Inuit Sanannguaqtit Nunaqaqtut Ontariomi Pinajugunnaqpat Taapsumunga Sutaarutit?
Ii, pigiarlutik 2026-2027-mi, Sutaarutit maanna matuingajut sanannguaqtinut nunaqaqtut tamainni Kanatami aviktuqsimajuni ammalu tiulitualis, ilagijaujuq Ontario!
Atii Qaujimaniaqputit: Ukua Inuit Sanannguaqtulirijikkut Tunngavinga pinasuaqatiqaqtuq suli aantiuriu sanannguaqtulirijikkut katimajinginnik qaujisaqhlutik pinajugutinik taakkununga Nunaqaqaaqsimayut Tariyausiangit Sanajutiksangit Kiinauyaksaq, ukualu Ontario sanannguaqtinginnut turaaqtutuat. Kajungiqsaittiaqpugut Inungnik sanannguaqtinik nunaqaqtunik aantiuriu pinajuklutik taassuminga Nunaqqaqqaaqsimajut tarrisausianik Saqijaarunnaqtunik Sanannguaqtit Sunataarutiksangit Kiinaujaksaq ilakkanningattauq sutaarutit. Atii qaujimattiarniaqputit pinajuktutit ajjigiinngituungnut akiliqsuutigijunnaqtunut taakkunangalli titiraqsimajunit ivvit Sutaarutit pinajugutingani. Qanutuinnaq apirijumaguvit pijjutigillugu pinajungniq, atii uqarvigitigut.
Pinajugunnaqpunga Ajjigiinngittunut Tammainnut Kiinaujaksaqaqtittijunit?
Ii, pinajugunnaqtutit atausiunngittumik kiinaujaksanik kiinaujaksaqaqtittijunit.
Atausiunngittunik Kiinaujaksanik Pijunnaqtutit?
Pinajuktut pititaujunnaqtut atausirmik kiinaujaksanik ukunangat Sutaarutit, Iniqarvik, uvvaluunniit Tuugaara, ammalu pijjutigillugu ajjigiinngimmata isulivviksangitta ullungit taassumunga Sutaarutit, tamarmik pititaujunnaqtuttauq atausikkannirmik Sutaarutit Kiinaujaksamik iluagut piliritittijjutigijatta tikiutivaktuq (taimanganiugajuktuq Sitipiri tikilllugu Maatsi) unulaaq marruugutik kiinaujaksat atuni piliritittijjutaujumut tikiutitillugit. Pinajukkuvit marruungnik Sutaarutit kiinaujaksanganit, ajjigiinnginnajaqtut isulivvingit ulluit ammalu ajjigiinngillutik akiliqsuutiksat.
Pititauguvit Kajungiqsaut kiinaujaksanganik kingunittinni ammalu suli pijariiqsisimanngillutit ammalu unikkaaliuqsimanngillutit piliriarijarnik pinajugunnaqtutit suli nutaamik kiinaujaksamik maanna saqitaujunut taimalu isulivingata ullua tikiutijariiqpat pijariilaunngillugu sivulliq piliriarilauqtait. Taimannaugaluaqtillugu, angiqtauguvit kiinaujaksamut tamatumani, naliatuinnaq nutaaq kiinaujaksaq tigumiaqtauniaqtuq kisiani tamarmik kingulliqpaaqsiutit unikkaat pijariiqpata sivullirmik piliritittijjutigilauqtarnut pijaukpata kisiani.
Qanuq Ukiuqaqtigijariaqaqpunga Pinajugunnarlunga Kajungiqsaut?
Tamarmik pinajuktut 18-nik ukiuqarlutik ajungittut tamainnut kiinaujaksaqtaaqtittijunnaqtut Kajungiqsaut.
Aturunnaqpara uqaluutiralaaqsiuti uvannik piliriarivaktannik takutittijjutigilugu sanannguaqsimajakka uuktuutigilugit pinajungniarlunga Kajungiqsaut?
Atuqattarunniiratta uqaluutiralaaqsiutinik taimalu taannatuunngimmat sanannguaqsimajarnik uuktuutigilugu pinajugutingnut. Tunisijariaqaqtutit uuktuutinik sanajarnir qarisaujarmut iliuqaqtaujunnaqtutigut (suurlu ajjiliuqsimajut, titiqat uvvaluunniit H264 tarrijausiuqsimajut) ivvit pinajugutinginnut. Taakkutigut tusautilirijjutittigut, matuiqsijjutiqariaqaqtut Vimeo uvvaluunniit Youtube attatautingit atuqtaujunnarmijut tunilugit attatautinginnik matuirunnarniaqtangit tikiumalugu 4 taqqit pinajugutit isulivinganit. Taimalu pinajuktuq pijaksaqaqtuq qaujisattiakkannirlugit attatautingit ammalu suli matuigaksaugaluarmangaata.
Kiujauniaqpunga Pinajugutiga Angiqtaukpat Uvvaluunniit Angiqtaunngippat?
Ii, qanutuinnaq pinajugutiit kiinaujaksaqtaaqtitaukpat, tuksirarvigilugu Piliritittijjutaujunut Sanaji tunisijunnaqtuq kiusijjutaujunit Inuit Pinasuaqatigiit Qaujisaqtauninginnut pilirijjusit. Atii qaujimaniaqpusi, tamarmik isumaliangujut Inuit Pinasuarutinginnik Qaujisaqtut Katimajiralaaq kingulliqpaaqsiutauvut, kisiani tunngasuktutit aaqigiakkannirunnaqhlugu pinajugutiit ammalu tunikkannirlugu asinginnut Kajungiqsaut isumavisanginnut iluani taassuma matuinganingata uvvaluunniit kingullirmut.
Kiusijunnaqpunga Pinajugutit Pilirijaujjusinginnik?
Ii, atii! Turaaqtugut piliritittijjutigijavut atuqtaujunnarlutik Inungnit qanutuinnaq. Kajungiqsaivugut kiujaujumalluta tamainnut piliritittijjutigijattinnut, ilagijaullutik pinajugutit ammalu qaujisaqsijjutit pilirijaujjusingit. Atii uqarvigitigut qangatuinnaq uqausirilugit kiujjutigijumajatit uvvaluunniit tatatirilutit una atiqanngittuq kiusijjuti qaujisarutinut apiqjuutit Atiqanngittuq Kiusijuti qaujisarutinut apiqsuutit.
Ilinniaqtut pinajugunnaqpat?
Ii, ilinniaqtut pinajugunnaqtut, kisiani ilinniaqtuqsiutaunngittunut taimalu kiinaujaksait atuqtaujunnanngimmata akiliutaulutik ilinniariarutiksanut.
Nakit nanisijunnaqpunga ikajuutiksanik titirarniarakkut pinajugutiga?
Tamainnut ikajuutiksaqaqtugut qarisaujaqarvittigut, ilagijaujuq Ikajuutijunnaqtut Ininga. Uqarvigijunnaqtaittauq Piliritittijjutittinut Sanaji uvuuna [email protected] tukisititauniaqtutit uvvaluunniit ikajuqtaulutit titirarlugu pinajugutiit.
Qanga qaujititauniaqpunga pinajugutiga angiqtaukpat?
Pinajuktut qaujititauniaqtut 8-mit 16-mut pinasuarusit aniguqpat pinajugutit isulivvinga.
Pinajugunnaqpunga Kajungiqsaut kiinaujaksanginnik suli piliriarijara pijariittialauqtillugu?
Taakkununga Sutaarutit pinajugutingit pinajukvigikkannirunnaqtatit uqaqsimatuaruvit piliriarijait pijariittialaurninganik kiinaujaksaqaqtitaulluni ammalu nalunaijarlutit qanuq una ajjiginngimmangaa sukkaqtarninga piliriarijavit.
Taakkununga Iniqarvik uvvaluunniit Turaagaq pinajugitinginnut, atii qaujimaniaqputit una piliriangujumut kiinaujaqtuutiksaq ammalu ilaliutisimaniaqtuq kisuungmangaata una nalunaijaqsimajuq qanuq ukua nutaat kiinaujaksait ajjiginngimmangaagit piliriarijavit ammalu akiliqtuutiksangit pijumanianngitatit taakkualu akiliqtausimavagiirmata sivullirmit kiinaujaksaqtaarilauqtavit.
Qanuq pinajugunnaqpunga kajungiqsaut kiinaujaksanginnik ammalu kanataup katimajingit sanannguaqtulirinirmut pinnguaqtulirinirmullu kiinaujaksaqtaaqtittiniaqpat taassumungattainnaq piliriangujumut?
Ii. Qaujimananngippat kiinaujaksaqtaariaksaq Kanataup Katimajingit Sanannguaqtulirinirmut Pinnguaqtulirinirmullu pinajugunnaqtutit Kajungiqsaut kiinaujaksanganit ajjinginnut akiliqsuriaqaqtavit. Taimannaugaluaqtillugu, angiqtausimajutit qaujimaliruvit kiinaujaksanik taakkunangat Kanataup Katimajingit Sanannguaqtulirinirmut Pinnguaqtulirinirmullu piliriarijarnut, atii qaujimaniaqputit pinajugutiit akilisuriaqaqtarnut niriugijaujut akiliqtauniarninginnut kajungiqsaut kiinaujaksangittigut ammalu nalliak akiliqsurialitit kiinaujaksaqtaaqtitauniaqpat taakkunangat Kanataup Katimajingit Sanannguaqsimajunut Pinnguaqtulirinirmullu.
Qanuq Niriugijaqariaqaqpunga Pinajugutiga Angiqtaukpat?
Taimalu pinajugutiit angiqtaukpat, titiqausiarniaqtutit qarisaujakkut tusaqtittijuq kiinaujaksaqtaaravit ammalu amisuunngittut pimmariujut attatautit qarisaujakkut isirviqariaqaqhlutik tatatirialitit tunilugillu iqqanaijarunnautivit naasautaagut ammalu akiliutit nalunaijattiaqsimajunik. Taimalu tunigungni matuiqsijjutiqaqtumut tatatirialik akiliutiksatit nalunaijaqsimattiaqtut, ukua Inuit Sanannguaqtulirijikkut Tunngavingata sivulliutiniaqtangit tunniqutigilugit akiliutit irngiinnaq. Akiliutit piniaqtatit qarisaujaqtigut puuqtaulutik atuqsilutik Plooto, kisiani sikkimik tunisijunnaqtugut apirisimagutsi. Qanuq akuniutigininga ajjigiinngittuq ammalu uqallaqatiqarunnaqtutit uvattinnik qangatuinnaq apiqutiksaqaruvit uvvaluunniit isumaaluutingnik.
Pijariiqpat piliriarijait, ammalu sivuniani naliangnituinnaq kiinaujaksaqtaaqtitaukkannilaunnginnirni taakkunangat Inuit Sanannguaqtulirijikkut Tunngavinga, tunisijariaqaqtutit uuminga Pijarniqtuq kiguliqpaaqsiuti aunikaaq.