Ikajurutiksat

Sanaugaliuqtiup inuusinganik unikkaat

(250-nik uqausirnik aturlutit)

Ilingnik unikkaaqsimajut ilingnik qaujikkaivutit taakununga qaujisaqtiujunut ammalu ikajuqtajunnattiarniaravit inuuqatinnik qaujisaqtiujunik ilingnik qaujittiarunnarnirmik tukisittiarunnarttiarnirmik ammalu qanuq sanajarnik qaujittiarunnarniarmata. Piqujivugut ilaliutilugit tusaumajjutiksat ukuninga:  

• Nunaliit ammalu ilatit Inuit nunangannirmiutat

• Nanilu ilittilaurnirnik sanaugaliurnirmik (innarnik nunlingmiutanik, ilingnik ilinniaqtilaurnirnik, sanaqatingnik, qanutuinnarlu ilinniaqtitaullutit, asinginniglu)

• Ilaunniruvit takuksautittillutit sanajarnik, suurlu takujagaqarvingmi, nunalingnit, tarrijautitigut talaviisakkulluunniit, tauqsiiqattautinikkulluunniit uvaluunniit; sanajatit titiraqtausimallutik uqalimaagarnik uvaluunniit tikisaaksanik, uvaluunniit asingittigut qaujijautittillutik

• Qanuittutuinnarnik takuksautittiniq

• Sanajatit ilagijaukpata takujagaqarvingmiiLLutik, uvaluunniit sanauganik takujagaqarvingmit.

Titirarlutit inuusirnik suurlu asivit titirarluniuk ilingnik pijjutilingmit. Qaujinasuklugu AQ-mit titiraqsimajut qanuilinganirmit uukturutigilugu!

Ilingnik qanuilinganirnik piqarumaguvit uvunga pinasugunnaqputit [email protected] -mut pigiaqtaujunnarniaqLutiglu (immaqaa pianiktaujunnarniaqtuq taqqinik 1-2-migluunniit). Ilinniakkannirumaguvit titirarnirmik sanaugaliuqtiup inuusinganik takujunnaqputit ajjiliuqtausimajumik imaittumik taijaujuq ilisarniq katimatillugit ilinniarutaujumik uvunga. 

Sanaugaliuqtiup uqausinga

(250-nik uqausirnik aturlutit)

Uqautitigut sanaugariqattaqtarnik. Taanna titiraqsimajunnaqtat ivvit uqausimmarigijarnik piliriariqattaqtarnik. Kiuqattarniq apiqutinik taimaittunik ikajurutaujunnarniaqtuq qaujisaqtiujunut katimajiralaanik ilingniglu tukisiumattialirlutik. Kajungiqsaijjutitillu, ammalu qanuimmat taimaittunik sanaqattarnirnik. 

• Qanuimmat pijuksiqattaqpit sananirmut?

• Qanuittunik sanaqattaqpit ammalu qanuittunik pijjutiqasuunguvit, ikpigijaqasuunguvit, uvaluunniit unikkaanik qinisuunguvit sananiaqtarnik pijjutiqaqLutit?

• Qanuittunigli uqausiqarasusuunguvit sanajarnik pijjutiqaqLutit?

• Qanurli sanaugaliuqtiullutit turaagaqaqpit?

Ilinniakkannirumaguvit titirarnirmik sanaugaliuqtiup uqausinginnik tatuklutit ajjiliuqsimajumik uvani ilisarnirmik katimanikkut ilinniarutiksamik avunga.

Tuksirautit qanuilinganingit

(Atausirmik makpigarmik aturunnaqputit taakunungarniaqtumik Sutaarutit/Iniqarvik. Marrunik makpigarnik aturunnaqputit Turaagaq)

Qanuilinganingit piliriarijaqpit pimmarialuuvuq ilagijaulluni pinasugutigijarnut. Taanna inuuqatingnut qaujisaqtiujunut qaujiniarmata qanuittunik aturiaqarajarnirnik kiinaujanik tuksiraqtillutit. Pimmariugivuq qaujitittilutit pilirijimajatit angiqtaujunnarniarmata ammalu qanuimmat pinaittiarumagavigit.

• Nalunaiyattiaqlugu sanaguaqtait tautturiniaqtanga ammalu uqaqatigilugu qanuq paqnaksimakmagaaqpit atuqniaqllugit. Taapkua kiinauyaksait.

• Tukisinattiaqtumik nalunaiqsilutit qanuq aaqiksimaniaqniganik (Kisuuvat turaaqtatit ammalu qanuq nigiuriyaqnik piyariiqrukni?)

• Qanuittunigli aturiaqaqpit pianiksilutit turaagarijarnik? (Sanajjutinik, ilaunirmik sanajiujunik, ingiraniq, ammalu qanuq qangakkut sananajaqpit. Asingillu)

• Qanuittumik pijjutigijumajarnik qinirniaqpit?

• Qanuimmat taanna sanajait ilingnut pimmariuva? Qanurli ikajurniqarniaqpa sanajiunirnut? 

• Qanuittunik sanarrutinik, sananiaqtatillu, iniksaqarviillu uvvaluunniit asinginnik aturniaqtarnik sanatillutit?

• Qangakkuli pianingniarasugiviuk taanna sanajait?

• Pianingniaqpiuk parnagutigijat tamarmik uvaluunnit ilainnangagut?

• Kiinaujanik tuksirarivit tuksirarvigijaqpit asinginniik?

• Asinginnik sanaqatiqaqpiit iingukpat, angilauqpat pinasuqatauniarnirminiik?

Tiliurimmarikpugut tuksirautigijarnik titrattiarlutit, kisianili titirariaqarniaqputit 250 uqausirnik tuksirautigijassinnut. Qaujimavugut pinasuattiarumagassi.  Taimali atii titraqtassinnut takuksautittiarlugit pijumajassinnik ammalu quvisuglusi pinasuglusiuk!

Sanaugaliuqtiup iqqanaijaarijanginnut titiraqsimajut

(Pingasunik makpigaqarialik, Turaagaq kisiani)

Inuusiqpit  titraqtausjimajjup ajigingilluniuk, ilingnik tatuqquujiluni ammalu ivvit unikkaasimalugu, ilautigiaqaqtat sanaugaliuqtiunirnik unikkaaqsimajumik taakkua inuuqatitit qaujisaqtiujut katimajiralaat qaujimattiarniarmata piliriariqattaqtarnik ammalu ikajurutiginiarlunigit tukisittiarunnautinginnik sanaqattaqtarnik. Piqujigivutgut ilagijaungmiluni ataani titiraqsimajunik, ilingnut ikajurutauniaruni.

Piusirijaujut takuksautittiluni sanajarnik

• Takujagaqaqtittiniq sanajarnik ilagijauvuq uvaluunnit takuksautitait

  • Piqujivugut aaqqiksimalugit tamakkua sanajatit suurlu imanna, inungmut atausirmut, marrungnut inungnut, ammalu anuqtunut katisumajunut inungnut takujaqtuqsimajunut sanajarnik. Ilautillugit ulluit, sanavviit, takujaqaqtitavit atinga, ammalu titirausirilugu takuksautitat takujaujunnarninganik pularaqtunut

• Ilauvigilauqtatit qungiaqtauviujut

  • ilaliutilugit ulluit, sanaviit, takujaqattitavit atinga ivvit qanuiliurnirijat

• Pilirijait uvaluunnit takuksautitaujut

  • Ilautillugit ulluit, pilirijavit atingit, ammalu ivvit piliriatit

• Ikajurnirilauqtatit tarrijjaaksanik piliritillugit

  • Ilaliutilugit ulluit, tarrijaaksat atingit, ammalu ivvit qanuiliurnirijat

• Titiraqtausimajunut piusirijaujut

  • Ilaliutilugit ulluit ammalu atingit qanutuinnaq titiraqtausimajunik, uqalimaanik, asingillu

Ilinniarniq uvaluunniit Pilimmaksarniq 

• Ilatit uvvaluunniit nunalingnit kajungisaijiujut

• Quttingniqsamik ilinniarniq

• Ilinniaqsinnaaq nalunaikkutaqtaatit

Katiqsuqtaujut

• Kikkutuinat uvvaluunniit immikkut katiqsuqtaujut ammalu ivvit sanaugalirijatit ilagijauluni, suurlu Nunavut gavamakkungitta Inuit Sanauganginnik katiqsurvik sanaugalirivvik, Guelph-mit, Winnipeg-mit sanaugalirivvik Qaumajuq, TD kiinaujakkuvik katiqsuivvik, asingillu.

  • Ilaliutilugit ulluit

Upigusungniq amma Tunniqqusiat

• Upigusungniq, tunniqusiallu, ammalu ilitarijaujjutiit pijaviniqtit, suurlu imaittunik Kenojuak Ashevak iqaumajjutinginnik tunniqqusiat, Sobey sanaugalirinirmut tunniqqusiat, Ontiarijamit sanaugalirinirmut katimajiit nunaqaqqaaqsimajut sanaugalirinirmut tunniqqusiat, asingillu.

  • Ilagilugu titiraqsimajut ammalu qaritaujatigut titiraqtausimajut

Tusagatsait ammalu Uqalimaagaksait

• Naliatuinnaq talaviisakkut, naalautikkut, ovaluunniit ikiaqivikkut apisuqtauyut, sanaguaqtit uqalaktangit, Qimirujiit uqaqatigiigutingi, asigillu.

• Naliatuinnaq uqalimaagait ukualu sanayatit ilaliutisimalutik, suuqlu Inuit sanaguaqsimayangit uqalimaagaq

  • Ilaqaqtut uqalimaaganik ammalu ikiaqivikkut tusagaksait.

Qaujikkannirumaguvit titirarnirmik sanaugaliuqtiup iqqanaijaanginnik titiraqsimajunik. Tautuklugu tarrijaliuqsimajuq ajjinginnik ilisarniq katimallutik ilinniaqtitaujut uvuna.

Iqqanaijaarijaujut titiraqtausimaningit uuktuutit

• Kenojuak Ashevak

• Kyle Aleekuk

Inuit Sanaugalirijikkunnit qanuilinganirnik titiraqsimajut piummariktuq qaujittiarumaguvit iqqanaijaarnut titiraqtausimajunik! Piqangikkuvilli qaujigiarunnaqputit ukununga [email protected] -kunnut pigiaqulugit iqqanaijaarnut piliriariqattaqtarnik, amisuungittunik minitsinik aturlutit qinirit tamakkuninga ilanginnik kajungiqsaijjutinik! 

Aaqittiaqsimaniaqmat Imaililugu

Saqitittiaqlugu ajinguagagut: Atii ujiqsattiaqniaqputit ajittiaqvauniaqmat tuniyait. Ajinguat saqiyaatiaqlutik, nalunaittiaqsimaluni, ammalu saqitittisimattiaqluni ivvit sanatanganik. Isumagittiaqlugit ataani titiraqsimayut niruasiliruvit ajinguaqmik tunniqutiginiaqtaqnik:

• Ajiliuritailimalutit taaluaqtumi ovaluunniit qimattaqtumi.

• Ajiliuritailimalutit asiginik piqutinik tunuani taimalu atuqsilutit kisuqangitumik tunuani, ammalu taqsaqangitumi tunianiititilutitd

• Unuluaqtunik sanaguaqsimayunik katingayunik atausiqmut ajinguaqmut saqititaililugit

• Taimalu sanaguaqsimayait saqiyaatiaqlugu ammalu ilisaqnatiaqlugu

• Tunisittaililutit uqaluutiralaaqnut ajiliuqtaililugu saqiyaatiaqlugu sanayaqnik qangatuinnaq

• Tunilugit ajinguat ajinguatiavaulaat pisimayatit

Ajuriqsuutiyaukkanirunaqtutit qanuq titiqalirijunaqmagaaqpit sanaguaqsimayaqnut, atii taqqiyaqlugu iliniaqtitiyuq Cora Kavyaktok tamatumminga ajiliuqlugu sanaguaqtait.

Kiinajat

(Iniqarvik, Tuuragaq)

Ataani titiraqsimajut uuktuutiujunaqtut kiinaujanik aturunnaqtarnik ivvit sananiaqtarnut aaqiksuitillutit. Kiinaujat pivviujunnaqtut qaujitittilutit inuuqatingnit qaujisaqtiujunik piliriarijat pivalliajjutaujunarninganik ammalu kiinajanik aturiaqaqtarnik qaujijjutajunnarniarmata. Atii titirarlutit ilulinginnik qanuittunik kiinajanik aturutiqarajarnirnik taminna qaujisaqtiujut tukisittiarunnarniarmata qanuittunik kiinaujanik aturiaqarnirnik, taapkualu ilaliutisimaniaqtut kisianittauq asiginik taapkua Ajungitut Akiliqsurunatatit.

Titirattiarlutit aturniarasugijarnik kiinajanik aturutigijarnik. Kiinaujatit naammattiariaqaqput, tamakkua katillugit kiinaujaqtaanguvalliajut ajjiqattiarlutik kiinaujanik aturnirjarnik. Turaagaksariniaqtat takutittigiaqaravit piliriariniaqtarnik pivalliajjutaujunnattiarninganik ammalu ivvit pigiarunnattiaqsimagavit.

Nalimugiiktitisimattiarlugit kiinaujat , ammalu taima niruaqsirunnattiarniaravit ivvit pivviksariniaqtarnik.

Kajungisaut tunniqqusiat kiinaujat piliriangujuq pivalliatisiqatigiingulluni taakkunangat Kanatami katimajinginnut sanaugalirinirmut pijunik.