Kajungiqsaut kiinaujaksaq ingirrasititausimajuq angiqsimagamik ikajurlugit Inuit sanajut sanannguaqtulirinirmi. Saqittiqatigiigsimajut pinasuqatigillugit Kanatami Katimajit Sanannguaqtulirinirmut Pinnguaqtulirinirmullu, Kajungiqsaut kiinaujaksaq pijaujunnaqtuq, piusituqarmut atuutiqaqtut ukualu ikajuqtut Inuit sanatujut piliriniakmata amisunik ammalu ajjigiinngittunik pilirijumajamingnik - piluaqtumik sivulliqpaamik pinajuktut. Kajungiqsaut (una inuktut imanna: kajungiqsaut piliriniarmata pilirijumajamingnik) atuutiqaqtuq nangmini-aulattijunnarnirmut, sanajunnaqsinirmut, ammalu attarnatuq iniqaqtitauniq pilirijumajatik, pirurutigijumajatik, ammalu saqittumajatik Inuup aturunnaqtanginnut sanannguaqtulirinirmi.

Ingirraqattaqtut arraagutamaat pigiaqhlutik Sitipirimit Maatsimut, pingasut kiinaujaksaqtaarviujunnaqtut tunisijunnaqtut tamaangat $500 tikilhlugu $15,000 sanannguaqtinut tamainnut kisulirujutuinnait ammalu iqqanaijaarijangit puqtuliriit. Ukua Inuit Sanannguaqtulirijikkut Tunngavinga upigusuktuq ikajurami inungnik sanatujunik taakkutigut Kajungiqsaut ammalu sanngijumik kajungiqsaivugut pinajuqullugit tamainnit sanannguaqtinit pinajuqullugit!

Iniqarvik
Pinajugutit maanna matusimajut, kisiani matuikkannirniaqtuq Jaanuarimi. Isuliviksangitta ullungit asingutuinnarialit.

Tamaqmik Sanaguaqtiit taqaiqsiqviqariaqaqmiyut, iniqaqlutik isumaksaqsiuviksanginik ammalu qauyinasuttiaqviksanginik. Iniqaqvik tungasuktitivuq Inuknik sanatuyunik tamainik kisutuinaqnik sanayunnatut kiinauyanikk ikayuqtauyunaqsiyut mikiyumik angiluangituniklu qanuiliuqtituyut aulutiniqaqlutik iliniaqtitiniq, qauyisaqniq, ammalu pivaliaqtitiniq. Piluaqtumik atuutiqaqtunik sanaguaqtinik qiniqtauvaktunik: saqitilutik isumaliurutiksakanniqnik, qauyisaqattaqlutik uukturaqlutik, piyaruiqsalutik obvaluunniit ilittilutik nutaanik sanasimayunik, igirasitigiaqkanniqlugit pinguarusiqmik sanasimayangit, ammalu asigit amisut. Tuksirautit tamainik isumagiyauniaqtut kiinauyaksanik utirunangituksayaknik tamaani $3,500 obvaluunniit $5,000. 

Turaagaq
Isuliviksangitta ullungit asingutuinnarialit.

Turaagaq sanasimayuq tunisiyunaqllutik anginiqsanik qanuiliurutauyunut ukua kisumik aulutiyut ammalu aaqigiattiakkaniqsimaliqtut. Naamaksiliqsimayuq sanaguakkauyunut obvaluunniit takuyagaqaqvikmi kamayiuyunut imanauyumayunut: Saqitilutik paqnaksimatiaqtumik piliriaksamik obvaluunniit sanayauyut, tunisilutik sanayunariaqaqtanginik ajuriqsiuujiyut obvaluunniit qauyimaniqmik asimiknut. Saqititilutik sanayakmiknik, ammalu asiginik amisut.Sivuliutiyauniaqtut tuksirautit ukualu saqititiyut sanaguattiaqsimayunik takuyauyumayunik, aaqittiaqsimayut, ammalu/obvaluunniit nunaliknik piliriqatiqaqniq taapkunuga kiinauyaliurutauniaqmatta* aulutilugit. Tuksirautit tamainnit sanasimayunut isumagiyauniaqtut kiinauyaksanut utiriatungittunut $10,000 obvaluunniit $15,000.

*Qanuiliurutauyut piliriyauyut turaariyaqaqllutik qakijjutigilugit niurutigiyaqnut sanayamiknik niurutiqaramik.

Pinayugit Maanna

Qaujigiarlutit kiinaujaksaq naliakkuunganajarmangaat ajuriqsuujjijumik ikajuutiniaqtuq ilingnut naliakkuunganajarmangaat kiinaujaksaq pinajugvigijariaqaqtait! atii qaujimaniaqputit kisiani pititaujunnaqtutit atausirmik kiinaujaksamik atausirmut piliritittijjutaujumut tikiutisimaningani.

Pititauyunaqtut Imailiurutauyunut

Pinajugunnaqtut  

Una piliritittijjutaujuq matuingajuq Inungnut ukualu iqqanaijaqtut sanannguaqtulirinirmi. Kajungiqsaivugut tamainnut pilirijunnaqtulimaanik ammalu iqqanaijaaqarumajunik,  piluaqtumik sivulliqpaamik pinajuktut. Pititaujunnaqtut ajjigiinngittut kiinaujaksaqaqtittijunit tikiutisimattiatuaqpata tanginginnik pijunnaqtittijjutaujunut. Atii takulugit pinajugutit tatatirialit tamainni pijunnaqtunik nalunaijattiaqsimajut.

Nutaaq: amisut kiinaujaksait atuni sanannguaqtimut
Pinajuktut pititaujunnaqtut atausirmik kiinaujaksanik ukunangat Sutaarutit, Iniqarvik, uvvaluunniit Turaagaq, ammalu pijjutigillugu ajjigiinngituungmata isulivingit taakkununga Sutaarutit, tamarmik pititauniaqtut qaakkanniagut Sutaarutit kiinaujaksamik iluani piliritittijjutigijanga isulilauqtinnagu (piluaqtumik Sitipiri tikillugu Maatsi) unulaat marruujuk kiinaujaqsat atausirmut piliritittijjutaujumut. Pinajukkuvit marruungnik Sutaarutit kiinaujaksanik, ajjigiinngitarialit isuliviksangit ullungit ammalu ajjiginngitanginnut akiliqsuutiksanut.

Nutaaq: Kiinaujaksait Marruungnit Piliritittijjutaujunit
Pititauguvit Kajungiqsaut kiinaujaksanganik kingunittinni ammalu pijariilauqsimanngillugu ammalu unikkaarilauqsimanngillugu piliriarijait suli pinajukkannirunnaqtutit maannaujuq matuingatillugit taikani isuliviksanga ulluq tikiutijariiqpat niriuginngillugu pijariiriaqarlugu sivullirmit piliriarililauqtangit. Taimannaugaluaqtillugu, angiqtausimavutit kiinaujaksamik tamatumunga matuingavinganut, naliatuinnaq nutaaq kiinaujaksaq pisimajauniaqtuq kisiani tamarmik kingulliqpaaqsiutit unikkaat kingunittinni piliritittijjutaujunit pijaukpata.

Immanna Pinayugunaqtutit

Pinayugutit angiqtauniaqtut aulaqtitauyut qarisauyakkut, sikayukkut ammalu uqaluutikkut qalunauyaqlutit ammalu inuktuut uqalaklutit. Tamaqmik inukktituulitikiqaqtut taapkutigut Inuit Sanaguaqsimayunit Tunngavingat. Takuyunaqtatit pinayugutit tatatirialit tukisinaqsititisimayut nalunaiyattiaqsimalutik.

Pinajukhluni Kajungiqsaut Kiinaujaksanik Ilinniaqtut Katimallutik