ᐅᑯᐊ ᐃᓄᐃᑦ ᓴᓇᖕᖑᐊᖅᑎᑦ ᓄᓇᖃᖅᑐᑦ ᐃᓗᐊᓂ ᐋᓐᑎᐅᕆᐅ ᐱᓇᔪᒍᓐᓇᖅᑐᑦ ᑖᒃᑯᓇᖓᑦ ᓱᑖᕈᑎᑦ?
ᐋᒃᑲ, ᐃᓄᐃᑦ ᓴᓇᖕᖑᐊᖅᑎᑦ ᑭᓯᐊᓂ ᓄᓇᖃᕈᑎᒃ ᓯᓚᑖᒥ ᐋᓐᑎᐅᕆᐅ ᐱᓇᔪᒍᓐᓇᖅᑐᑦ; ᐃᓅᒃ ᓴᓇᖕᖑᐊᖅᑎ ᓄᓇᖃᖅᑐᖅ ᐋᓐᑎᐅᕆᐅᒥ, ᑭᓯᐊᓂᓕ ᑕᐃᒫᒃᑕᐅᖅ ᑖᒃᑯᐊ ᐊᔾᔨᒋᒥᒃ ᑕᐃᒫᒃᑕᐅᖅ ᐱᕕᖃᕐᑎᑕᐅᕗᑦ ᐱᓇᔪᒡᓗᑎᒃ ᑖᒃᑯᓄᖓ ᐋᓐᑎᐅᕆᐅ ᓴᓇᖕᖑᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᑎᖏᓐᓄᑦ ᐱᖁᑎᑖᕈᑎᒃᓴᓄᑦ ᑮᓇᐅᔭᒃᓴᓂᒃ.
ᐱᓇᔪᒍᓐᓇᖅᐳᖔ ᐊᔾᔨᒌᓐᖏᑦᑐᓄᑦ ᑕᐃᒪᐃᑦᑐᓕᕆᔪᓄᑦᑕᐅᖅ?
ᐋᒃᑲ, ᑐᓂᓯᔪᓐᓇᓐᖏᑦᑐᑎᑦ ᐱᓇᔪᒍᑎᖕᓂᒃ ᐊᔾᔨᒌᓐᖏᑦᑐᓄᑦ ᑕᐃᒪᐃᑦᑐᓕᕆᔪᓄᑦᑕᐅᖅ. ᐊᑏ ᓂᕈᐊᕐᓗᒍ ᓇᓕᐊᒃ ᓈᒻᒪᓛᖑᔪᖅ ᑭᖕᖒᒪᒋᔭᕐᓄᑦ.
ᐅᑭᐅᕋ ᐊᑑᑎᕙᑦ ᐱᓇᔪᒡᓗᖓ ᑲᔪᖏᖅᓴᐅᒻᒧᑦ?
ᑕᒪᕐᒥᒃ ᐱᓇᔪᒃᑐᑦ ᐅᑭᐅᖃᕐᓗᑎᒃ 18-ᓂᒃ ᐱᑎᑕᐅᔪᓐᓇᖅᑐᑦ ᑕᒪᐃᓐᓄᑦ ᑖᒃᑯᓄᖓ ᐊᑕᔪᑦ ᑲᔪᖏᖅᓴᐅᑦ.
ᑭᐅᔭᐅᓂᐊᖅᐳᖔ ᐱᓇᔪᒍᑎᒐ ᐱᔾᔪᑎᒋᓪᓗᒍ ᑮᓇᐅᔭᖅᑖᖅᑎᑕᐅᓂᐊᕐᒪᖔᑦ ᐅᕝᕙᓘᓐᓃᑦ ᐋᒃᑲ?
ᐄ, ᓇᓕᐊᖕᓂᑐᐃᓐᓇᖅ ᐱᓇᔪᒍᑏᑦ ᐊᖏᖅᑕᐅᒍᓂ ᐊᖏᖅᑕᐅᓐᖏᒃᑯᓂᓘᓐᓃᑦ, ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑎᒥᖓ ᑭᐅᓯᔪᓐᓇᖅᑐᖅ ᐃᓕᖕᓄᑦ. ᐊᑏ ᖃᐅᔨᒪᓂᐊᖅᐳᑎᑦ ᑖᒃᑯᐊ ᑕᒪᕐᒥᒃ ᐃᓄᖕᓄᑦ, ᓯᓚᑎᑦᑎᓂ, ᐱᓇᓱᐊᖃᑎᒌᒃᑐᓄᑦ ᖃᐅᔨᓴᕐᓂᖅ ᑲᑎᒪᔨᕋᓛᖏᑦ ᕿᒥᕐᕈᐊᕐᓂᐊᖅᑐᑦ ᐱᓇᔪᒍᑎᒋᔭᕐᓂᒃ ᐊᒻᒪᓗ ᐃᓱᒪᓕᐊᕆᓂᐊᖅᑐᑦ ᑮᓇᐅᔭᒃᓴᖅᑖᕈᓐᓇᕐᒪᖔᖅᐱᑦ.
ᑭᐅᓯᕕᒃᓴᖃᕐᐳᖓ ᐱᓇᔪᒍᑎᑦ ᐱᓕᕆᐊᕆᔭᐅᓂᖓᓄᑦ?
ᐄ! ᑲᔪᖏᖅᓴᐃᕗᒍᑦ ᑭᐅᓯᖁᔨᓪᓗᑕ ᑕᒪᐃᓐᓄᑦ ᐱᓕᕆᑎᑦᑎᔾᔪᑎᒋᔭᑦᑎᓐᓄᑦ ᑖᒃᑯᐊᓗ ᐱᓇᔪᒍᑎᑦ ᐊᒻᒪᓗ ᖃᐅᔨᓴᖅᑕᐅᔾᔪᓯᖓ.
ᐃᓕᓐᓂᐊᖅᑎᑦ ᐱᓇᔪᒍᓐᓇᖅᐹᑦ?
ᐄ, ᐃᓕᓐᓂᐊᖅᑐᑦ ᐱᓇᔪᒍᓐᓇᖅᑐᑦ, ᑭᓯᐊᓂ ᐃᑲᔫᓯᐊᕆᓯᒪᓐᖏᑦᑐᖅ ᐃᓕᓐᓂᐊᖅᑐᓄᑦ ᑕᐃᒪᓗ ᑮᓇᐅᔭᒃᓴᐃᑦ ᐊᑐᕈᓐᓇᓐᖏᑦᑐᑦ ᐃᓕᓐᓂᐊᕈᒪᔭᕐᓄᑦ ᐊᑭᓖᔾᔪᑎᒋᓗᒋᑦ.
ᓇᑭᑦ ᐃᑲᔪᕈᓐᓇᖅᑐᓂᒃ ᐅᕙᓐᓂᒃ ᐱᑕᖃᖅᐸ ᑎᑎᕋᓕᕈᒃᑯ ᐱᓇᔪᒍᑎᒐ?
ᐃᑲᔫᑎᒃᓴᖅᑕᖃᖅᑐᖅ ᖃᕆᓴᐅᔭᖃᕐᕕᑦᑎᒍᑦ, ᑖᒃᑯᐊᓗ ᐃᑲᔫᑎᔪᑦ ᖃᐅᔨᒪᑎᑦᑎᔾᔪ ᐱᑕᖃᕆᓪᓗᑎᒃ. ᐅᖃᕐᕕᒋᔪᓐᓇᖅᑕᐃᑦᑕᐅᖅ ᐱᓕᕆᑎᑦᑎᔾᔪᑕᐅᔪᓄᑦ ᓴᓇᔨ ᖃᓄᖅ ᑎᑎᕋᑦᑎᐊᕈᓐᓇᕐᒪᖔᖅᐱᑦ ᐱᓇᔪᒍᑎᒋᔭᕐᓂᒃ.
ᖃᖓ ᖃᐅᔨᓂᐊᖅᐳᖓ ᑖᓐᓇ ᐱᓇᔪᒍᑎᒐ ᐊᖏᖅᑕᐅᖕᒪᖔᑦ?
ᐱᓇᔪᒃᑐᑦ ᖃᐅᔨᓂᐊᖅᑐᑦ 4 ᐱᓇᓱᐊᕈᓯᑦ ᐊᓂᒍᖅᐸᑦ ᐱᓇᔪᒍᑎᓄᑦ ᐃᓱᓕᕕᖓ.
ᐱᓇᔪᒍᓐᓇᖅᐳᖓ ᑲᔪᖏᖅᓴᐅᑦ ᑮᓇᐅᔭᒃᓴᕐᒥᑦ ᐊᒻᒪᓗ ᑲᓇᑕᒥ ᑲᑎᒪᔨᑦ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᖅᑐᓕᕆᓂᕐᒧᑦ ᑮᓇᐅᔭᒃᓴᖃᕐᑎᑦᑎᕚᑦ ᐊᔾᔨᖏᓐᓄᑦ ᑖᒃᑯᐊ ᐱᓕᕆᐊᖑᔪᓄᑦ?
ᐄ, ᑕᐃᒪᓗ ᐱᓕᕆᐊᕆᔭᐃᑦ ᑮᓇᐅᔭᖅᑑᑎᒃᓴᖓᓂ ᑎᑎᕋᖅᓯᒪᑦᑎᐊᕈᓂ ᖃᓄᖅ ᑮᓇᐅᔭᐃᑦ ᑖᒃᑯᓇᖓᑦ ᑲᔪᖏᖅᓴᐅᑎᑦ ᑮᓇᐅᔭᒃᓴᖏᑦ ᐊᑭᓕᖅᓲᑕᐅᓂᐊᕐᓂᖏᑦᑐᑦ ᐊᑐᖅᑕᐅᓂᐊᕐᓂᖏᑦ ᑖᒃᑯᐊᓗ ᑐᒃᓯᕋᖅᑕᐅᓯᒪᓐᖏᑦᑐᓄᑦ ᑲᓇᑕ ᑲᑎᒪᔨᖏᓐᓂᑦ ᐱᓇᔪᒋᑎᖏᓐᓂᑦ.