ᐃᑲᔪᕈᑎᒃᓴᑦ

ᓴᓇᐅᒐᓕᐅᖅᑎᐅᑉ ᐃᓅᓯᖓᓂᒃ ᐅᓂᒃᑳᑦ

(250-ᓂᒃ ᐅᖃᐅᓯᕐᓂᒃ ᐊᑐᕐᓗᑎᑦ)

ᐃᓕᖕᓂᒃ ᐅᓂᒃᑳᖅᓯᒪᔪᑦ ᐃᓕᖕᓂᒃ ᖃᐅᔨᒃᑲᐃᕗᑎᑦ ᑖᒃᑯᓄᖓ ᖃᐅᔨᓴᖅᑎᐅᔪᓄᑦ ᐊᒻᒪᓗ ᐃᑲᔪᖅᑕᐅᔪᓐᓇᑦᑎᐊᕐᓂᐊᕋᕕᑦ ᐃᓅᖃᑦᑎᓐᓂᒃ ᖃᐅᔨᓴᖅᑎᐅᔪᓂᒃ ᐃᓕᖕᓂᒃ ᖃᐅᔨᑦᑎᐊᕈᓐᓇᕐᓂᕐᒥᒃ ᑐᑭᓯᑦᑎᐊᕈᓐᓇᑦᑎᐊᕐᓂᕐᒥᒃ ᐊᒻᒪᓗ ᖃᓄᖅ ᓴᓇᔭᕐᓂᒃ ᖃᐅᔨᑦᑎᐊᕈᓐᓇᕐᓂᐊᕐᒪᑕ. ᐱᖁᔨᕗᒍᑦ ᐃᓚᓕᐅᑎᓗᒋᑦ ᑐᓴᐅᒪᔾᔪᑎᒃᓴᓂᒃ ᐅᑯᓂᖓ:  

• ᓄᓇᓖᑦ ᐊᒻᒪᓗ ᐃᓚᑎᑦ ᐃᓄᐃᑦ ᓄᓇᖓᓂᕐᒥᐅᑕᑦ

•  ᓇᓂᓗ ᐃᓕᑦᑎᓚᐅᕐᓂᕐᓂᒃ ᓴᓇᐅᒐᓕᐅᕐᓂᕐᒥᒃ (ᐃᓐᓇᕐᓂᒃ ᓄᓇᓕᖕᒥᐅᑕᓂᒃ, ᐃᓕᖕᓂᒃ ᐃᓕᓐᓂᐊᖅᑎᓚᐅᕐᓂᕐᓂᒃ, ᓴᓇᖃᑎᖕᓂᒃ, ᖃᓄᑐᐃᓐᓇᕐᓗ ᐃᓕᓐᓂᐊᖅᑎᑕᐅᓗᑎᑦ, ᐊᓯᖏᓐᓂᒡᓗ)

• ᐃᓚᐅᓐᓂᕈᕕᑦ ᑕᑯᒃᓴᐅᑎᑦᑎᓪᓗᑎᑦ ᓴᓇᔭᕐᓂᒃ, ᓲᕐᓗ ᑕᑯᔭᒐᖃᕐᕕᖕᒥ, ᓄᓇᓕᖕᓂᑦ, ᑕᕐᕆᔭᐅᑎᑎᒍᑦ ᑕᓚᕖᓴᒃᑯᓪᓘᓐᓃᑦ, ᑕᐅᖅᓰᖃᑦᑕᐅᑎᓂᒃᑯᓪᓘᓐᓃᑦ ᐅᕙᓘᓐᓃᑦ; ᓴᓇᔭᑎᑦ ᑎᑎᕋᖅᑕᐅᓯᒪᓪᓗᑎᒃ ᐅᖃᓕᒫᒐᕐᓂᒃ ᐅᕙᓘᓐᓃᑦ ᑎᑭᓵᒃᓴᓂᒃ; ᐅᕙᓘᓐᓃᑦ ᐊᓯᖏᑦᑎᒍᑦ ᖃᐅᔨᔭᐅᑎᑦᑎᓪᓗᑎᑦ

• ᖃᓄᐃᑦᑐᑐᐃᓐᓇᕐᓂᒃ ᑕᑯᒃᓴᐅᑎᑦᑎᓂᖅ

• ᓴᓇᔭᑎᑦ ᐃᓚᒋᔭᐅᒃᐸᑕ ᑕᑯᔭᒐᖃᕐᕕᖕᒦᖦᖢᑎᒃ, ᐅᕙᓘᓐᓃᑦ ᓴᓇᐅᒐᓂᒃ ᑕᑯᔭᒐᖃᕐᕕᖕᒥᑦ.

ᑎᑎᕋᕐᓗᑎᒃ ᐃᓅᓯᕐᓂᒃ ᓲᕐᓗ ᐊᓯᕕᑦ ᑎᑎᕋᕐᓗᓂᐅᒃ ᐃᓕᖕᓂᒃ ᐱᔾᔪᑎᓕᖕᒥᑦ. ᖃᐅᔨᓇᓱᒃᓗᒍ AQ-ᒥᑦ ᑎᑎᕋᖅᓯᒪᔪᑦ ᖃᓄᐃᓕᖓᓂᕐᒥᑦ  ᐆᒃᑐᕈᑎᒋᓗᒋᓪᓗ!

ᐃᓕᖕᓂᒃ ᖃᓄᐃᓕᖓᓂᕐᓂᒃ ᐱᖃᕈᒪᒍᕕ ᐅᕗᖓ ᐱᓇᓱᒍᓐᓇᖅᐳᑎᑦ [email protected] - ᒧᑦ ᐱᒋᐊᖅᑕᐅᔪᓐᓇᕐᓂᐊᖅᖢᑎᒡᓗ (ᐃᒻᒪᖄ ᐱᐊᓂᒃᑕᐅᔪᓐᓇᕐᓂᐊᖅᑐᖅ ᑕᖅᑭᓂᒃ 1-2-ᒥᒡᓘᓪᓃᑦ). ᐃᓕᓐᓂᐊᒃᑲᓐᓂᕈᒪᒍᕕᑦ ᑎᑎᕋᕐᓂᕐᒥᒃ ᓴᓇᐅᒐᓕᐅᖅᑎᐅᑉ ᐃᓅᓯᖓᓂᒃ ᑕᑯᔪᓐᓇᖅᐳᑎᑦ ᐊᔾᔨᓕᐅᖅᑕᐅᓯᒪᔪᒥᒃ ᐃᒪᐃᑦᑐᒥᒃ ᑕᐃᔭᐅᔪᖅ ᐃᓕᓴᕐᓂᖅ ᑲᑎᒪᑎᓪᓗᒋᑦ ᐃᓕᓐᓂᐊᕈᑕᐅᔪᒥᒃ ᐅᕗᖓ.

ᓴᓇᐅᒐᓕᐅᖅᑎᐅᑉ ᐅᖃᐅᓯᖓ

(250-ᓂᒃ ᐅᖃᐅᓯᕐᓂᒃ ᐊᑐᕐᓗᑎᑦ)

ᐅᖃᐅᑎᑎᒍᑦ ᓴᓇᐅᒐᕆᖃᑦᑕᖅᑕᕐᓂᒃ. ᑖᓐᓇ ᑎᑎᕋᖅᓯᒪᔪᓐᓇᖅᑕᑦ ᐃᕕᑦ ᐅᖃᐅᓯᒻᒪᕆᒋᔭᕐᓂᒃ ᐱᓕᕆᐊᕆᖃᑦᑕᖅᑕᕐᓂᒃ. ᑭᐅᖃᑦᑕᕐᓂᖅ ᐊᐱᖅᑯᑎᓂᒃ ᑕᐃᒪᐃᑦᑐᓂᒃ ᐃᑲᔪᕈᑕᐅᔪᓐᓇᕐᓂᐊᖅᑐᖅ ᖃᐅᔨᓴᖅᑎᐅᔪᓄᑦ ᑲᑎᒪᔨᕋᓛᓂᒃ ᐃᓕᖕᓂᒡᓗ ᑐᑭᓯᐅᒪᑦᑎᐊᓕᕐᓗᑎᒃ, ᑲᔪᖏᓴᐃᔾᔪᑎᑎᓪᓗ, ᐊᒻᒪᓗ ᖃᓄᐃᒻᒪᑦ ᑕᐃᒪᐃᑦᑐᓂᒃ ᓴᓇᖃᑦᑕᖅᑕᕐᓂᒃ:

• ᖃᓄᐃᒻᒪᑦ ᐱᔪᒃᓯᖃᑦᑕᖅᐱᑦ ᓴᓇᓂᕐᒧᑦ?

• ᖃᓄᐃᑦᑐᓂᒃ ᓴᓇᖃᑦᑕᒻᐱᑦ ᐊᒻᒪᓗ ᖃᓄᐃᑦᑐᓂᒃ ᐱᔾᔪᑎᖃᓲᖑᕕᑦ, ᐃᒃᐱᒋᔭᖃᓲᖑᕕᑦ, ᐅᕙᓘᓐᓃᑦ ᐅᓂᑳᓂᒃ ᕿᓂᓲᖑᕕᑦ ᓴᓇᓂᐊᖅᑕᕐᓂᒃ ᐱᔾᔪᑎᖃᖅᖢᑎᑦ?

• ᖃᓄᐃᑦᑐᓂᒡᓕ ᐅᖃᐅᓯᖃᕋᓱᓲᖑᕕᑦ ᓴᓇᔭᕐᓂᒃ ᐱᔾᔪᑎᖃᖅᖢᑎᑦ?

• ᖃᓄᕐᓕ ᓴᓇᐅᒐᓕᐅᖅᑎᐅᓪᓗᑎᑦ ᑐᕌᒐᖃᖅᐱᑦ?

ᐃᓕᓐᓂᐊᒃᑲᓐᓂᕈᒪᒍᕕᑦ ᑎᑎᕋᕐᓂᕐᒥᒃ ᓴᓇᐅᒐᓕᐅᖅᑎᐅᑉ ᐅᖃᐅᓯᖏᓐᓂᒃ ᑕᐅᑐᒃᓗᑎᑦ ᐊᔾᔨᓕᐅᖅᓯᒪᔪᒥᒃ ᐅᕙᓂ ᐃᓕᓴᕐᓂᕐᒥᒃ ᑲᑎᒪᓂᒃᑯᑦ ᐃᓕᓐᓂᐊᕈᑎᒃᓴᒥᒃ ᐅᕗᖓ. 

ᑐᒃᓯᕋᐅᑏᑦ ᖃᓄᐃᓕᖓᓂᖏᑦ

(ᐊᑕᐅᓯᕐᒥᒃ ᒪᒃᐱᒐᕐᒥᒃ ᐊᑐᕈᓐᓇᖅᐳᑎᑦ ᑖᒃᑯᓄᖓᕐᓂᐊᖅᑐᒥᒃ ᐃᓂᖃᕐᕕᒃᒧᑦ. ᒪᕐᕉᓂᒃ ᒪᒃᐱᒐᕐᓂᒃ ᐊᑐᕈᓐᓇᖅᐳᑎᑦ ᑐᕌᖓᕐᒧᑦ)

ᖃᓄᐃᓕᖓᓂᖏᑦ ᐱᓕᕆᐊᕆᔭᖅᐱᑦ ᐱᒻᒪᕆᐊᓘᕗᖅ ᐃᓚᒋᔭᐅᓪᓗᓂ ᐱᓇᓱᒍᑎᒋᔭᕐᓄᑦ. ᑖᓐᓇ ᐃᓅᖃᑎᖕᓄᑦ ᖃᐅᔨᓴᖅᑎᐅᔪᓄᑦ ᖃᐅᔨᓂᐊᕐᒪᑕ ᖃᓄᐃᑦᑐᓂᒃ ᐊᑐᕆᐊᖃᕋᔭᕐᓂᕐᓂᒃ ᑮᓇᐅᔭᓂᒃ ᑐᒃᓯᕋᖅᑎᓪᓗᑎᑦ. ᐱᒻᒪᕆᐅᒋᕗᖅ ᖃᐅᔨᑎᑦᑎᓗᑎᑦ ᐱᓕᕆᓯᒪᔭᑎᑦ ᐊᖏᖅᑕᐅᔪᓐᓇᕐᓂᐊᕐᒪᑕ ᐊᒻᒪᓗ ᖃᓄᐃᒻᒪᑦ ᐱᐊᓂᑦᑎᐊᕈᒪᒐᕕᖏᑦ.

•  ᓇᓗᓇᐃᔭᑦᑎᐊᖅᓗᒍ ᓴᓇᖑᐊᖅᑕᕕᑦ ᑕᐅᑦᑐᕆᓂᐊᖅᑕᖓ ᐊᒻᒪᓗ ᐅᖃᐅᑎᑎᒍᑦ ᖃᓄᖅ ᐸᕐᓇᐃᓯᒪᖕᒪᖔᖅᐱᑦ ᐊᑐᕐᓂᐊᖅᖢᒋᑦ ᑖᒃᑯᐊ ᑮᓇᐅᔭᒃᓴᐃᑦ.

•  ᑐᑭᓯᓇᑦᑎᐊᖅᑐᒥᒃ ᓇᓗᓇᐃᖅᓯᓗᑎᑦ ᖃᓄᖅ ᐋᕿᒃᓯᒪᓂᐊᕐᓂᖓᓂᒃ (ᑭᓲᕙᑦ ᑐᕌᖅᑕᑎᑦ ᐊᒻᒪᓗ ᖃᓄᖅ ᓂᕆᐅᒋᔭᕐᓂᒃ ᐱᔭᕇᕈᖕᓂ?)

• ᖃᓄᐃᑦᑐᓂᒡᓕ ᐊᑐᕆᐊᖃᖅᐱᑦ ᐱᐊᓂᒃᓯᓗᑎᑦ ᑐᕌᒐᕆᔭᕐᓂᒃ? (ᓴᓇᔾᔪᑎᓂᒃ, ᐃᓚᐅᓂᕐᒥᒃ ᓴᓇᔨᐅᔪᓂᒃ, ᐃᖏᕐᕋᓂᖅ, ᐊᒻᒪᓗ ᖃᓄᖅ ᖃᖓᒃᑯᑦ ᓴᓇᓇᔭᑦᐱᑦ, ᐊᓯᖏᓪᓗ)

• ᖃᓄᐃᑦᑐᒥᒃ ᐱᔾᔪᑎᒋᔪᒪᔭᕐᓂᒃ ᕿᓂᕐᓂᐊᖅᐱᑦ?

• ᖃᓄᐃᒻᒪᑦ ᑖᓐᓇ ᓴᓇᔭᐃᑦ ᐃᓕᖕᓄᑦ ᐱᒻᒪᕆᐅᕙ? ᖃᓄᕐᓕ ᐃᑲᔪᕐᓂᖃᕐᓂᐊᖅᐸ ᓴᓇᔨᐅᓂᕐᓄᑦ? 

• ᖃᓄᐃᑦᑐᓂᒃ ᓴᓇᕐᕈᑎᓂᒃ, ᓴᓇᓂᐊᖅᑕᑎᓪᓗ, ᐃᓂᒃᓴᖃᕐᕖᓪᓗ ᐅᕙᓘᓐᓃᑦ ᐊᓯᖏᓐᓂᒃ ᐊᑐᕐᓂᐊᖅᑕᕐᓂᒃ ᓴᓇᑎᓪᓗᑎᑦ?

• ᖃᖓᒃᑯᓪᓕ ᐱᐊᓂᖕᓂᐊᕋᓱᒋᕕᐅᒃ ᑖᓐᓇ ᓴᓇᔭᐃᑦ?

• ᐱᐊᓂᖕᓂᐊᖅᐱᐅᒃ ᐸᕐᓇᒍᑎᒋᔭᑦ ᑕᒪᕐᒥᒃ ᐅᕙᓘᓐᓃᑦ ᐃᓚᐃᓐᓇᖓᒍᑦ?

• ᑮᓇᐅᔭᓂᒃ ᑐᒃᓯᕋᕆᕕᑦ ᑐᒃᓯᕋᕐᕕᒋᔭᖅᐱᑦ ᐊᓯᖏᓐᓃᒃ?

• ᐊᓯᖏᓐᓂᒃ ᓴᓇᖃᑎᖃᖅᐲᑦ ᐄᖑᒃᐸᑦ, ᐊᖏᓚᐅᖅᐸᑦ ᐱᓇᓱᖃᑕᐅᓂᐊᕐᓂᕐᒥᓃᒃ?

ᑎᓕᐅᕆᒻᒪᕆᒃᐳᒍᑦ ᑐᒃᓯᕋᐅᑎᒋᔭᕐᓂᒃ ᑎᑎᕋᑦᑎᐊᕐᓗᑎᑦ, ᑭᓯᐊᓂᓕ ᑎᑎᕋᕆᐊᖃᕐᓂᐊᖅᐳᓯ 250 ᐅᖃᐅᓯᕐᓂᒃ ᑐᒃᓯᕋᐅᑎᒋᔭᔅᓯᓐᓄᑦ. ᖃᐅᔨᒪᕗᒍᑦ ᐱᓇᓱᐊᑦᑎᐊᕈᒪᒐᔅᓯ, ᑕᐃᒪᓕ ᐊᑏ ᑎᑎᕋᖅᑕᔅᓯᓐᓄᑦ ᑕᑯᒃᓴᐅᑎᑦᑎᐊᕐᓗᒋᑦ ᐱᔪᒪᔭᔅᓯᓐᓂᒃ ᐊᒻᒪᓗ ᖁᕕᐊᓱᒡᓗᓯ ᐱᓇᓱᒃᓗᓯᐅᒃ!

ᓴᓇᐅᒐᓕᐅᖅᑎᐅᑉ ᐃᖅᑲᓈᐃᔮᕆᔭᖏᓐᓄᑦ ᑎᑎᕋᖅᓯᒪᔪᑦ

(ᐱᒐᓱᓂᒃ ᒪᒃᐱᒐᕋᕆᐊᓕᒃ, ᑑᕋᒐᕐᒧᑦ ᑭᓯᐊᓂ)

ᐃᓅᓯᖅᐱᑦ ᑎᑎᕋᖅᑕᐅᓯᒪᔫᑉ ᐊᔾᔨᒋᖏᓪᓗᓂᐅᒃ, ᐃᓕᖕᓂᒃ ᑕᐅᑐᖅᑰᔨᓗᓂ ᐊᒻᒪᓗ ᐃᕕᑦ ᐅᓂᒃᑳᓯᒪᓗᒍ, ᐃᓚᐅᑎᒋᐊᖃᖅᑕᑦ ᓴᓇᐅᒐᓕᐅᖅᑎᐅᓂᕐᓂᒃ ᐅᓂᒃᑳᖅᓯᒪᔪᒥᒃ ᑖᒃᑯᐊ ᐃᓅᖃᑎᑎᑦ ᖃᐅᔨᓴᖅᑎᐅᔪᑦ ᑲᑎᒪᔨᕋᓛᑦ ᖃᐅᔨᒪᑦᑎᐊᕐᓂᐊᕐᒪᑕ ᐱᓕᕆᐊᕆᖃᑦᑕᖅᑕᕐᓂᒃ ᐊᒻᒪᓗ ᐃᑲᔪᕈᑎᒋᓂᐊᕐᓗᓂᒋᑦ ᑐᑭᓯᑦᑎᐊᕈᓐᓇᐅᑎᖏᓐᓂᒃ ᓴᓇᖃᑦᑕᖅᑕᕐᓂᒃ. ᐱᖁᔨᒋᕗᒍᑦ ᐃᓚᒋᔭᐅᖕᒥᓗᓂ ᐊᑖᓂ ᑎᑎᕋᖅᓯᒪᔪᓂᒃ, ᐃᓕᖕᓄᑦ ᐃᑲᔪᕈᑕᐅᓂᐊᕈᓂ:

ᐱᐅᓯᕆᔭᐅᔪᑦ ᑕᑯᒃᓴᐅᑎᑦᑎᓗᓂ ᓴᓇᔭᕐᓂᒃ

• ᑕᑯᔭᒐᖃᖅᑎᑦᑎᓂᖅ ᓴᓇᔭᕐᓂᒃ ᐃᓚᒋᔭᐅᕗᖅ ᐅᕙᓘᓐᓃᑦ ᑕᑯᒃᓴᐅᑎᑕᐃᑦ

  • ᐱᖁᔨᕗᒍᑦ ᐋᖅᑭᒃᓯᒪᓗᒋᑦ ᑕᒪᒃᑯᐊ ᓴᓇᔭᑎᑦ ᓲᕐᓗ ᐃᒪᓐᓇ, ᐃᓄᖕᒧᑦ ᐊᑕᐅᓯᕐᒧᑦ, ᒪᕐᕉᖕᓄᑦ ᐃᓄᖕᓄᑦ, ᐊᒻᒪᓗ ᐅᓄᖅᑐᓄᑦ ᑲᑎᓯᒪᔪᓄᑦ ᐃᓄᖕᓄᑦ ᑕᑯᔭᖅᑐᖅᓯᒪᔪᓄᑦ ᓴᓇᔭᕐᓂᒃ. ᐃᓚᐅᑎᓪᓗᒋᑦ ᐅᓪᓗᐃᑦ, ᓴᓇᕖᑦ, ᑕᑯᔭᒐᖃᖅᑎᑕᕕᑦ ᐊᑎᖓ, ᐊᒻᒪᓗ ᑎᑎᕋᐅᓯᕆᓗᒍ ᑕᑯᒃᓴᐅᑎᑕᑦ ᑕᑯᔭᐅᔪᓐᓇᕐᓂᖓᓂᒃ ᐳᓚᕋᖅᑐᓄᑦ

• ᐃᓚᐅᕕᒋᓚᐅᖅᑕᑎᑦ ᖁᖏᐊᖅᑕᐅᕕᐅᔪᑦ

  • ᐃᓚᓕᐅᑎᓗᒋᑦ ᐅᓪᓗᐃᑦ, ᓴᓇᕖᑦ, ᑕᑯᔭᒐᖃᑦᑎᑕᕕᑦ ᐊᑎᒐ ᐊᒻᒪᓗ ᐃᕕᑦ ᖃᓄᐃᓕᐅᕐᓂᕆᔭᑦ

• ᐱᓕᕆᓂᕆᔭᐃᑦ ᐅᕙᓘᓐᓃᑦ ᑕᑯᒃᓴᐅᑎᑕᐅᔪᑦ

  • ᐃᓚᐅᑎᓪᓗᒋᑦ ᐅᓪᓗᐃᑦ, ᐱᓕᕆᔭᕕᑦ ᐊᑎᖏᑦ, ᐊᒻᒪᓗ ᐃᕕᑦ ᐱᓕᕆᐊᑎᑦ

• ᐃᑲᔪᕐᓂᕆᓚᐅᖅᑕᑎᑦ ᑕᕐᕆᔮᒃᓴᓂᒃ ᐱᓕᕆᑎᓪᓗᒋᑦ

  • ᐃᓚᓕᐅᑎᓗᒋᑦ ᐅᓪᓗᐃᑦ, ᑕᕐᕇᔮᒃᓴᑦ ᐊᑎᖏᑦ, ᐊᒻᒪᓗ ᐃᕕᑦ ᖃᓄᐃᓕᐅᕐᓂᕆᔭᑦ

• ᑎᑎᕋᖅᑕᐅᓯᒪᔪᓄᑦ ᐱᐅᓯᕆᔭᐅᔪᑦ

  • ᐃᓚᓕᐅᑎᓗᒋᑦ ᐅᓪᓗᐃᑦ ᐊᒻᒪᓗ ᐊᑎᖏᑦ ᖃᓄᑐᐃᓐᓇᖅ ᑎᑎᕋᖅᑕᐅᓯᒪᔪᓂᒃ, ᐅᖃᓕᒫᕐᓂᖅ, ᐊᓯᖏᓪᓗ

ᐃᓕᓐᓂᐊᕐᓃᑦ ᐅᕙᓘᓐᓃᑦ ᐱᓕᒻᒪᒃᓴᕐᓂᖅ

• ᐃᓚᑎᑦ ᐅᕙᓘᓐᓃᑦ ᓄᓇᓕᖕᓂᑦ ᑲᔪᒋᓴᐃᔨᐅᔪᑦ

• ᖁᑦᑎᖕᓂᖅᓴᒥᒃ ᐃᓕᓐᓂᐊᕐᓂᖅ

• ᐃᓕᓐᓂᐊᖅᓯᓐᓈᖅ ᓇᓗᓇᐃᒃᑯᑕᖅᑖᑎᑦ

ᑲᑎᖅᓱᖅᑕᐅᔪᑦ

• ᑭᒃᑯᑐᐃᓐᓇᑦ ᐅᕙᓘᓐᓃᑦ ᐃᒻᒥᒃᑯᑦ ᑲᑎᖅᓱᖅᑕᐅᔪᑦ ᐊᒻᒪᓗ ᐃᕕᑦ ᓴᓇᐅᒐᓕᕆᔭᑎᑦ ᐃᓚᒋᔭᐅᓪᓗᓂ, ᓲᕐᓗ ᓄᓇᕗᑦ ᒐᕙᒪᒃᑯᖏᑦᑕ ᐃᓄᐃᑦ ᓴᓇᐅᖓᖏᓐᓂᒃ ᑲᑎᖅᓱᕐᕕᒃ, ᓴᓇᐅᒐᓕᕆᕕᒃ Guelph-ᒥᑦ, ᐅᓂᐸᐃᒥᑦ ᓴᓇᐅᒐᓕᕆᕕᒃ-ᖃᐅᒪᔪᖅ, TD ᑮᓇᐅᔭᒃᑯᕕᒃ ᑲᑎᖅᓱᐃᕕᒃ, ᐊᓯᖏᓪᓗ.

ᐅᐱᒍᓱᖕᓂᖅ ᐊᒻᒪ ᑐᓐᓂᖅᑯᓯᐊᒃ

• ᐅᐱᒍᓱᖕᓂᖅ, ᑐᓐᓂᖅᑯᓯᐊᓪᓗ, ᐊᒻᒪᓗ ᐃᓕᑕᕆᔭᐅᔾᔪᑏᑦ ᐱᔭᕕᓂᖅᑎᑦ, ᓲᕐᓗ ᐃᒪᐃᑦᑐᓂᒃ ᑭᓄᔪᐊᖅ ᐊᓯᕙᒃ ᐃᖅᑲᐅᒪᔾᔪᑎᖏᓐᓂᒃ ᑐᓐᓂᖅᑯᓯᐊ, ᓱᐸᐃ ᓴᓇᐅᒐᓕᕆᓂᕐᒧᑦ ᑐᓐᓂᖅᑯᓯᐊᑦ, ᐊᓐᑎᐊᕆᔭᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᔩᑦ ᓄᓇᖃᖅᑳᖅᓯᒪᔪᑦ ᓴᓇᐅᒐᓕᕆᓂᕐᒧᑦ ᑐᓐᓂᖅᑯᓯᐊᑦ, ᐊᓯᖏᓪᓗ.

  • ᐃᓚᒋᓗᒍ ᑎᑎᕋᖅᓯᒪᔪᑦ ᐊᒻᒪᓗ ᖃᕆᑕᐅᔭᑎᒍᑦ ᑎᑎᕋᖅᑕᐅᓯᒪᔪᑦ

ᑐᓴᒐᒃᓴᐃᑦ ᐊᒻᒪᓗ ᐅᖃᓕᒫᒐᐃᑦ

• ᓇᓕᐊᑐᐃᓐᓇᖅ ᑕᓚᕖᓴᒃᑯᑦ, ᓈᓚᐅᑎᒃᑯᑦ, ᐅᕝᕙᓘᓐᓃᑦ ᐃᑭᐊᕿᕕᒃᑯᑦ ᐊᐱᖅᓱᖅᑕᐅᔪᑦ, ᓴᓇᖕᖑᐊᖅᑎᑦ ᐅᖃᓪᓚᒡᓗᑎᒃ, ᕿᒥᕐᕈᔩᑦ ᐅᖃᖃᑎᒌᒡᓗᑎᒃ, ᐊᓯᖏᓪᓗ

• ᓇᓕᐊᑐᐃᓐᓇᖅ ᐅᖃᓕᒫᒐᐃᑦ ᐅᑯᐊᓗ ᓴᓇᔭᑎᑦ ᐃᓚᓕᐅᑎᔭᐅᓯᒪᓪᓗᑎᒃ, ᓲᕐᓗ ᐃᓄᐃᑦ ᓴᓇᖕᖑᐊᖅᓯᒪᔭᖏᑦ ᐅᖃᓕᒫᒐᖅ.

  • ᐃᓚᖃᖅᑐᑦ ᐅᖃᓕᒫᒐᕐᓂᒃ ᐊᒻᒪᓗ ᐃᑭᐊᕿᕕᒃᑯᑦ ᑐᓴᒐᒃᓴᐃᑦ

ᖃᐅᔨᒃᑲᓐᓂᕈᒪᒍᕕᑦ ᑎᑎᕋᕐᓂᕐᒥᒃ ᓴᓇᐅᒐᓕᐅᖅᑎᐅᑉ ᐃᖅᑲᓇᐃᔮᖏᓐᓂᒃ ᑎᑎᕋᖅᓯᒪᔪᓂᒃ. ᑕᐅᑐᒃᓗᒍ ᑕᕐᕆᔭᓕᐅᖅᓯᒪᔪᑦ ᐊᔾᔨᖏᓐᓂᒃ ᐃᓕᓴᕐᓂᖅ ᑲᑎᒪᓪᓗᑎᒃ ᐃᓕᓐᓂᐊᖅᑎᑕᐅᔪᑦ ᐅᕗᓇ.

ᐃᖅᑲᓇᐃᔮᕆᔭᐅᔪᑦ ᑎᑎᕋᖅᑕᐅᓯᒪᓂᖏᑦ ᐆᒃᑑᑎᑦ

• ᑭᓄᔪᐊᒃ ᐊᓯᕙᒃ

• ᑲᐃᓕ ᐊᓖᑯᒃ

ᐃᓄᐃᑦ ᓴᓇᐅᒐᓕᕆᔨᒃᑯᓐᓂᑦ ᖃᓄᐃᓕᖓᓂᕐᓂᒃ ᑎᑎᕋᖅᓯᒪᔪᑦ ᐱᐅᒻᒪᕆᒃᑐᖅ ᖃᐅᔨᑦᑎᐊᕈᒪᒍᕕᑦ ᐃᖅᑲᓇᐃᔮᕐᓄᑦ ᑎᑎᕋᖅᑕᐅᓯᒪᔪᓂᒃ! ᐱᖃᖏᒃᑯᕕᓪᓕ ᖃᐅᔨᒋᐊᕈᓐᓇᖅᐳᑎᑦ ᐅᑯᓄᖓ iaq@inuit foundation.org-ᑯᓐᓄᑦ ᐱᒋᐊᖁᓗᒋᑦ ᐃᖅᑲᓇᐃᔮᕐᓄᑦ ᐱᓕᕆᐊᕆᖃᑦᑕᖅᑕᕐᓂᒃ. ᐊᒥᓲᖏᑦᑐᓂᒃ ᒥᓂᑦᓯᓂᒃ ᐊᑐᕐᓗᑎᑦ ᕿᓂᕆᑦ ᑕᒪᒃᑯᓂᖓ ᐃᓚᖏᓐᓂᒃ ᑲᔪᖏᖅᓴᐃᔾᔪᑎᓂᒃ!

ᐋᕿᑦᑎᐊᖅᓯᒪᓂᐊᕐᒪᑦ ᐃᒪᐃᓕᓗᒍ

ᓴᕿᑎᑦᑎᐊᕐᓗᒍ ᐊᔾᔨᖑᐊᖓᒍᑦ: ᐊᑏ ᐅᔾᔨᖅᓴᑦᑎᐊᕐᓂᐊᖅᐳᑎᑦ ᐊᔾᔨᑦᑎᐊᕙᐅᓂᐊᕐᒪᑦ ᑐᓂᔭᐃᑦ. ᐊᔾᔨᖑᐊᑦ ᓴᕿᔮᑦᑎᐊᕐᓗᑎᒃ, ᓇᓗᓇᐃᑦᑎᐊᖅᓯᒪᓗᓂ, ᐊᒻᒪᓗ ᓴᕿᑎᑦᑎᓯᒪᑦᑎᐊᕐᓗᓂ ᐃᕝᕕᑦ ᓴᓇᔭᖓᓂᒃ. ᐃᓱᒪᒋᑦᑎᐊᕐᓗᒋᑦ ᐊᑖᓂ ᑎᑎᕋᖅᓯᒪᔪᑦ ᓂᕈᐊᖅᓯᓕᕈᕕᑦ ᐊᔾᔨᖑᐊᕐᒥᒃ ᑐᓐᓂᖁᑎᒋᓂᐊᖅᑕᕐᓂᒃ:

• ᐊᔾᔨᓕᐅᕆᑦᑕᐃᓕᒪᓗᑎᑦ ᖃᐅᒪᓐᖏᓗᐊᖅᑐᒥ ᐅᕝᕙᓘᓐᓃᑦ ᖃᒥᑦᑕᖃᑦᑕᖅᑐᒥ.  

• ᐊᔾᔨᓕᐅᕆᑦᑕᐃᓕᒪᓗᑎᑦ ᐊᓯᖏᓐᓂᒃ ᐱᖁᑎᓂᒃ ᑐᓄᐊᓂ ᑕᐃᒪᓗ ᐊᑐᖅᓯᓗᑎᑦ ᑭᓱᖃᓐᖏᑦᑐᒥ, ᐊᒻᒪᓗ ᑕᖅᓴᖃᓐᖏᑦᑐᒥ ᑐᓄᐊᓃᑎᑦᑎᓗᑎᑦ

• ᐅᓄᓗᐊᖅᑐᓂᒃ ᓴᓇᖕᖑᐊᖅᓯᒪᔪᓂᒃ ᑲᑎᖓᔪᓂᒃ ᐊᑕᐅᓯᕐᒧᑦ ᐊᔾᔨᖑᐊᕐᒧᑦ ᓴᕿᑎᑦᑕᐃᓕᓗᒋᑦ

• ᑕᐃᒪᓗ ᓴᓇᖕᖑᐊᖅᓯᒪᔭᐃᑦ ᓴᕿᔮᑦᑎᐊᕐᓗᒍ ᐊᒻᒪᓗ ᐃᓕᓴᕐᓇᑦᑎᐊᕐᓗᒍ

• ᑐᓂᓯᑦᑕᐃᓕᓗᑎᑦ ᐅᖃᓘᑎᕋᓛᕐᓄᑦ ᑕᕐᕋᓕᐊᕐᓂᑦ ᓴᓇᔭᕐᓂᒃ ᖃᖓᑐᐃᓐᓇᖅ

• ᑐᓂᓗᒋᑦ ᐊᔾᔨᖑᐊᑦ ᐊᔾᔨᖑᐊᑦᑎᐊᕙᐅᓛᑦ ᐱᓯᒪᔭᑎᑦ

ᐊᔪᕆᖅᓲᑎᔭᐅᒃᑲᓐᓂᕈᓐᓇᖅᑐᑎᑦ ᖃᓄᖅ ᑎᑎᖃᓕᕆᔪᓐᓇᕐᒪᖔᖅᐱᑦ ᓴᓇᖕᖑᐊᖅᓯᒪᔭᕐᓄᑦ, ᐊᑏ ᑕᕐᕆᔭᕐᓗᒍ ᐃᓕᓐᓂᐊᕐᑎᑦᑎᔪᖅ ᑯᕋ ᑭᕝᔭᒃᑐᒃ ᑕᒪᑐᒥᖓ ᐊᔾᔨᓕᐅᕐᓗᒍ ᓴᓇᖕᖑᐊᖅᑕᐃᑦ

ᑮᓇᐅᔭᑦ

(ᐃᓂᖃᕐᕕᒃ/ ᑐᕌᒐᖅ)

ᐊᑖᓂ ᑎᑎᕋᖅᓯᒪᔪᑦ ᐆᒃᑑᑎᐅᔪᓐᓇᖅᑐᑦ ᑮᓇᐅᔭᓂᒃ ᐊᑐᕈᓐᓇᖅᑕᕐᓂᒃ ᐃᕕᑦ ᓴᓇᓂᐊᖅᑕᕐᓄᑦ ᐋᖅᑭᒃᓱᐃᑎᓪᓗᑎᑦ. ᑮᓇᐅᔭᑦ ᐱᕕᐅᔪᓐᓇᖅᑐᑦ ᖃᐅᔨᑎᑦᑎᓗᑎᑦ ᐃᓅᖃᑎᖕᓂᑦ ᖃᐅᔨᓴᖅᑎᐅᔪᓂᒃ  ᐱᓕᕆᐊᕆᔭᑦ ᐱᕙᓪᓕᐊᔪᑕᐅᔪᓐᓇᕐᓂᖓᓂᒃ ᐊᒻᒪᓗ ᑮᓇᐅᔭᓂᒃ ᐊᑐᕆᐊᖃᖅᑕᕐᓂᒃ ᖃᐅᔨᔾᔪᑕᐅᔪᓐᓇᕐᓂᐊᕐᒪᑕ. ᐊᑏ ᑎᑎᕋᕐᓗᑎᑦ ᐃᓗᓕᖏᓐᓂᒃ ᖃᓄᐃᑦᑐᓂᒃ ᑮᓇᐅᔭᓂᒃ ᐊᑐᕈᑎᖃᕋᔭᕐᓂᕐᓂᒃ ᑕᐃᒪᓐᓇ ᖃᐅᔨᓴᖅᑎᐅᔪᑦ ᑐᑭᓯᑦᑎᐊᕈᓐᓇᕐᓂᐊᕐᒪᑕ ᖃᓄᐃᑦᑐᓂᒃ ᑮᓇᐅᔭᓂᒃ ᐊᑐᕆᐊᖃᕐᓂᕐᓂᒃ, ᐅᑯᐊᓗ ᐃᓚᓕᐅᑎᓯᒪᓂᐊᖅᑐᑦ ᑭᓯᐊᓂᑦᑕᐅᖅ ᐊᓯᖏᓐᓂᑦ ᑖᒃᑯᐊᑦ ᐊᔪᖏᑦᑐᑦ ᐊᑭᓕᖅᓱᕈᓐᓇᖅᑕᑎᑦ. 

ᑎᑎᕋᑦᑎᐊᕐᓗᑎᑦ ᐊᑐᕐᓂᐊᕋᓱᒋᔭᕐᓂᒃ ᑮᓇᐅᔭᓂᒃ ᐊᑐᕈᑎᒋᔭᕐᓂᒃ. ᑮᓇᐅᔭᑎᑦ ᓈᒻᒪᑦᑎᐊᕆᐊᖃᖅᐳᑦ, ᑕᒪᒃᑯᐊ ᑲᑎᓪᓗᒋᑦ ᑮᓇᐅᔭᖅᑖᖑᕙᓪᓕᐊᔪᑦ ᐊᔾᔨᖃᑦᑎᐊᕐᓗᑎᒃ ᑮᓇᐅᔭᓂᒃ ᐊᑐᕐᓂᕆᔭᕐᓂᒃ. ᑐᕌᒐᒃᓴᕆᓂᐊᖅᑕᑦ ᑕᑯᑎᑦᑎᒋᐊᖃᕋᕕᑦ ᐱᓕᕆᐊᕆᓂᐊᖅᑕᕐᓂᒃ ᐱᕙᓪᓕᐊᔾᔪᑕᐅᔪᓐᓇᑦᑎᐊᕐᓂᖓᓂᒃ ᐊᒻᒪᓗ ᐃᕕᑦ ᐱᒋᐊᕈᓐᓇᑦᑎᐊᖅᓯᒪᒐᕕᑦ. ᓇᓕᒧᒌᒃᑎᑎᓯᒪᑦᑎᐊᕐᓗᒋᑦ ᑮᓇᐅᔭᑎᑦ, ᐊᒻᒪᓗ ᑕᐃᒪ ᓂᕈᐊᖅᓯᕈᓐᓇᑦᑎᐊᕐᓂᐊᕋᕕᑦ ᐃᕕᑦ ᐱᕕᒃᓴᕆᓂᐊᖅᑕᕐᓂᒃ.

ᑲᔪᖏᖅᓴᐅᑦ ᑐᓐᓂᖅᑯᓯᐊᑦ ᑮᓇᐅᔭᑦ ᐱᓕᕆᐊᖑᔪᖅ ᐱᕙᓪᓕᐊᑎᓯᖃᑎᒌᖑᓪᓗᓂ ᑖᒃᑯᓇᖓᑦ ᑲᓇᑕᒥᑦ ᑲᑎᒪᔨᖏᓐᓂᒃ ᓴᓇᐅᒐᓕᕆᓂᕐᒧᑦ. ᓇᓗᓇᐃᖅᓯᕗᒍᑦ ᐃᑲᔪᖅᑕᐅᔪᓐᓇᕋᓯ ᑖᒃᑯᓄᖓ ᑲᓇᑕᒥ ᑲᑎᒪᔨᖏᓐᓄᑦ ᓴᓇᐅᒐᓕᕆᓂᕐᒧᑦ ᐱᔪᓂᒃ.