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ, ᐊᒻᒪ ᐃᑲᔪᖃᑕᐅᓗᑕ ᐱᔪᓐᓇᕐᓂᖅᑖᖅᐸᓪᓕᐊᓂᕐᒧᑦ ᓄᓇᓕᖕᓂ ᑲᓇᑕᓕᒫᒥ."

ᓴᐃᒪᓐ ᐳᕌᑦ
ᑐᑭᒧᐊᒃᑎᑦᑎᔨ ᐊᒻᒪ ᐊᐅᓚᑦᑎᔨᒻᒪᕆᒃ, ᑲᓇᑕᒥ ᑲᑎᒪᔩᑦ ᓴᓇᙳᐊᖅᑎᓄᑦ

35.2_ArtistsCorner_MMassie_Headshot

"ᑐᓐᓂᖅᑯᓯᐊᕐᓂᖅ ᐊᐃᑦᑑᑎᒥᒃ ᓴᓇᙳᐊᖅᑎᐅᓂᕐᒧᑦ ᑲᔪᖏᖅᓴᐅᑎᒻᒪᕆᐅᔪᖅ. ᑮᓇᐅᔭᑦ ᐃᑲᔫᑎᖃᒻᒪᕆᒃᐳᑦ, ᐱᓗᐊᖅᑐᒥᒃ ᐱᒋᐊᓕᓵᖅᑐᓄᑦ. ᐱᔭᕇᕋᑖᖅᑎᓪᓗᖓ ᑐᓂᔭᐅᓚᐅᕋᒪ ᐊᐃᑦᑑᑎᓂᒃ ᑲᓇᑕᒥ ᑲᑎᒪᔨᓂᑦ ᓂᐅᕕᕈᓐᓇᖅᓯᓪᓗᖓᓗ ᑕᒪᐃᓐᓂᑲᓴᑦᑎᐊᖅ ᓴᓇᙳᐊᕈᑎᒃᓴᓐᓂᒃ. ᐱᒋᐊᑦᑎᐊᕈᓐᓇᕈᑎᒋᓚᐅᖅᑕᕋ ᓇᖕᒥᓂᖅ ᐱᓕᕆᕕᒃᓴᕆᓂᐊᖅᑕᓐᓂᒃ."

ᒪᐃᑯᓪ ᒫᓯ, CM, RCA
ᐃᓄᒃ ᓴᓇᙳᐊᖅᑎ, ᑲᓇᑕᒥ ᑲᑎᒪᔨᓂᑦ ᐊᐃᑦᑑᓯᐊᓚᐅᖅᑐᖅ ᐊᒻᒪ ᑲᑎᒪᔨᐅᖃᑕᐅᓪᓗᓂ ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᓐᓄᑦ

 
ᐱᓕᕆᖃᑎᖃᖅᖢᑎᒃ
IAFLogo
CCFA