ᑮᓇᐅᔭᒃᓴᐃᑦ ᐅᑯᓄᖓ

ᓱᑖᕈᑎᑦ

ᐱᑖᕋᓱᒃᖢᓂ ᓴᓇᕐᕈᑎᓂᒃ ᐊᒻᒪᓗ ᐱᖁᑎᓂᒃ ᐱᔭᕐᓂᖅᐸᓐᖏᑦᑐᖅ ᓴᓇᖕᖑᐊᖅᑎᓄᑦ ᓴᓇᔪᒪᒐᓗᐊᖅᖢᑎᒃ ᓄᑖᓂᒃ. ᓱᑖᕈᑎᑦ ᑮᓇᐅᔭᒃᓴᖃᖅᑎᑦᑎᔪᖅ ᓴᓇᖕᖑᐊᖅᑎᓂᒃ ᐃᑲᔪᖅᑐᑦ ᑖᒃᑯᓂᖓ ᓂᐅᕕᕈᓐᓇᕐᓗᑎᒃ. ᑮᓇᐅᔭᒃᓴᖅ $500 ᐅᕝᕙᓘᓐᓃᑦ $1000 ᐊᑐᐃᓐᓇᐅᔪᑦ ᐊᒻᒪᓗ ᓴᕿᑉᐸᓪᓕᐊᖕᒪᑕ ᓴᓇᖕᖑᐊᖅᑎᑦ ᑲᔪᖏᖅᓴᑦᑎᐊᖅᐸᕗᑦ ᐱᓇᔪᖁᓪᓗᒋᑦ. 

ᓄᑖᖅ: ᓱᑖᕈᑎᑦ ᒪᑐᐃᖓᔪᖅ ᓴᓇᖕᖑᐊᖅᑎᓄᑦ ᑕᒪᐃᓐᓂ ᑲᓇᑕᐅᑉ ᐊᕕᒃᑐᖅᓯᒪᔪᖏᓐᓂ ᐊᒻᒪᓗ ᑎᐅᓕᑐᐊᓕᔅ (ᒫᓐᓇ ᐃᓚᓕᐅᑎᓯᒪᖕᒥᔪᖅ ᐋᓐᑎᐅᕆᐅ!) ᐊᒻᒪᓗ ᐱᓕᕆᓲᑦ ᕿᓚᒻᒥᐅᔪᒥᒃ ᐃᓱᓕᕕᒃᓴᖏᑦ ᑎᑭᐅᑎᖃᑦᑕᖅᑐᓂ. ᐱᓇᔪᒍᑎᑦ ᐊᖏᖅᑕᐅᓂᐊᖅᑐᑦ ᑲᔪᓰᓐᓇᖅᑎᑕᐅᓂᐊᖅᑐᓄᑦ ᐱᒋᐊᕐᓗᑎᒃ ᓯᑎᐱᕆ 2026 ᑎᑭᓪᓗᒍ ᕕᕗᐊᕆ 2027 ᐅᕝᕙᓘᓐᓃᑦ ᑭᓯᐊᓂ ᑮᓇᐅᔭᒃᓴᖅ ᓄᖑᑕᐅᒃᐸᑦ. ᐱᓇᔪᒍᑎᑦ ᖃᐅᔨᓴᖅᑕᐅᖃᑦᑕᖅᑐᑦ ᑕᐃᒪᖓᓕᒫᖅ 6 ᐱᓇᓱᐊᕈᓯᑦ ᐊᑖᓂ ᑎᑎᕋᖅᓯᒪᕗᑦ ᑎᓴᒪᑦ ᐃᓱᓕᕕᒃᓴᖏᑦ: 

• ᐃᓱᓕᕕᖓ 1: ᑕᓪᓕᕐᒥᖅ, ᐅᒃᑑᐸ 16, 2026
• ᐃᓱᓕᕕᖓ 2: ᑕᓪᓕᕐᒥᖅ, ᓄᕕᐱᕆ 27, 2026
• ᐃᓱᓕᕕᖓ 3: ᑕᓪᓕᕐᒥᖅ, ᔮᓄᐊᕆ 8, 2027
• ᐃᓱᓕᕕᖓ 4: ᑕᓪᓕᕐᒥᖅ, ᕕᕗᐊᕆ 19, 2027

ᐱᓇᔪᒋᑦ ᒫᓐᓇ

ᑕᐃᒪᓗ ᑕᕐᕆᔭᐅᓯᐅᖅᑎᐅᒍᕕᑦ ᓄᓇᖃᕐᓗᑎᑦ ᐋᓐᑎᐅᕆᐅᒥ, ᑲᔪᖏᖅᓴᐃᕗᒍᑦ ᐱᓇᔪᖃᑕᐅᓗᑎᑦᑕᐅᖅ ᐅᕘᓇ ᐋᓐᑎᐅᕆᐅ ᓴᓇᖕᖑᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓄᓇᖅᑲᖅᑳᖅᓯᒪᔪᑦ ᑕᕐᕆᔭᐅᓯᐊᖏᓐᓄᑦ ᐱᖁᑎᒃᓴᖏᓐᓄᑦ ᑮᓇᐅᔭᒃᓴᖅ, ᑖᒃᑯᓄᖓ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓ ᐱᓕᕆᓂᐊᖅᑐᑦ ᐅᖃᐅᔾᔨᖃᑦᑕᕐᓗᓂ. ᐱᓇᔪᒍᑎᓯ ᐊᔾᔨᒋᔭᕆᐊᖃᓐᖏᑕᖏᑦ ᑮᓇᐅᔭᐃᔭᕈᑕᐅᓂᐊᖅᑐᑦ ᑕᐃᒪᓗ ᓱᑖᕈᑎᑦ ᐱᓇᓱᒍᑎᖏᓐᓄᑦ. ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᕈᕕᑦ ᐅᕝᕙᓘᓐᓃᑦ ᐊᐱᕆᔪᒪᒍᕕᑦ ᐱᔾᔪᑎᒋᓪᓗᒍ ᐱᓇᔪᖕᓂᖅ ᒥᒃᓵᓄᑦ, ᑕᒫᓃᑉᐳᒍᑦ ᐃᑲᔪᕆᐊᖅᓯᒪᓪᓗᑕ!

ᐃᓂᖃᕐᕕᒃ
ᐱᓇᔪᒍᑎᑦ ᒫᓐᓇ ᒪᑐᓯᒪᔪᑦ, ᑭᓯᐊᓂ ᒪᑐᐃᒃᑲᓐᓂᕐᓂᐊᖅᑐᖅ ᔮᓄᐊᕆᒥ. ᐃᓱᓕᕕᒃᓴᖏᑦᑕ ᐅᓪᓗᖏᑦ ᐊᓯᖑᑐᐃᓐᓇᕆᐊᓕᑦ.

 ᑕᒪᕐᒥᒃ ᓴᓇᖕᖑᐊᖅᑎᑦ ᑕᖃᐃᖅᓯᕕᖃᕆᐊᖃᕐᒥᔪᑦ, ᐃᓂᖃᕐᓗᑎᒃ ᐃᓱᒪᒃᓴᖅᓯᐅᕐᕕᒃᓴᖏᓐᓂ ᐊᒻᒪᓗ ᖃᐅᔨᓇᓱᑦᑎᐊᕐᕕᒃᓴᖏᓐᓂᒃ. ᐃᓂᖃᕐᕕᒃ ᑐᓂᓯᓯᒪᕗᖅ ᐃᓄᖕᓂᒃ ᓴᓇᑐᔪᓄᑦ ᑕᒪᐃᓐᓂᒃ ᑭᓱᑐᐃᓐᓇᓂᒃ ᓴᓇᔪᓐᓇᖅᑐᑦ ᑮᓇᐅᔭᒃᓴᑎᒍᑦ ᐃᑲᔪᖅᑕᐅᔪᓐᓇᖅᓯᔪᑦ ᒥᑭᔪᒥᒃ ᐊᖏᓗᐊᓐᖏᑦᑐᓂᒃᓗ ᖃᓄᐃᓕᐅᖅᑎᑦᑎᔪᑦ ᐊᐅᓪᓗᑎᓂᖃᕐᓗᑎᒃ ᐃᓕᓐᓂᐊᖅᑎᑦᑎᓂᖅ, ᖃᐅᔨᓴᕐᓂᖅ, ᐊᒻᒪᓗ ᐱᕙᓪᓕᐊᑎᑦᑎᓂᖅ. ᐱᓗᐊᖅᑐᒥᒃ ᐊᑑᑎᖃᖅᑐᓂᒃ ᓴᓇᖕᖑᐊᖅᑎᓂᑦ ᕿᓂᖅᑕᐅᕙᒃᑐᓂᒃ: ᓴᕿᑦᑎᓗᑎᒃ ᐃᓱᒪᓕᕈᑎᒃᓴᒃᑲᓐᓂᕐᓂᒃ, ᖃᐅᔨᓴᖃᑦᑕᕐᓗᑎᒃ ᐆᒃᑐᕋᕐᓗᑎᒃ, ᐱᔭᕆᐅᖅᓴᓗᑎᒃ ᐅᕝᕙᓘᓐᓃᑦ ᐃᓕᑦᑎᓗᑎᒃ ᓄᑖᓂᒃ ᓴᓇᔾᔪᓯᕐᓂᒃ, ᐃᖏᕐᕋᓯᑎᒋᐊᒃᑲᓐᓂᒃᓗᒋᑦ ᐱᓐᖑᐊᕈᓯᕐᒥᑦ ᓴᓇᓯᒪᔭᖏᑦ, ᐊᒻᒪᓗ ᐊᓯᖏᑦ ᐊᒥᓱᑦ. ᑐᒃᓯᕋᐅᑎᑦ ᑕᒪᐃᓐᓂᑦ ᐃᓱᒪᒋᔭᐅᓂᐊᖅᑐᑦ ᑮᓇᐅᔭᒃᓴᓂᒃ ᐅᑎᕈᓐᓇᓐᖏᑦᑐᒃᓴᔭᖕᓂᒃ ᑕᒫᓂ $3,500 ᐅᕝᕙᓘᓐᓃᑦ $5,000.

ᑐᕌᒐᖅ
ᐱᓇᔪᒍᑎᑦ ᒫᓐᓇ ᒪᑐᓯᒪᔪᑦ, ᑭᓯᐊᓂ ᒪᑐᐃᒃᑲᓐᓂᕐᓂᐊᖅᑐᖅ ᐅᒃᑑᐱᕆ. ᐃᓱᓕᕕᒃᓴᖏᑦᑕ ᐅᓪᓗᖏᑦ ᐊᓯᖑᑐᐃᓐᓇᕆᐊᓕᑦ.

ᑐᕌᒐᖅ ᓴᓇᓯᒪᔪᖅ ᑐᓂᓯᔪᓐᓇᖅᖢᑎᒃ ᐊᖏᓂᖅᓴᓄᑦ ᖃᓄᐃᓕᐅᕈᑕᐅᔪᓄᑦ ᐅᑯᐊ ᑭᓱᒥᒃ ᐊᐅᓪᓗᑎᔪᑦ ᐊᒻᒪᓗ ᐋᕿᒋᐊᑦᑎᐊᒃᑲᓐᓂᖅᓯᒪᓕᖅᑐᑦ. ᓈᒻᒪᒃᓯᓕᖅᓯᒪᔪᖅ ᓴᓇᖑᐊᒃᑲᐅᔪᓄᑦ ᐅᕝᕙᓘᓐᓃᑦ ᑕᑯᔭᒐᖃᕐᕕᖕᒥ ᑲᒪᔨᐅᔪᓄᑦ ᐃᒪᓐᓇᐅᔪᒪᔪᓄᑦ: ᓴᕿᑦᑎᓗᑎᒃ ᐸᕐᓇᒃᓯᒪᑦᑎᐊᖅᑐᒥᒃ ᐱᓕᕆᐊᒃᓴᒥᒃ ᐅᕝᕙᓘᓐᓃᑦ ᓴᓇᔭᐅᔪᖅ, ᑐᓂᓯᓗᑎᒃ ᓴᓇᔪᓐᓇᕆᐊᖃᖅᑕᖏᓐᓂᒃ ᐊᔪᕆᖅᓲᔾᔨᔪᑦ ᐅᕝᕙᓘᓐᓃᑦ ᖃᐅᔨᒪᓂᕐᒥᖕᓂᒃ ᐊᓯᒥᖕᓄᑦ, ᓴᕿᔮᖅᑎᑦᑎᓗᑎᒃ ᓴᓇᔭᒥᖕᓂᒃ, ᐊᒻᒪᓗ ᐊᓯᖏᑦ ᐊᒥᓱᑦ. ᓯᕗᓪᓕᐅᑎᔭᐅᓂᐊᖅᑐᑦ ᑐᒃᓯᕋᐅᑎᑦ ᐅᑯᐊᓗ ᓴᕿᑎᑦᑎᔪᑦ ᓴᓇᓐᖑᑦᑎᐊᖅᓯᒪᔪᓂᒃ ᑕᑯᔭᐅᔪᒪᔪᓂᒃ, ᐋᕿᑦᑎᐊᖅᓯᒪᔪᑦ, ᐊᒻᒪᓗ/ᐅᕝᕙᓘᓐᓃᑦ ᓄᓇᓕᖕᓂ ᐱᓕᕆᖃᑎᖃᕐᓂᖅ ᑖᒃᑯᓄᖓ ᑮᓇᐅᔭᓕᐅᕈᑕᐅᓂᐊᕐᒪᑕ* ᐊᐅᓪᓗᑎᓗᒋᑦ. ᑐᒃᓯᕋᐅᑎᑦ ᑕᒪᐃᓐᓂᒃ ᓴᓇᓯᒪᔪᓄᑦ ᐃᓱᒪᒋᔭᐅᓂᐊᖅᑐᑦ ᑮᓇᐅᔭᒃᓴᓄᑦ ᐅᑎᕆᐊᑐᓐᖏᑦᑐᓄᑦ $10,000 ᐅᕝᕙᓘᓐᓃᑦ $15,000.
*ᖃᓄᐃᓕᐅᕈᑕᐅᔪᑦ ᐱᓕᕆᔭᐅᔪᑦ ᑐᕌᕆᔭᖃᖅᖢᑎᒃ ᖃᑭᔾᔪᑎᒋᓗᒋᑦ ᓂᐅᕐᕈᑎᒋᔭᓄᑦ ᓴᓇᔭᒥᖕᓂᒃ ᓂᐅᕐᕈᑎᖃᕋᒥᒃ. 

ᐱᓇᔪᒍᓐᓇᖅᑐᑦ ᐱᓇᔪᒃᑐᑦ ᑐᓂᔭᐅᔪᓐᓇᖅᑐᑦ

ᐅᓇ ᐱᓕᕆᑎᑦᑎᔾᔪᑕᐅᔪᖅ ᒪᑐᐃᖓᔪᖅ ᐃᓄᖕᓄᑦ ᐅᑯᐊᓗ ᐃᖅᑲᓇᐃᔭᖅᑐᑦ ᓴᓇᖕᖑᐊᖅᑐᓕᕆᓂᕐᒥ. ᑲᔪᖏᖅᓴᐃᕗᒍᑦ ᑕᒪᐃᓐᓄᑦ ᐱᓕᕆᔪᓐᓇᖅᑐᓕᒫᓂᒃ ᐊᒻᒪᓗ ᐃᖅᑲᓇᐃᔮᖃᕈᒪᔪᓂᒃ,  ᐱᓗᐊᖅᑐᒥᒃ ᓯᕗᓪᓕᖅᐹᒥᒃ ᐱᓇᔪᒃᑐᑦ. ᐱᑎᑕᐅᔪᓐᓇᖅᑐᑦ ᐊᔾᔨᒌᓐᖏᑦᑐᑦ ᑮᓇᐅᔭᒃᓴᖃᖅᑎᑦᑎᔪᓂᑦ ᑎᑭᐅᑎᓯᒪᑦᑎᐊᑐᐊᖅᐸᑕ ᑕᖏᖏᓐᓂᒃ ᐱᔪᓐᓇᖅᑎᑦᑎᔾᔪᑕᐅᔪᓄᑦ. ᐊᑏ ᑕᑯᓗᒋᑦ ᐱᓇᔪᒍᑎᑦ ᑕᑕᑎᕆᐊᓕᑦ ᑕᒪᐃᓐᓂ ᐱᔪᓐᓇᖅᑐᓂᒃ ᓇᓗᓇᐃᔭᑦᑎᐊᖅᓯᒪᔪᑦ. 

ᓄᑖᖅ: ᐊᒥᓱᑦ ᑮᓇᐅᔭᒃᓴᐃᑦ ᐊᑐᓂ ᓴᓇᖕᖑᐊᖅᑎᒧᑦ 
ᐱᓇᔪᒃᑐᑦ ᐱᑎᑕᐅᔪᓐᓇᖅᑐᑦ ᐊᑕᐅᓯᕐᒥᒃ ᑮᓇᐅᔭᒃᓴᓂᒃ ᐅᑯᓇᖓᑦ ᓱᑖᕈᑎᑦ, ᐃᓂᖃᕐᕕᒃ, ᐅᕝᕙᓘᓐᓃᑦ ᑐᕌᒐᖅ, ᐊᒻᒪᓗ ᐱᔾᔪᑎᒋᓪᓗᒍ ᐊᔾᔨᒌᓐᖏᑑᖕᒪᑕ ᐃᓱᓕᕕᖏᑦ ᑖᒃᑯᓄᖓ ᓱᑖᕈᑎᑦ, ᑕᒪᕐᒥᒃ ᐱᑎᑕᐅᓂᐊᖅᑐᑦ ᖄᒃᑲᓐᓂᐊᒍᑦ ᓱᑖᕈᑎᑦ ᑮᓇᐅᔭᒃᓴᒥᒃ ᐃᓗᐊᓂ ᐱᓕᕆᑎᑦᑎᔾᔪᑎᒋᔭᖓ ᐃᓱᓕᓚᐅᖅᑎᓐᓇᒍ (ᐱᓗᐊᖅᑐᒥᒃ ᓯᑎᐱᕆ ᑎᑭᓪᓗᒍ ᒫᑦᓯ) ᐅᓄᓛᑦ ᒪᕐᕉᔪᒃ ᑮᓇᐅᔭᖅᓴᑦ ᐊᑕᐅᓯᕐᒧᑦ ᐱᓕᕆᑎᑦᑎᔾᔪᑕᐅᔪᒧᑦ. ᐱᓇᔪᒃᑯᕕᑦ ᒪᕐᕉᖕᓂᒃ ᓱᑖᕈᑎᑦ ᑮᓇᐅᔭᒃᓴᓂᒃ, ᐊᔾᔨᒌᓐᖏᑕᕆᐊᓕᑦ ᐃᓱᓕᕕᒃᓴᖏᑦ ᐅᓪᓗᖏᑦ ᐊᒻᒪᓗ ᐊᔾᔨᒋᓐᖏᑕᖏᓐᓄᑦ ᐊᑭᓕᖅᓲᑎᒃᓴᓄᑦ. 

ᓄᑖᖅ: ᑮᓇᐅᔭᒃᓴᐃᑦ ᒪᕐᕉᖕᓂᑦ ᐱᓕᕆᑎᑦᑎᔾᔪᑕᐅᔪᓂᑦ
ᐱᑎᑕᐅᒍᕕᑦ ᑲᔪᖏᖅᓴᐅᑦ ᑮᓇᐅᔭᒃᓴᖓᓂᒃ ᑭᖑᓂᑦᑎᓐᓂ ᐊᒻᒪᓗ ᐱᔭᕇᓚᐅᖅᓯᒪᓐᖏᓪᓗᒍ ᐊᒻᒪᓗ ᐅᓂᒃᑳᕆᓚᐅᖅᓯᒪᓐᖏᓪᓗᒍ ᐱᓕᕆᐊᕆᔭᐃᑦ ᓱᓕ ᐱᓇᔪᒃᑲᓐᓂᕈᓐᓇᖅᑐᑎᑦ ᒫᓐᓇᐅᔪᖅ ᒪᑐᐃᖓᑎᓪᓗᒋᑦ ᑕᐃᑲᓂ ᐃᓱᓕᕕᒃᓴᖓ ᐅᓪᓗᖅ ᑎᑭᐅᑎᔭᕇᖅᐸᑦ ᓂᕆᐅᒋᓐᖏᓪᓗᒍ ᐱᔭᕇᕆᐊᖃᕐᓗᒍ ᓯᕗᓪᓕᕐᒥᑦ ᐱᓕᕆᐊᕆᓕᓚᐅᖅᑕᖏᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᖏᖅᑕᐅᓯᒪᕗᑎᑦ ᑮᓇᐅᔭᒃᓴᒥᒃ ᑕᒪᑐᒧᖓ ᒪᑐᐃᖓᕕᖓᓄᑦ, ᓇᓕᐊᑐᐃᓐᓇᖅ ᓄᑖᖅ ᑮᓇᐅᔭᒃᓴᖅ ᐱᓯᒪᔭᐅᓂᐊᖅᑐᖅ ᑭᓯᐊᓂ ᑕᒪᕐᒥᒃ ᑭᖑᓪᓕᖅᐹᖅᓯᐅᑎᑦ ᐅᓂᒃᑳᑦ ᑭᖑᓂᑦᑎᓐᓂ ᐱᓕᕆᑎᑦᑎᔾᔪᑕᐅᔪᓂᑦ ᐱᔭᐅᒃᐸᑕ. ᓐᓂᒃ. ᐊᑏ ᑕᑯᓗᒍ ᐱᓇᔪᒍᑎᑦ ᑕᑕᑎᕆᐊᓕᒃ ᐊᔪᖏᑦᑎᑕᐅᖕᒪᖔᖅᐱᑦ ᓇᓗᓇᐃᑦᑎᐊᖅᓯᒪᔪᑦ.

ᐃᑲᔪᕈᑎᒃᓴᑦ

ᐃᓕᔅᓯᓐᓂᒃ ᐃᑲᔪᕈᒪᕗᒍᑦ ᑮᓇᐅᔭᓂᒃ ᑐᒃᓯᕋᖅᑕᔅᓯᓐᓂᒃ ᐱᔪᓐᓇᑦᑎᐊᕈᓐᓇᕐᓂᐊᕋᔅᓯ ᓴᓇᐅᒐᓕᐅᕐᓂᐊᕈᔅᓯ! ᐅᕙ ᐅᑯᐊ ᐃᑲᔪᕈᑎᒋᔪᓐᓇᕐᓂᐊᖅᑕᓯ ᑎᑎᕋᓕᕈᔅᓯ ᐱᔪᓐᓇᐅᑎᓂᒃ. 

 ᐃᑲᔪᕈᑎᒃᓴᑦ

ᐃᒪᓐᓇ ᐱᓇᔪᒍᓐᓇᖅᑐᑎᑦ

ᐱᓇᔪᒍᑎᑦ ᐊᖏᖅᑕᐅᓂᐊᖅᑐᑦ ᐊᐅᓪᓚᖅᑎᑕᐅᔪᑦ ᖃᕆᓴᐅᔭᒃᑯᑦ, ᓱᒃᑲᔪᒃᑯᑦ ᐊᒻᒪᓗ ᐅᖃᓘᑎᒃᑯᑦ ᖃᓪᓗᓇᐅᔭᕐᓗᑎᑦ, ᐅᐃᕖᖅᑎᑐᑦ ᐊᒻᒪᓗ ᐃᓄᒃᑐᑦ ᐅᖃᓪᓚᒡᓗᑎᑦ. ᑕᒪᕐᒥᒃ ᐃᓄᒃᑎᑑᓕᕆᔨᖃᖅᑐᑦ ᑖᒃᑯᑎᒍᑦ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓ. ᑕᑯᔪᓐᓇᖅᑕᑎᑦ ᐱᓇᔪᒍᑎᑦ ᑕᑕᑎᕆᐊᓕᑦ ᑐᑭᓯᓇᖅᓯᑎᑦᑎᓯᒪᔪᑦ ᓇᓗᓇᐃᔭᑦᑎᐊᖅᓯᒪᓪᓗᑎᒃ.

ᐱᓇᔪᒃᖢᓂ ᑲᔪᖏᖅᓴᐅᑦ ᑮᓇᐅᔭᒃᓴᓂᒃ ᐃᓕᓐᓂᐊᖅᑐᑦ ᑲᑎᒪᓪᓗᑎᒃ

ᐅᓂᒃᑳᓕᐅᕆᐊᖃᖅᑐᑦ

ᓄᑖᖅ: ᑕᐃᒪᓗ ᓇᓗᓇᐃᖅᓯᒪᑦᑎᐊᖅᑐ ᐊᖏᕈᑎᓃᑦᑐᑦ ᐊᒻᒪᓗ ᒪᓕᒋᐊᖃᖅᑐᑦ, ᐃᓱᓕᕕᖃᓐᖏᑦᑐᑦ ᐅᓪᓗᒥᒃ ᐱᓇᔪᒃᑐᑦ ᐱᔭᕇᖅᓯᒍᑎᒃ ᑐᒃᓯᕋᖅᑕᒥᖕᓂᒃ ᓴᓇᔪᒪᓪᓗᒋᑦ, ᑕᐃᒪᓐᓇᐅᒐᓗᐊᖅ, ᑕᐃᒪᓗ ᐱᔭᕇᖅᐸᑦ, ᑭᖑᓪᓕᖅᐹᖅᓯᐅᑎ ᐅᓂᒃᑳᖅ ᑐᓐᓂᖁᑕᐅᔭᕆᐊᖃᖅᑐᖅ ᐃᓗᐊᓂ 3 ᑕᕿᑦ. ᓱᓕ ᐊᔪᖏᑦᑐᑎᑦ ᐱᓇᔪᒃᓗᑎᑦ, ᑕᐃᒪᓗ ᐱᑎᑕᐅᒃᑲᓐᓂᕈᓐᓇᖅᑐᑎᑦ ᑮᓇᐅᔭᒃᓴᓂᒃ ᑕᐃᒪᓗ ᑭᖑᓪᓕᖅᐹᖅᓯᐅᑎ ᐅᓂᒃᑳᖅ ᑐᓂᓯᒪᔭᕆᐊᖃᖅᑕᐃᑦ.

ᑕᐃᒪᓗ ᐊᑑᑎᖃᑦᑎᐊᖅᑐᒥᒃ ᑮᓇᐅᔭᒃᓴᖃᕐᑎᑦᑎᓂᐊᕋᑦᑕ ᐱᓕᕆᑎᑦᑎᔾᔪᑕᐅᔪᓄᑦ, ᐅᑯᐊ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓ ᐊᐱᕆᓚᐅᖅᑐᑦ ᐱᓇᔪᒃᑐᓄᑦ ᑎᑎᕋᕐᓗᒍ ᐅᓇ ᐱᔭᕐᓂᖅᑐᖅ ᑭᖑᓪᓕᖅᐹᖅᓯᐅᑎᑦ ᐅᓂᒃᑳᖅ ᑕᑕᑎᕆᐊᓕᒃ ᑕᐃᒪᓗ ᐊᐱᕆᓪᓗᒋᑦ ᐱᓇᔪᒃᑐᑦ ᓇᐃᓈᕐᓗᒋᑦ ᓴᓇᑐᔪᑦ ᖃᓄᐃᓕᐅᕈᑎᒋᓯᒪᔭᖏᑦ, ᓇᓗᓇᐃᑦᑎᐊᕐᓗᒋᑦ ᖃᓄᖅ ᑮᓇᐅᔭᒃᓴᐃᑦ ᐊᑐᖅᑕᐅᖕᒪᖔᑕ, ᐊᒻᒪᓗ ᑭᐅᓯᓗᑎᑦ ᖃᓄᖅ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓ ᐱᐅᓯᕚᓪᓕᖅᑎᑦᑎᔪᓐᓇᖅᐸᑦ ᖃᔪᖏᖅᓴᐅᑦ ᑮᓇᐅᔭᒃᓴᖅ ᐱᓕᕆᑎᑦᑎᔾᔪᑕᐅᔪᓄᑦ ᐊᒻᒪᓗ ᐱᓕᕆᔾᔪᓯᕐᒧᑦ ᐃᑲᔪᑦᑎᐊᕐᓂᖅᓴᐅᓂᐊᕐᒪᑦ ᐃᓄᖕᓂᒃ ᓴᓇᑐᔪᓂᒃ.  

ᐊᓯᐊᒍᑦᑕᐅᖅ, ᐅᕝᕙᓘᓐᓃᑦ ᐊᓯᖏᑦᑕᐅᖅ ᑕᑕᑎᕆᐊᓕᖕᓄᑦ, ᐱᓇᔪᒃᑐᑦ ᓂᕈᐊᖅᓯᒪᔪᓐᓇᕐᒥᔪᑦ ᐅᖃᓪᓚᒃᓗᑎᒃ ᐱᓕᕆᑎᑦᑎᔾᔪᑕᐅᔪᓄᑦ ᑲᒪᔨᒧᑦ ᑐᓴᖅᑎᑦᑎᓗᑎᒃ ᓇᐃᓈᕐᓗᒍ ᑭᖑᓪᓕᖅᐹᖅᓯᐅᑎ ᐅᓂᒃᑳᖅ ᐊᒻᒪᓗ ᑭᐅᓗᑎᒃ. ᐱᓇᔪᒃᑐᑦ ᑐᓐᖓᓱᒃᑐᑦ ᐅᖃᓪᓚᖃᑎᖃᕈᒪᒍᑎᒃ ᖃᖓᑐᐃᓐᓇᖅ ᐊᐱᕆᔪᓐᓇᖅᑐᑦ ᐅᕝᕙᓘᓐᓃᑦ ᑭᐅᓯᔾᔪᑎᑦ.

ᑲᐃᔪ ᐊᓖᑯᒃ
ᐱᓕᕆᑎᑦᑎᔾᔪᑎᓄᑦ ᐊᒻᒪᓗ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᖃᑎᒌᖕᓄᑦ ᑲᒪᔨ
[email protected]
647-498-7717 ext. 115 

ᐊᐱᖁᑎᒃᓴᖃᖅᐲᑦ?
ᑐᑭᓯᑎᑕᐅᒃᑲᓐᓂᕈᓐᓇᖅᑐᑎᑦ ᐊᒻᒪᓗ ᐃᑲᔪᖅᑕᐅᓗᑎᑦ ᐅᓇ ᐅᖃᕐᕕᒋᓗᒍ:

ᑲᐃᔪ ᐊᓖᑯᒃ
ᐱᓕᕆᑎᑦᑎᔾᔪᑎᓄᑦ ᐊᒻᒪᓗ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᖃᑎᒌᖕᓄᑦ ᑲᒪᔨ
kaleekuk[at]inuitartfoundation[dot]org
647-498-7717 ext. 115

ᐊᐱᕆᔪᑦ ᑐᒃᓯᕋᖅᖢᑎᒃ ᐃᑲᔪᖅᑕᐅᔪᒪᓗᑎᒃ ᐃᓄᒃᑐᑦ, ᐃᓄᒃᑎᑑᓕᕆᔨᒥᒃ ᐅᕝᕙᓘᓐᓃᑦ ᑐᓵᔨᒥᒃ ᐋᕿᒃᑕᐅᓂᐊᖅᑐᑦ ᐅᕙᑦᑎᓐᓂᑦ. ᐊᑏ ᐃᓂᖃᕐᑎᑦᑎᓗᑎᑦ ᐃᖅᑲᓇᐃᔭᖅᑎᒥᒃ ᑭᐅᔪᓐᓇᕐᓂᐊᕐᒫᑎᑦ ᑐᒃᓯᕋᖅᑕᕐᓂᒃ ᐅᕝᕙᓘᓐᓃᑦ ᑐᑭᓯᔪᒪᔭᕐᓂᒃ ᐃᑲᔪᖅᑕᐅᓂᐊᖅᑐᑎᑦ ᐃᓄᒃᑎᑑᑎᕆᔪᓐᓇᖅᑐᓂᑦ ᐅᕝᕙᓘᓐᓃᑦ ᑐᓵᔨᐅᔪᓐᓇᖅᑐᓂᑦ.

ᐊᐱᖁᑕᐅᒐᔪᓲᑦ 

ᑭᖑᓂᑦᑎᓐᓂ ᐱᓇᔪᖕᓂᑯᑦ

ᐃᓕᓴᕆᔭᕗᑦ ᐃᑲᔪᕐᒪᑕ ᑖᒃᑯᐊ ᑲᓇᑕᒥ ᑲᑎᒪᔨᑦ ᓴᓇᖕᖑᐊᖅᑐᓕᕆᓂᕐᒧᑦ ᐊᒻᒪᓗ ᐱᓐᖑᐊᖅᑐᓕᕆᓂᕐᒧᑦ .